ແຮງງານ 3.500 ຄົນ ກຽມວ່າງວຽກ ເມື່ອຮອນດ້າ ປະກາດຈະປິດໂຮງງານໃນອັງກິດ ປີ 2021

345

ຮອນດ້າ ມໍເຕີ ບໍລິສັດຜູ້ຜະລິດລົດລາຍໃຫຍ່ ຂອງໂລກຈາກປະເທດຍີ່ປຸ່ນ ປະກາດຈະປິດໂຮງງານຜະລິດທີ່ມີຢູ່ແຫ່ງດຽວຂອງປະເທດອັງກິດ ໃນປີ 2021 ສົ່ງຜົນກະທົບໂດຍກົງໃຫ້ແກ່ແຮງງານ 3.500 ຄົນ ແຕ່ຜູ້ບໍລິຫານບໍລິສັດຢືນຢັນຄວາມເຄື່ອນໄຫວດັ່ງກ່າວບໍ່ກ່ຽວຂ້ອງກັບເບຣັກຊິດ.

ในภาพอาจจะมี 1 คน, ชุดสูท และข้อความ

ສໍານັກຂ່າວຣອຍເຕີ ແລະ ເອພີ ລາຍງານຈາກນະຄອນຫຼວງລອນດອນ ປະເທດອັງກິດ ເມື່ອວັນອັງຄານ ທີ 19 ກຸມພາ ວ່າ ທ່ານ ທາກະຮິໂຣະ ຮາຈິໂງະ ປະທານ ແລະ ຊີອີໂອ ບໍລິສັດຮອນດ້າ ມໍເຕີ ປະກາດການຕັດສິນໃຈລະຫວ່າງການຖະແຫຼງຂ່າວໃນນະຄອນຫຼວງໂຕກຽວ ເມື່ອວັນອັງຄານ ວ່າ ການຕັດສິນໃຈຢຶດຫຼັກການປ່ຽນແປງ ໃນຕະຫຼາດຍານຍົນໂລກ ແລະ ບໍລິສັດຕ້ອງໄດ້ມີການປ່ຽນທິດທາງໄປທີ່ການຜະລິດລົດໃຫຍ່ໃຊ້ພະລັງງານໄຟຟ້າ ພ້ອມກັບຢືນຢັນວ່າ ເບຣັກຊິດ (ການຖອນຕົວອອກຈາກສະຫະພາບຍຸເອີຣົບ (EU) ຂອງປະເທດອັງກິດ ບໍ່ແມ່ນປັດໄຈຫຼັກຂອງການຕັດສິນໃຈປິດໂຮງງານ.

ທາງຮອນດ້າຍັງມີແຜນຈະຢຸດການຜະລິດລົດເກັ໋ງ ຮອນດ້າ ຊີວິກ ເຊິ່ງເປັນລຸ້ນທີ່ຂາຍດີທີ່ສຸດ ທີ່ໂຮງງານໃນປະເທດຕັວກກີ ຕັ້ງແຕ່ປີ 2021 ເປັນຕົ້ນໄປດ້ວຍ ແຕ່ບໍລິສັດຈະຍັງດໍາເນີນທຸລະກິດ ໃນປະເທດຕັວກກີຕໍ່ໄປ.

ในภาพอาจจะมี ท้องฟ้า, รถยนต์ และสถานที่กลางแจ้ง

ການປິດໂຮງງານຮອນດ້າທີ່ເມືອງສະວິນດອນ ທາງພາກໃຕ້ຂອງປະເທດອັງກິດຄາດວ່າ ຈະເຮັດໃຫ້ແຮງງານ ປະມານ 3.500 ຄົນ ຕ້ອງວ່າງວຽກ ແລະ ສົ່ງຜົນກະທົບເຊີງສັນລັກຄັ້ງໃຫຍ່ຕໍ່ອຸດສາຫະກໍາການຜະລິດຂອງສະຫະຣາຊະອານາຈັກ ລະຫວ່າງຄວາມວຸ້ນວາຍຈາກເບຣັກຊິດ.

ในภาพอาจจะมี รถยนต์ และสถานที่กลางแจ้ง