5 ປັດໄຈ ໃນການກະຕຸ້ນໃຫ້ພະນັກງານຢາກສ້າງຜົນງານທີ່ດີ

41

ເຮົາລອງພິຈາລະນາຈາກຕົວເຮົາເອງວ່າການທີ່ເຮົາທຸ່ມເທເຮັດວຽກ ແລະ ພະຍາຍາມທີ່ຈະສ້າງຜົນງານທີ່ເປັນເລີດ ລວມທັງພະຍາຍາມຄິດສິ່ງໃໝ່ໆເພື່ອໃຊ້ໃນການເຮັດວຽກ ລວມເຖິງການແກ້ໄຂບັນຫາຕ່າງໆໃຫ້ງານ ສຳເລັດລຸລ່ວງໄປໄດ້ນັ້ນ ສິ່ງໃດທີ່ເປັນສາເຫດເຮັດໃຫ້ເຮົາເປັນແບບນັ້ນ. ລຳພັງພຽງຄ່າຈ້າງເງິນເດືອນ ແລະ ສະຫວັດດີການທີ່ດີນັ້ນມັນບໍ່ແມ່ນສາເຫດຫຼັກ ເຊິ່ງສາເຫດທີ່ຈະເຮັດໃຫ້ພະນັກງານມຸ່ງໝັ້ນສ້າງຜົນງານທີ່ດີມີດັ່ງນີ້:

1. ມີຜູ້ບໍລິຫານ ແລະ ຫົວໜ້າທີ່ເກັ່ງ, ສ້າງຜົນງານທີ່ດີໃຫ້ເຫັນສິ່ງທຳອິດທີ່ຈະເຮັດໃຫ້ພະນັກງານສ້າງຜົນງານທີ່ດີໄດ້ກໍ່ຄື: ຈະຕ້ອງມີຫົວ​ໜ້າທີ່ດີກ່ອນພະນັກງານຈະຕ້ອງເຫັນສິ່ງທີ່ຫົວໜ້າເຮັດວ່າຫົວໜ້າມຸ່ງໝັ້ນຕັ້ງໃຈໃນການເຮັດວຽກຫຼາຍສໍ່າໃດ ເຊິ່ງສິ່ງເຫຼົ່ານີ້ເອງທີ່ພະນັກງານຈະຊຶມຊັບມາໂດຍບໍ່ຮູ້ຕົວ ແລະ ຈະເຮັດໃຫ້ພະນັກງານມີພະລັງໃນການສ້າງສັນຜົນງານທີ່ດີໄດ້ດ້ວຍ ເພາະໄດ້ເຫັນຕົວຢ່າງໃນການເຮັດວຽກຈາກຫົວໜ້າຂອງຕົນເອງຜິດກັບພະນັກງານທີ່ເຮັດວຽກກັບຫົວໜ້າງານທີ່ບໍ່ເກັ່ງ ແລະ ເຮັດວຽກບໍ່ເປັນຜົນຄື: ພະນັກງານທີ່ເກັ່ງຈະເບື່ອໜ່າຍ ແລະ ບໍ່ຢາກເຮັດວຽກນໍາສຸດທ້າຍກໍ່ບໍ່ຢາກສ້າງຜົນງານທີ່ດີເຊັ່ນກັນ ສະແດງວ່າກ່ອນທີ່ເຮົາຈະເລື່ອນໃຜໃຫ້ເປັນຫົວໜ້າເຮົາຈະຕ້ອງໝັ້ນໃຈວ່າຜູ້ນັ້ນເປັນຄົນເກັ່ງ ແລະ ມີຄວາມມຸ່ງໝັ້ນໃນການເຮັດວຽກສູງ.

ในภาพอาจจะมี 2 คน, คนที่ยิ้ม, ผู้คนกำลังนั่ง

2. ມີຜູ້ບໍລິຫານ ແລະ ຫົວໜ້າງານທີ່ຮັບຟັງ ຄວາມຄິດເຫັນ: ສິ່ງທີ່ເຮັດໃຫ້ພະນັກງານຢາກສ້າງຜົນງານທີ່ດີ ຄື: ການທີ່ພະນັກງານໄດ້ເຮັດວຽກກັບຫົວໜ້າທີ່ຍິນດີຮັບຟັງພະນັກງານຢ່າງເປີດໃຈ ບໍ່ແມ່ນພຽງສະແດງທ່າທາງວ່າຮັບຟັງ ແຕ່ຄວາມຈິງແລ້ວບໍ່ໄດ້ຟັງຫຍັງເລີຍບໍ່ເຂົ້າໃຈພະນັກງານຊ້ຳ, ມີພະນັກງານບາງຄົນບອກວ່າ: ຖ້າມີຫົວໜ້າທີ່ບໍ່ເຄີຍເປີດໃຈຮັບຟັງເຮົາເລີຍ ຕົວພະນັກງານເອງກໍ່ຈະບໍ່ມີແຮງຈະເຮັດວຽກພະລັງໃນການສ້າງຜົນງານກໍ່ຈະຫຼຸດລົງໄປເລື້ອຍໆຈົນຫາຍໄປໃນທີ່ສຸດ.

ในภาพอาจจะมี 1 คน, กำลังนั่ง และสถานที่ในร่ม

3. ໄດ້ຮັບອິດສະຫຼະໃນການເຮັດວຽກ: ປັດໄຈອີກເລື່ອງທີ່ຈະສົ່ງເສີມໃຫ້ພະນັກງານສ້າງຜົນງານທີ່ດີຄື: ພະນັກງານຢາກໄດ້ຮັບຄວາມເປັນອິດສະຫຼະໃນການເຮັດວຽກໝາຍເຖິງໄດ້ມີໂອກາດໃນການຄິດ ແລະ ເຮັດວຽກດ້ວຍຕົນເອງບໍ່ແມ່ນໄດ້ຮັບແຕ່ຄຳສັ່ງພ້ອມທັງບອກວິທີການເຮັດວຽກທຸກຢ່າງ ໂດຍທີ່ພະນັກງານບໍ່ຕ້ອງຄິດຫຍັງເລີຍ ຫຼື ຖືກຄວບຄຸມຢ່າງໃກ້ຊິດຫຼາຍເກີນໄປຈະເຮັດຫຍັງກໍ່ມີຫົ​ວ​ໜ້າຄອຍແນະນໍາ ແລະ ຄອຍສັ່ງການຕະຫຼອດເວລາ ຖ້າຖືກຕິດຕາມແບບນີ້ພະນັກງານເອງກໍ່ຄົງບໍ່ມີແຮງຈູງໃຈທີ່ຈະສ້າງຜົນງານທີ່ດີຢ່າງແນ່ນອນ.

ในภาพอาจจะมี 3 คน, คนที่ยิ้ม, ผู้คนกำลังนั่ง

4. ໄດ້ຮັບການຍອມຮັບຈາກຫົວ​ໜ້າ: ປັດໄຈສຳຄັນທີ່ເຮັດໃຫ້ພະນັກງານຢາກສ້າງຜົນງານທີ່ດີຂຶ້ນໄປເລື້ອຍໆ ຄື: ພະນັກງານຄົນນັ້ນໄດ້ຮັບການຍອມຮັບຈາກຫົວ​ໜ້າຂອງຕົນເອງວ່າເປັນຄົນເກັ່ງ ແລະ ເປັນຄົນທີ່ເປັນທີ່ເພິ່ງໃຫ້ກັບໜ່ວຍງານໄດ້ ດ້ວຍການໄດ້ຮັບການຍອມຮັບແບບນີ້ຈະເຮັດໃຫ້ພະນັກງານມີແຮງຈູງໃຈໃນການເຮັດວຽກຫຼາຍ ແລະ ເປັນແຮງຊຸກຍູ້ໃຫ້ພະນັກງານຢາກຈະສ້າງຜົນງານທີ່ດີຂຶ້ນໄປອີກ ເພາະມັນມີຄວາມຮູ້ສຶກວ່າເຮັດແລ້ວຫົວ​ໜ້າກໍ່ຈະຍິ່ງຍອມຮັບເຮົາຫຼາຍຂຶ້ນ ມັນເປັນຄວາມສຳເລັດ ແລະ ເປັນຄວາມພາກພູມໃຈເລິກໆ ເຊິ່ງພະນັກງານທຸກຄົນຢາກ ໄດ້.

ในภาพอาจจะมี 1 คน, กำลังยิ้ม, กำลังนั่ง และสถานที่ในร่ม

5. ລະບົບການບໍລິຫານຊັບພະຍາກອນບຸກຄົນທີ່ເປັນທຳ: ໂດຍສະເພາະເລື່ອງຂອງການປະເມີນຜົນງານ ແລະ ການເອົາໄປເຊື່ອມໂຍງກັບການໃຫ້ ລາງວັນຕອບແທນ ລວມເຖິງລະບົບ ຄວາມກ້າວໜ້າໃນສາຍອາຊີບທີ່ເອົາຜົນງານມາເປັນຕົວພິຈາລະນາ ຖ້າລະບົບ HR ໃນອົງກອນເຮັດໃຫ້ພະນັກງານຮູ້ສຶກເຖິງຄວາມເປັນທຳ ແລະ ອະທິບາຍໄດ້ຢ່າງມີເຫດຜົນດ້ວຍຫຼັກການຂອງຜົນງານ ແລະ ຄວາມສາມາດຂອງພະນັກງານຈະເປັນອີກເຫດຜົນໜຶ່ງທີ່ເຮັດໃຫ້ພະນັກງານຢາກທີ່ຈະສ້າງຜົນງານທີ່ດີຢ່າງຕໍ່ເນື່ອງ.

ในภาพอาจจะมี หนึ่งคนขึ้นไป และผู้คนกำลังนั่ง