ຄິດວ່າຄົນ! ສື່ທາງການຈີນເປີດຕົວ “ຜູ້ປະກາດຂ່າວ AI” ຍິງ ຄົນທໍາອິດຂອງໂລກ

1200

ເມື່ອວັນພຸດ ທີ 20 ກຸມພາ ຜ່ານມາ ສໍານັກຂ່າວຊິນຫົວຂອງທາງການຈີນເປີດຕົວຜູ້ປະກາດຂ່າວປັນຍາປະດິດ ຫຼື ເອໄອ (AI) ເພດຍິງ “ຄົນ” ທໍາອິດຂອງໂລກ ເຊິ່ງກຽມເຮັດໜ້າທີ່ລະຫວ່າງການປະຊຸມສອງສະພາ (Two Sessions) ຂອງຈີນ.

ຄລິບວີດີໂອ ເຜີຍໃຫ້ເຫັນຜູ້ປະກາດຂ່າວຍິງທີ່ກ່າວແນະນໍາຕົວຢ່າງເປັນທໍາມະຊາດ ວ່າຊື່ ຊິນ ສ່ຽວເໝິງ  (Xin Xiaomeng) ເຊິ່ງອາໄສຮູບລັກ ແລະ ນ້ຳສຽງຂອງຊີ ເໝິງ ຜູ້ປະກາດຂ່າວຂອງສໍານັກຂ່າວຊິນຫົວທີ່ມີຕົວຕົນຢູ່ຈິງ.

ຍິງຜູ້ປະກາດຂ່າວ ເອໄອ ຄົນໃໝ່ເກີດຈາກຄວາມຮ່ວມມືຂອງສໍານັກຂ່າວຊິນຫົວ ແລະ Sogou ບໍລິສັດຜູ້ຜະລິດເວັບໄຊຄົ້ນຫາຂໍ້ມູນລາຍໃຫຍ່ຂອງຈີນ ທີ່ເຄີຍເປີດຕົວຜູ້ປະກາດຂ່າວເອໄອເພດຊາຍຄົນທໍາອິດຂອງໂລກ ເມື່ອເດືອນພະຈິກ ປີຜ່ານມາ. ສໍານັກຂ່າວຊິນຫົວລະບຸວ່າ ຜູ້ປະກາດຂ່າວເອໄອ ສາມາດເຮັດວຽກໄດ້ຕະຫຼອດ 24 ຊົ່ວໂມງ ໄດ້ທຸກຮູບແບບຂອງການລາຍວຽກຂ່າວ ທັງຜ່ານເວັບໄຊທາງການ ຫຼື ສື່ສັງຄົມອອນໄລນ໌ ເຊິ່ງຊ່ວຍຫຼຸດຕົ້ນທຶນ ແລະ ເພິ່ມປະສິດທິພາບຂອງການເຮັດວຽກ.

CR:China Xinhua News