ສອງຜົວເມຍຖືກຈັບ ຄະດີໜີພາສີ ຂາຍກັນຊາ

421

ທາງການລັດໂຄໂລຣາໂດ ທາງພາກຕາເວັນຕົກຂອງເມຣິກາ ກຽມດໍາເນີນຄະດີເອົາຜິດກັບ 2 ຜົວເມຍທີ່ເຮັດທຸລະກິດຂາຍກັນຊາ ພຽງ 3 ປີກວ່າ ສ້າງລາຍໄດ້ກວ່າ 10 ລ້ານໂດລາ ( ປະມານ 85,7 ຕື້ກີບ ) ແຕ່ປົກປິດລາຍໄດ້ເຮັດໃຫ້ລັດສູນເສຍລາຍໄດ້ຈາກພາສີກວ່າ 3 ລ້ານໂດລາ ( ປະມານ 25 ຕື້ກີບ ).

ສໍານັກຂ່າວເອເອັຟພີລາຍງານຈາກເມືອງລອສແອນເຈລິສ ປະເທດອາເມຣິກາ ເມື່ອວັນທີ 20 ກຸມພາ ວ່າ ເຈົ້າໜ້າທີ່ທາງການລັດໂຄໂລຣາໂດ ເຜີຍວ່າ ທ້າວ ແອນດຣູ ໂພຊ ແລະ ນາງ ຊັນເຕ ໂພຊ ອາຍຸ 31 ປີເທົ່າກັນ ເປີດສະຖານທີ່ຂາຍກັນຊາທີ່ຮັບສະເພາະເງິນສົດ ຊື່ ເລຊີ່ ໄລອ້ອນ (Lazy Lion) ໃນເມືອງໂຄໂລຣາໂດສະປິງສ໌ ເມື່ອເດືອນມັງກອນ 2013 ສ້າງລາຍໄດ້ຫຼາຍກວ່າ 10 ລ້ານໂດລາ ໃນໄລຍະເວລາກວ່າ 3 ປີ ແຕ່ທັງສອງບໍ່ແຈ້ງລາຍໄດ້ທີ່ຖືກຕ້ອງຕາມຄວາມເປັນຈິງ ແລະ ກ່ອນໜ້ານັ້ນ ສອງຜົວເມຍ ຄູ່ນີ້ຍັງເຄີຍຂໍເງິນທີ່ຊຳລະພາສີຄືນ ໃນປີ 2014 ເນື່ອງຈາກລາຍງານເທັດວ່າມີລາຍໄດ້ພຽງ 19.292 ໂດລາ ທັງທີ່ຄວາມເປັນຈິງທັງສອງມີລາຍໄດ້ເກືອບ 3 ລ້ານໂດລາ.

ในภาพอาจจะมี 1 คน, อาหาร

ສານເຜີຍເມື່ອວັນພຸດ ວ່າ ຄະດີນີ້ ສອງຜົວເມຍ ຮັບສາລະພາບ ແລະ ສານກຽມຕັ້ງຂໍ້ຫາດໍາເນີນຄະດີ.

ຄະດີຂອງສອງຜົວເມຍ ໂພຊ ສະແດງໃຫ້ເຫັນເຖິງລະບຽບກົດໝາຍ ຂອງການເປັນເຈົ້າຂອງທຸລະກິດກັນຊາໃນອາເມຣິກາ ເຊິ່ງກັນຊາເປັນສິ່ງທີ່ຖືກກົດໝາຍ ແຕ່ຍັງຜິດກົດໝາຍໃນລະດັບຊາດ ເຮັດໃຫ້ອຸສາຫະກຳກັນຊາຕ້ອງຮັບສະເພາະເງິນສົດ ເນື່ອງຈາກເຈົ້າຂອງທຸລະກິດບໍ່ສາມາດຝາກເງິນຈາກການຂາຍກັນຊາໄວ້ໃນທະນາຄານ ທີ່ປະຕິເສດເປີດບັນຊີສໍາລັບທຸລະກິດທີ່ກ່ຽວຂ້ອງກັບກັນຊາ. ຄະດີນີ້ ຄູ່ຜົວເມຍ ອາດຖືກຕັດສິນຈຳຄຸກສູງສຸດບໍ່ເກີນ 3 ປີ ແລະ ປັບໄໝເງິນ 250.000 ໂດລາ ( ປະມານ 2 ຕື້ກີບ ) ຖ້າສານຕັດສິນວ່າມີຄວາມຜິດຕາມການຟ້ອງຮ້ອງ ແລະ ທັງສອງຕົກລົງຈ່າຍຄ່າພາສີແກ່ລັດ ກວ່າ 3 ລ້ານໂດລາ ຕາມຂໍ້ຕົກລົງທີ່ຮັບສາລະພາບເພື່ອຫຼຸດຜ່ອນໂທດ.

ไม่มีคำอธิบายรูปภาพ