ບໍ່ໜ້າເຊື່ອ! 20 ປີ ຜ່ານມາ ຈີນ-ອິນເດີຍ ມີພື້ນທີ່ປ່າສີຂຽວຂະຫຍາຍກວ້າງຂຶ້ນ

402

ອົງການນາຊາເຜີຍແຜ່ຜົນວິໄຈທີ່ບໍ່ໜ້າເຊື່ອວ່າ ປະເທດທີ່ມີປະຊາກອນຫຼາຍຕິດອັນດັບໂລກ ເຊັ່ນ ຈີນ ແລະ ອິນເດຍ ຈະກາຍເປັນ 2 ປະເທດທີ່ມີອັດຕາການຂະຫຍາຍຂອງພື້ນທີ່ປ່າສີຂຽວຫຼາຍທີ່ສຸດ ໃນຮອບ 20 ປີ.

ສໍານັກຂ່າວຕ່າງປະເທດລາຍງານວ່າ ອົງການນາຊາໄດ້ເຜີຍແຜ່ຜົນການສຶກສາເກັບຂໍ້ມູນດ້ານສິ່ງແວດລ້ອມ ເຊິ່ງກໍ່ພົບວ່າ ປະເທດຈີນ ແລະ ອິນເດຍ ຖືເປັນປະເທດທີ່ມີຈໍານວນປະຊາກອນຫຼາຍທີ່ສຸດໃນໂລກ ແຕ່ກາຍເປັນສ່ວນສໍາຄັນທີ່ທັງ 2 ປະເທດໄດ້ມີການຂະຫຍາຍພື້ນທີ່ປ່າສີຂຽວເພິ່ມໃຫ້ກັບໂລກ ໃນໄລຍະ 20 ປີ ທີ່ຜ່ານມາ.

ไม่มีคำอธิบายรูปภาพ

ເນື້ອໃນຂອງວາລະສານ Natural Sustainability ໄດ້ຕີພິມຜົນການສຶກສາ ພົບວ່າ ນັບຕັ້ງແຕ່ປີ 2000 ເປັນຕົ້ນມາ ພື້ນທີ່ປ່າສີຂຽວຂອງໂລກ ໄດ້ຂະຫຍາຍເພິ່ມຂຶ້ນມາ 5% ຫຼື ຫຼາຍກວ່າ 500 ລ້ານເຮັກຕ້າ ຂະໜາດທຽບເທົ່າກັບຜືນປ່າອະເມຊອນ ໂດຍຈີນ ແລະ ອິນເດຍມີພື້ນທີ່ 1 ໃນ 3 ຂອງປະເທດທີ່ມີພື້ນທີ່ປ່າສີຂຽວລວມກັນ.

ในภาพอาจจะมี ท้องฟ้า, ภูเขา, สถานที่กลางแจ้ง และธรรมชาติ

ທັງນີ້ ສິ່ງທີ່ເກີດຂຶ້ນແມ່ນມາຈາກໂຄງການປູກຕົ້ນໄມ້ ທີ່ທາງການຈີນໄດ້ດໍາເນີນການຢ່າງເຄັ່ງຄັດມາຕະຫຼອດຫຼາຍ 10 ປີ ເຊັ່ນດຽວກັບໃນອິນເດຍ ທີ່ສະໜັບສະໜຸນດ້ານການກະເສດແບບປານີດ.

ປະເທດຈີນສາມາດປູກປ່າເພິ່ມຂຶ້ນເຮັດໃຫ້ມີຜືນປ່າເປັນ 1 ໃນ 4 ຂອງໂລກ ເຖິງວ່າພື້ນທີ່ເພາະປູກຈະມີພຽງ 6,6% ຂອງໂລກກໍ່ຕາມ ແຕ່ໃນໄລຍະ 20 ປີ ທີ່ຜ່ານມາ ທາງການຈີນໄດ້ລິເລິ່ມການປູກຕົ້ນໄມ້ສ້າງປ່າຢ່າງຈິງຈັງ ພ້ອມການອະນຸລັກສິ່ງແວດລ້ອມ ແລະ ເລັ່ງຂະຫຍາຍພື້ນທີ່ປ່າເພິ່ມຂຶ້ນເຖິງ 42% ແລະ ດ້ານການກະເສດແບບປານີດ ເພິ່ມຂຶ້ນ 32%.

ในภาพอาจจะมี ท้องฟ้า, พื้นหญ้า, ต้นไม้, ต้นพืช, สถานที่กลางแจ้ง และธรรมชาติ

ໜຶ່ງໃນໂຄງການທີ່ປະສົບຄວາມສໍາເລັດຢ່າງຫຼວງຫຼາຍຂອງຈີນ ຄືການປູກພືດໃນທະເລຊາຍຄູບີສີ ເຊິ່ງເປັນທະເລຊາຍທີ່ໃຫຍ່ ອັນດັບ 7 ຂອງໂລກ ເຮັດໃຫ້ພື້ນທີ່ 1 ໃນ 3 ຂອງທະເລຊາຍແຫ່ງນີ້ ກາຍເປັນພື້ນທີ່ປູກພືດພັນຕ່າງໆຈາກຄວາມພະຍາຍາມຂອງຈີນ.

ນອກຈາກນີ້, ໃນລາຍງານຍັງພົບວ່າ ຈີນໄດ້ຄອບຄອງພື້ນທີ່ປ່າ 21,6% ແຕ່ໄດ້ຕັ້ງເປົ້າເພິ່ມເປັນ 23% ພາຍໃນປີ 2020 ແລະ ຈະຂະຫຍາຍເພິ່ມເປັນ 26% ກ່ອນເຖິງປີ 2050 ເຮັດໃຫ້ຂະນະນີ້ ປະເທດຈີນໄດ້ວາງມາດຕະການຕ່າງໆ ໃນການປູກປ່າ ແລະ ສ້າງພື້ນທີ່ອະນຸລັກທໍາມະຊາດເພິ່ມຂຶ້ນ.

Bar chart showing that China and India are leading the increase in greening of the planet, due to human activity

CR:NASA