ເຫດໄຟໄໝ້ຮຸນແຮງ ໃນຊຸມຊົນແອອັດ ບັງກລາເທດ ມີຜູ້ເສຍຊີວິດ 9 ຄົນ

231

ໄຟໄໝ້ເຂດຊຸມຊົນແອອັດ ໃນເມືອງຈິດຕະກອງ ທາງພາກຕາເວັນອອກສຽງໃຕ້ ຂອງປະເທດບັງກລາເທດ ໄລຍະເຊົ້າມືດຂອງວັນອາທິດ ເຮັດມີຜູ້ເສຍຊີວິດຢ່າງໜ້ອຍ 9 ຄົນ ບາດເຈັບກວ່າ 50 ຄົນ.

ສໍານັກຂ່າວເອເອັຟພີ, ຣອຍເຕີ ແລະ ເອພີລາຍງານຈາກເມືອງຈິດຕະກອງ ປະເທດບັງກລາເທດ ເມື່ອວັນທີ 17 ກຸມພາ ວ່າ ໄຟໄດ້ເເລິ່ມໄໝ້ລາມຈາກຊຸມຊົນແອອັດ ໃນເຂດຊັດໄຕ ຂອງເມືອງຈິດຕະກອງ ເມື່ອໄລຍະເຊົ້າມືດ 03:30 ໂມງ ຂອງວັນອາທິດ ຫົວໜ້າສໍານັກງານຕໍາຫຼວດ ເມືອງຈິດຕະກອງ ເຜີຍວ່າ ໄຟໄດ້ໄໝ້ລາມຢ່າງຮຸນແຮງທີ່ພັກອາໄສຂອງປະຊາຊົນຢ່າງໜ້ອຍ 470 ຫຼັງ ເຈົ້າໜ້າທີ່ດັບເພີງພົບຜູ້ເສຍຊີວິດຢ່າງໜ້ອຍ 9 ຄົນ ບາດເຈັບນໍາສົ່ງໂຮງໝໍ ກວ່າ 50 ຄົນ.

ในภาพอาจจะมี หนึ่งคนขึ้นไป, ผู้คนกำลังยืน และสถานที่กลางแจ้ง

ຈາກການກວດກາເບື້ອງຕົ້ນ ເຊື່ອວ່າ ສາເຫດອາດຈະເກີດຈາກກະແສໄຟຟ້າລັດວົງຈອນ.

ປະເທດບັງກລາເທດ ມັກເກີດເຫດອັກຄີໄພຖີ່ຫຼາຍ ແລະ ເຮັດໃຫ້ມີຜູ້ເສຍຊີວິດຫຼາຍຮ້ອຍຄົນຕໍ່ປີ ເຊິ່ງເຫດການໄຟໄໝ້ຄັ້ງໃຫຍ່ ເມື່ອປີ 2013 ທີ່ໂຮງງານຕັດຫຍິບ ເທິງອາຄານຊາວາ ອຸບສິລາ ສູງ 8 ຊັ້ນ ໃນນະຄອນຫຼວງທາກາ ເຮັດໃຫ້ແຮງງານເສຍຊີວິດ 1.134 ຄົນ ບາດເຈັບປະມານ 2.500 ຄົນ.

ในภาพอาจจะมี หนึ่งคนขึ้นไป และสถานที่กลางแจ้ง