ຟິລິບປິນມີຜູ້ເສຍຊີວິດຈາກໄຂ້ອອກຕຸ່ມແລ້ວ 136 ຄົນ

322

ຈໍານວນຜູ້ເສຍຊີວິດຈາກໄຂ້ອອກຕຸ່ມ (ໄຂ້ໝາກແດງ: Measles) ໃນປະເທດຟິລິບປິນ ຕັ້ງແຕ່ຕົ້ນເດືອນນີ້ ເພິ່ມຂຶ້ນຢ່າງວ່ອງໄວເຖິງ 136 ຄົນ ດ້ານລັດຖະບານຢໍ້າເຕືອນປະຊາຊົນໃຫ້ຄວາມສໍາຄັນໃນການສັກຢາ ແລະ ນໍາລູກຫຼານໄປຮັບການຍອດຢາໂດຍໄວ.

ສໍານັກຂ່າວຕ່າງປະເທດລາຍງານຈາກນະຄອນຫຼວງມະນິລາ ປະເທດຟິລິບປິນ ເມື່ອວັນອັງຄານ ທີ 19 ກຸມພາ ວ່າ ກະຊວງສາທາລະນະສຸກຂອງຟິລິບປິນ ລາຍງານສະຖານະການໆແຜ່ລະບາດຂອງໄຂ້ອອກຕຸ່ມໃນປະເທດ ວ່າ ນັບຕັ້ງແຕ່ການປະກາດໃຫ້ເປັນພາວະສຸກເສີນດ້ານສາທາລະນະສຸກແຫ່ງຊາດ ເມື່ອວັນທີ 6 ກຸາພາ ທີ່ຜ່ານມາ ພົບຜູ້ຕິດເຊື້ອຢ່າງໜ້ອຍ 8.443 ຄົນ ໃນຈໍານວນນີ້ ເສຍຊີວິດແລ້ວ 136 ຄົນສ່ວນຈໍານວນຜູ້ຕິດເຊື້ອເພິ່ມຂຶ້ນຫຼາຍເຖິງ 253% ເມື່ອ ທຽບກັບໄລຍະເວລາດຽວກັນຂອງປີຜ່ານມາ ສ່ວນຈຳນວນຜູ້ເສຍຊີວິດແມ່ນເພິ່ມຫຼາຍເຖິງ 491% ສ່ວນຫຼາຍເປັນເດັກນ້ອຍອາຍຸ ຕັ້ງແຕ່ 1-4 ປີ ແລະ ບໍ່ໄດ້ຮັບການສັກຢາ.

ในภาพอาจจะมี 5 คน

ຂະນະທີ່ ປະທານາທິບໍດີໂຣດຣິໂກ ດູເຕີເຕ ຖະແຫຼງ ເມື່ອວັນສຸກ ທີ່ຜ່ານມາ ຮຽກຮ້ອງໃຫ້ປະຊາຊົນຮີບຟ້າວເຂົ້າຮັບການສັກຢາຕ້ານເຊື້ອຕາມໂຮງໝໍ ຫຼື ສະຖານອະນາໄມໃກ້ບ້ານ ໂດຍສະເພາະຜູ້ປົກຄອງຄວນນໍາລູກຫຼານທີ່ຍັງນ້ອຍໄປຮັບການສັກຢາຕ້ານເຊື້ອໄຂ້ອອກຕຸ່ມ “ທີ່ມີປະສິດທິພາບຕາມຫຼັກການແພດ” ໃນການປ້ອງກັນຮ່າງກາຍຈາກການລົ້ມປ່ວຍດ້ວຍໂຣກຊະນິດນີ້ ດ້ານ ທ່ານ ຟຣານຊິສໂກ ດູເກ ລັດຖະມົນຕີຊ່ວຍວ່າການກະຊວງສາທາລະນະສຸກຂອງຟິລິບປິ ກ່າວວ່າ ພື້ນທີ່ວິກິດທີ່ສຸດຄື ນະຄອນຫຼວງມະນິລາ ທີ່ມີປະຊາກອນອາໄສຢູ່ໜາແໜ້ນຫຼາຍກວ່າ 12 ລ້ານຄົນ ແລະ ອັດຕາການຕິດເຊື້ອພະຍາດເພິ່ມຂຶ້ນຫຼາຍເຖິງ 1.000%.

ທັງນີ້ ໄຂ້ອອກຕຸ່ມເປັນພະຍາດທີ່ຕິດຕໍ່ກັນໄດ້ງ່າຍຫຼາຍ ເນື່ອງຈາກແຜ່ລະບາດກັນໄດ້ຜ່ານທາງອາກາດເຊັ່ນການໄອ ແລະ ຈາມ ຕະຫຼອດຈົນການສໍາຜັດກັບນ້ຳລາຍ ຫຼື ຂີ້ມູກຂອງຜູ້ປ່ວຍ ເຊິ່ງເບື້ອງຕົ້ນ ຜູ້ຕິດເຊື້ອຈະມີອາການໄຂ້ ຖ້າບໍ່ໄດ້ຮັບການຮັກສາຢ່າງຖືກຕ້ອງ ພາຍໃນ 1 ອາທິດ ອາດຈະເກີດພາວະແຊກຊ້ອນທີ່ລວມເຖິງສະໝອງອັກເສບ, ປອດອັກເສບ ແລະ ຕາບອດ ຖ້າໄດ້ຮັບການສັກຢາຕ້ານເຊື້ອສາມາດຫຼຸດຄວາມສ່ຽງຕໍ່ການຕິດເຊື້ອໄດ້ຫຼາຍເຖິງ 75%.

ในภาพอาจจะมี หนึ่งคนขึ้นไป, ผู้คนกำลังนั่ง, เด็ก และสถานที่กลางแจ้ง