ເກັ່ງຫຼາຍ! ນັກສຶກສາອິນເດຍ ສ້າງລົດເມລະບົບອັດຕະໂນມັດໃຊ້ພະລັງງານແສງອາທິດ

351

ໃນຍຸກ4 ຈີ ນີ້ ລະບົບໂຄງສ້າງພື້ນຖານຕ່າງໆໄດ້ມີການໃຊ້ເທັກໂນໂລຢີທີ່ທັນສະໄໝເຂົ້າມາຊ່ວຍເພື່ອພັດທະນາຕາມແນວທາງຂອງປະເທດໃຜມັນ ທັງດ້ານອຸດສາຫະກຳ, ດ້ານໂທລະຄົມມະນາຄົມ ທີ່ພັດທະນາຢ່າງກ້າວກະໂດດໄປໄວຫຼາຍ ເຊິ່ງກໍ່ອາດຈະລວມເຖິງລະບົບການສຶກສາທີ່ບາງຈຸດທີ່ລະບົບຍັງກ້າວບໍ່ທັນກັບເທັກໂນໂລຢີສະໄໝໃໝ່.

ไม่มีคำอธิบายรูปภาพ

ຖ້າເບິ່ງຢ້ອນກັບໄປ 10 ປີຫຼັງ ເມື່ອມາເຖິງປັດຈຸບັນນີ້ ດ້ວຍຄວາມໄວຂອງເທັກໂນໂລຢີທີ່ພັດທະນາຕະຫຼອດເວລາ ສ່ວນລະບົບການສຶກສາ ບາງສະຖານທີ່ອາດຈະຍັງຢືນຢູ່ບ່ອນເກົ່າ ບາງຄົນຮຽນເປັນ 20 ປີເຮັດຫຍັງບໍ່ເປັນກໍ່ມີ, ວິຊາທີ່ຮຽນສ່ວນຫຼາຍບໍ່ສອດຄ່ອງກັບໜ້າວຽກ ຫຼື ແມ້ແຕ່ ສິ່ງທີ່ຮຽນມາແຕ່ນ້ອຍເຊັ່ນການທ່ອງ, ຈື່ຈຳ ແລ້ວຕອບຕາມຄຳຖາມທີ່ຖືກກຳນົດມາ ກ,ຂ,ຄ… ເທົ່ານັ້ນ ສິ່ງທີ່ມັນຂາດໄປກໍ່ຄືຈິນຕະນາການ, ແນວຄິດທີ່ສ້າງສັນ ທີ່ຢາກລອງຕອບແຕກຕ່າງອອກໄປ ຕັ້ງແຕ່ນ້ອຍ.

ไม่มีคำอธิบายรูปภาพ

ແຕ່ມັນກໍ່ບໍ່ໄດ້ເປັນແບບນັ້ນທັງໝົດ ເພາະສະຖານທີ່ສຶກສາຫຼາຍແຫ່ງກໍ່ໄດ້ນຳວິຊາດ້ານພັດທະນາເທັກໂນໂລຢີເຂົ້າມາພັດທະນາ ສ້າງແນວຄິດໃຫ້ນັກສຶກສາໄດ້ມີອິດສະລະໃນການຄິດ,ຈິນຕະນາການ ເພື່ອປະດິດສ້າງ ສິ່ງທີ່ທັນສະໄໝໃຫ້ປັບຕົວເຂົ້າກັບຍຸກສະໄໝນີ້.

ไม่มีคำอธิบายรูปภาพ

ເມື່ອບໍ່ດົນນີ້ກຸ່ມນັກສຶກສາຈາກມະຫາວິທະຍາໄລເລີຟລີ່ ໂປເຟສຊັ່ນນັລ (LPU: Lovely Professional University) ຂອງອິນເດຍໄດ້ເຜີຍແຜ່ຜົນງານການອອກແບບ ແລະ ການສ້າງລົດເມໂດຍສານຂະໜາດນ້ອຍທີ່ສາມາດຂັບເຄື່ອນດ້ວຍລະບົບອັດຕະໂນມັດ ແລະ ໃຊ້ພະລັງງານແສງອາທິດເປັນຫຼັກ.

ในภาพอาจจะมี สถานที่กลางแจ้ง

ລາຍງານລະບຸວ່າ ລົດໂດຍສານຮູບຊົງສີ່ຫຼ່ຽມທີ່ໃຊ້ສັນຍານຈີພີເອັສ (GPS) ແລະ ບລູທູດ (Bluetooth) ໃນການນໍາທາງມີຄວາມໄວສູງສຸດ 30 ກິໂລແມັດຕໍ່ຊົ່ວໂມງ ແລະ ໃຊ້ກ້ອງບັນທຶກພາບດ້ານເທິງເພື່ອປະມວນຜົນເສັ້ນທາງການແລ່ນ.

ຢ່າງໃດກໍ່ດີ ລົດເມໂດຍສານອັດສະລິຍະຄັນນີ້ ຍັງມີບ່ອນນັ່ງສໍາລັບຄົນຂັບ ເພື່ອຄວບຄຸມການຂັບເຄື່ອນຂອງລົດ ເມື່ອເກີດກໍລະນີບໍ່ມີສັນຍານຈີພີເອັສ ແລະ ບລູທູດ ຢູ່ໃນພື້ນທີ່ທີ່ໄດ້ກຳນົດໃຫ້ລົດໂດຍສານແລ່ນໄປຈຸດນັ້ນ.

ในภาพอาจจะมี ข้อความ
ในภาพอาจจะมี หนึ่งคนขึ้นไป และสถานที่กลางแจ้ง

CR:China Xinhua News