ຄົ້ນພົບຊາກເຮືອ USS Hornet ຈົມເກືອບ 80 ປີ ສະໄໝສົງຄາມ

453

ເມື່ອວັນທີ 26 ຕຸລາ ປີ 1942 ລະຫວ່າງການສູ້ຮົບທີ່ເກາະຊານຕາຄູຊ ເຮືອບັນທຸກຍົນສັນຮົບສັນຊາດອາເມຣິກາ USS Hornet ໄດ້ຖືກລຸມໂຈມຕີຈາກຍົນຖິ້ມລະເບີດ ແລະ ເຮືອຮົບຂອງປະເທດຍີ່ປຸ່ນ ຈົນສຸດທ້າຍກໍ່ຕ້ອງຈົມລົງໄປນອນຢູ່ພື້ນທະເລ.

ຫຼັງຈາກເວລາຜ່ານໄປ ປະມານ 77 ປີ ໄດ້ມີການຊອກຫາສະຖານທີ່ຂອງ USS Hornet ຈົມ ແລະ ໃນທີ່ສຸດ ເມື່ອເດືອນມັງກອນ ທີ່ຜ່ານມາ ເຮືອສໍາຫຼວດທາງທະເລ ຂອງ Paul Allen ຜູ້ຮ່ວມກໍ່ຕັ້ງບໍລິສັດໄມໂຄຣຊັອຟ ກັບ Bill Gates ກໍ່ໄດ້ຄົ້ນພົບຊາກເຮືອລໍານີ້ແລ້ວ.

ในภาพอาจจะมี มหาสมุทร, สถานที่กลางแจ้ง และน้ำ

ພວກເຂົາຊອກຫາເຮືອ USS Hornet ຈາກລາຍງານຂອງເຮືອອື່ນໆ ທີ່ເຄີຍເຂົ້າຮ່ວມສູ້ຮົບໃນສົງຄາມດຽວກັນຈໍານວນ 9 ລໍາ ແລະ ຫຼັງຈາກກໍານົດຂອບເຂດການຄົ້ນຫາແລ້ວ ທາງທີມຄົ້ນຫາກໍ່ໄດ້ໃຊ້ທີມຄົ້ນຫາ 10 ຄົນ ສໍາຫຼວດພື້ນທີ່ໄປພ້ອມໆ ກັບ ໂດຣນໂຊນາຣ໌ຕໍ່ໄປ.

ในภาพอาจจะมี ข้อความ

ຈາກລາຍງານຂອງທີມຄົ້ນຫາ ເຮືອ USS Hornet ທີ່ຈົມຢູ່ໃກ້ໆກັບໝູ່ເກາະໂຊໂລມອນ ຫ່າງຈາກເກາະຊານຕາຄູຊ ບໍ່ໄກ ແລະ ຈົມຢູ່ຄວາມເລິກ ປະມານ 5.330 ແມັດ ເຊິ່ງສາມາດຢືນຢັນໄດ້ ຈາກສັນຍາລັກ CV-8 ທີ່ໂຕເຮືອ.

ไม่มีคำอธิบายรูปภาพ

ຈາກຄໍາບອກເລົ່າຂອງລູກເຮືອທີ່ມີຊີວິດລອດມາຈາກສົງຄາມໃນຄັ້ງນັ້ນ ຂະນະທີ່ເຮືອລໍານີ້ ກຳລັງຈະຈົມລົງ ລູກເຮືອປະມານ 140 ຄົນ (ຈາກທັງໝົດ ປະມານ 2.200 ຄົນ) ກໍ່ໄດ້ເສຍຊີວິດຈົມລົງໄປພ້ອມກັບເຮືອລໍານີ້ດ້ວຍ.

ในภาพอาจจะมี สถานที่กลางแจ้ง

ດັ່ງນັ້ນ ການຄົ້ນພົບໃນຄັ້ງນີ້ ນັບວ່າເປັນຄຸນຄ່າທາງຈິດໃຈຂອງບັນດາຜູ້ລອດຊີວິດ ແລະ ຍາດຕິພີ່ນ້ອງ ຂອງທະຫານທີ່ເສຍຊີວິດໄປຫຼາຍ ເພາະໃນທີ່ສຸດສະຖານທີ່ສຸດທ້າຍຂອງຊີວິດທະຫານກຸ່ມໜຶ່ງທີ່ເຄີຍຫາຍສາບສູດໄປກໍ່ຖືກຄົ້ນພົບແລ້ວ.

ไม่มีคำอธิบายรูปภาพ

ສໍາລັບທີມຄົ້ນຫາເອງ ການຄົ້ນພົບໃນຄັ້ງນີ້ ກໍ່ຄືກັບການຄົ້ນຫາທີ່ຈັດຂຶ້ນເພື່ອເປັນກຽດໃຫ້ແກ່ Paul Allen ທີ່ເສຍຊີວິດ ເມືອປີ 2018 ເຊັ່ນກັນ ເພາະເຂົານັ້ນເປັນຄົນທີ່ສົນໃຈ ແລະ ໃຫ້ຄວາມສຳຄັນເລື່ອງເຮືອບັນທຸກຍົນຮົບຫຼາຍ ນັ້ນເອງ.

CR:livescience, allthatsinteresting
Clip:Vulcan Inc.