ສຄອຊ ຮ່ວມຫາລືກຳນົດຄ່າແຮງງານຂັ້ນຕ່ຳ ໃນ ສປປ ລາວ

269
ในภาพอาจจะมี 1 คน

ສະພາການຄ້າ ແລະ ອຸດສາຫະກຳແຫ່ງຊາດລາວ ( ສຄອຊ ) ຮ່ວມກັບອົງການແຮງງານ ສາກົນ ( lLO ) ຈັດກອງປະຊຸມວິຊາການ ແລະ ວາງແຜນຍຸດທະສາດກ່ຽວກັບການສ້າງຄວາມເຂັ້ມແຂງໃຫ້ແກ່ຂັ້ນຕອນການກຳນົດຄ່າແຮງງານຕ່ຳສຸດໃນ ສປປ ລາວ ເພື່ອກຽມຂໍ້ມູນສະເໜີຕໍ່ກອງປະຊຸມສາມຝ່າຍ.
ກອງປະຊຸມ ດັ່ງກ່າວຈັດຂຶ້ນໃນວັນທີ 18 ກຸມພາ 2019 ທີ່ໂຮງແຮມເສດຖາປາລາສ໌ ນະຄອນຫຼວງວຽງຈັນ ໂດຍການເປັນປະທານຂອງ ທ່ານ ນາງ ວາລີ ເວດສະພົງ ຮອງປະທານ ສຄອຊ ມີຕາງໜ້າຈາກອົງການ lLO ແລະ ຂະແໜງການກ່ຽວຂ້ອງລວມທັງພາກທຸລະກິດເຂົ້າຮ່ວມ.

ທ່ານ ນາງ ວາລີ ເວດສະພົງ ກ່າວວ່າ: ກອງປະຊຸມຄັ້ງນີ້ແມ່ນສືບຕໍ່ຈາກກອງປະຊຸມສາມຝ່າຍຂັ້ນສູນກາງກ່ຽວກັບສາຍພົວພັນແຮງງານ ຄັ້ງທີ 15 ທີ່ສູນກາງສະຫະພັນກຳມະການລາວເປັນເຈົ້າພາບ ໂດຍມອບໃຫ້ ສຄອຊ ຮ່ວມມືກັບ ອົງການ lLO ເປັນຜູ້ສຶກສາເພື່ອຈະລາຍງານໃນກອງປະຊຸມສາມຝ່າຍໃນຄັ້ງທີ 16 ທີ່ກະຊວງແຮງງານ ແລະ ສະຫວັດດີການສັງຄົມຈະເປັນເຈົ້າພາບ. ໃນໄລຍະຜ່ານມາອົງການສາມຝ່າຍ ໄດ້ປັບ ປຸງລະດັບຄ່າແຮງງານຕໍ່າສຸດຢູ່ທີ່ີ 1.100.000 ກີບ ຄັ້ງນີ້ຖືເປັນຄັ້ງທີ 8 ນັບແຕ່ປີ 1991.

ในภาพอาจจะมี หนึ่งคนขึ้นไป และสถานที่กลางแจ้ง

ທ່ານກ່າວວ່າ: ສຄອຊ ໄດ້ໃຊ້ວິທີແບບຈັດກອງປະຊຸມກັບບັນດານັກທຸລະກິດທັງພາຍໃນ ແລະ ຕ່າງປະເທດ ເພື່ອສຶກສາດ້ານການຜະລິດຕະພາບແຮງງານລາວ, ຄາດຄະເນຜົນກະທົບທີ່ຄາດວ່າຈະເກີດຂຶ້ນຕໍ່ການຈະເລີນເຕີບໂຕທາງດ້ານເສດຖະກິດຂອງປະເທດ ແລະ ແຂ່ງຂັນກັບສາກົນ ເຊັ່ນ: ອັດຕາເງິນເຟີ້, ອັດຕາການຂະຫຍາຍຕົວຂອງເສດຖະກິດ, ການເພີ່ມຂຶ້ນຄ່າຄອງຊີບ ແລະ ສົມທຽບຄ່າແຮງງານຂັ້ນຕ່ຳປະເທດອ້ອມຂ້າງ.

ກອງປະຊຸມຄັ້ງນີ້, ບັນດາຜູ້ເຂົ້າຮ່ວມໄດ້ຮັບຟັງບົດຮຽນຈາກຊ່ຽວຊານດ້ານການສຶກສາຄົ້ນຄວ້າແຮງງານຂັ້ນຕ່ຳສຸດ ແລະ ເພື່ອເປັນບົດຮຽນໃນການປຶກສາຫາລື ເພື່ອຈະເປັນການກຳນົດຫຼັກການໃນການກຳນົດຄ່າແຮງງານຂັ້ນຕ່ຳສຸດໃຫ້ສົມເຫດສົມຜົນ ເພື່ອເປັນຜົນປະໂຫຍດໃຫ້ພາກທຸລະກິດ ຄືຜູ້ໃຊ້ແຮງງານ ເພື່ອສະເໜີຕໍ່ກອງປະຊຸມສາມຝ່າຍ ໃນການກຳນົດຄ່າແຮງງານຂັ້ນຕ່ຳສຸດໃນອະນາຄົດ ແລະ ເພື່ອເປັນບົດຮຽນໃນການສ້າງຫຼັກການທີ່ເປັນທິດສະດີ, ເປັນສູດຄິດໄລ່ ແລະ ເປັນທຳ ທີ່ອົງການສາມຝ່າຍຮັບໄດ້ໃນການປັບອັດຕາຄ່າແຮງງານຂັ້ນຕ່ຳໃນແຕ່ລະໄລຍະ ແລະ ຈະເຮັດແນວໃດໃຫ້ ລາຄາສິນຄ້າໃນທ້ອງຕະຫຼາດເໜັງຕີງໜ້ອຍລົງ.