ປະເທດເດັນມາກ ສ້າງໂຮງໄຟຟ້າພະລັງງານຂີ້ເຫຍື້ອ ທັງເປັນມິດຕໍ່ສິ່ງແວດລ້ອມ

303

Bjarke Ingels Group (BIG) ໄດ້ມີຄວາມຄິດໃນການສ້າງໂຮງໄຟຟ້າພະລັງງານຂີ້ເຫຍື້ອທີ່ເປັນມິດກັບສິ່ງແວດລ້ອມ ແລະ ນອກຈາກສ້າງໂຮງງານແລ້ວພວກເຂົາຍັງສ້າວລານສະກີໃຫ້ປະຊາຊົນ ຫຼື ນັກທ່ອງທ່ຽວທີ່ອາໄສຢູ່ບໍບິເວນນັ້ນມີກິດຈະກຳຫຼິ້ນກັນໄດ້ດ້ວຍ.

ແຕ່ກວ່າທີ່ຈະເຮັດໃຫ້ຄວາມຄິດນີ້ເກີດຂຶ້ນໄດ້ນັ້ນ ຕ້ອງໃຊ້ເວລາໃນການກໍ່ສ້າງເຖິງ 5 ປີ ລວມໄປເຖິງຕົ້ນທຶນມະຫາສານໃນການເຮັດໂປເຈກນີ້.

ในภาพอาจจะมี ท้องฟ้า, ตึกระฟ้า, สถานที่กลางแจ้ง และน้ำ

ໂຮງໄຟຟ້າພະລັງງານຂີ້ເຫຍື້ອ ອາມາເກີ ຮິລ (Amager Hill) ນີ້ ຕັ້ງຢູ່ທີ່ນະຄອນຫຼວງໂຄເປັນເຮເກັນ ປະເທດເດັນມາກ ແລະ ໄດ້ເລິ່ມປະຕິບັດໃນການຈູດຂີ້ເຫຍືອ ເພື່ອເປັນພະລັງງານໄຟຟ້າ ເມື່ອວັນທີ 30 ມີນາ 2017 ແຕ່ເປີດໃຫ້ປະຊາຊົນສາມາດທົດລອງຫຼິ້ນສະກີໄດ້ ເມື່ອເດືອນມັງກອນ 2019 ທີ່ຜ່ານມານີ້.

ໂຮງໄຟຟ້າແຫ່ງນີ້ຈະຜະລິດໄຟຟ້າໃຫ້ກັບປະຊາຊົນ ປະມານ 550.000 ຄົວເຮືອນ ໃນບໍລິເວນໃກ້ຄຽງ ດ້ວຍການຈູດເສດຂີ້ເຫຍື້ອເຖິງ 400.000 ໂຕ້ນຕໍ່ປີ ແຕ່ສິ່ງທີ່ສ້າງຄວາມໜ້າສົນໃຈກໍ່ຄືໂຮງໄຟຟ້າແຫ່ງນີ້ ບໍ່ຜະລິດກ໊າຊກາກໂບນິກ (ມົນລະພິດ) ອອກມາເປັນຜົນກະທົບໃຫ້ປະຊາຊົນເລີຍ ຖ້າທຽບກັບໂຮງງານຈູດຂີ້ເຫຍື້ອທົ່ວໄປ.

ในภาพอาจจะมี หนึ่งคนขึ้นไป, ผู้คนกำลังยืน และสถานที่กลางแจ้ง

ແນວຄິດນີ້ ໃນການສ້າງໂຮງງານໃຫ້ເປັນມິດກັບສິ່ງແວດລ້ອມນັ້ນ ແມ່ນມາຈາກການທີ່ປະເທດເດັນມາກ ຕ້ອງການໃຫ້ຕົນເອງເປັນໜຶ່ງໃນປະເທດທີ່ມີການຜະລິດກ໊າຊກາກໂບນິກເທົ່າກັນສູນ ຫຼື ປະເທດໄຮ້ມົນລະພິດ.

ເດັນມາກຕ້ອງການເປັນຕົ້ນແບບໃຫ້ກັບປະເທດອື່ນໆ ວ່າ ບໍ່ຈໍາເປັນທີ່ຈະຕ້ອງສ້າງໂຮງງານແບບສະໄໝເກົ່າຄືທີ່ຜ່ານມາກໍ່ໄດ້ ແຕ່ເຮົາສາມາດພັດທະນາມັນໃຫ້ເປັນມິດກັບສິ່ງແວດລ້ອມ ແລະ ປະຊາຊົນໄດ້ມີສ່ວນຮ່ວມກັບມັນໄດ້ແທ້ໆ.

ในภาพอาจจะมี 1 คน, กำลังยืน, รองเท้า และสถานที่กลางแจ้ง

Patrick Gustafsson ໜຶ່ງໃນທີມງານຈາກ BIG ໄດ້ອະທິບາຍເຖິງຄວາມຍາກໃນການເຮັດລານສະກີເທິງໂຮງງານແຫ່ງນີ້ ທີ່ຕ້ອງໃຊ້ຕົ້ນທຶນໃນການກໍ່ສ້າງທັງໂຮງງານ ແລະ ລານສະກີ ເຖິງ 670 ລ້ານໂດລາ ຫຼື ປະມານ 5.740 ຕື້ກີບ.

ในภาพอาจจะมี หนึ่งคนขึ้นไป, ผู้คนกำลังยืน, สถานที่กลางแจ้ง และธรรมชาติ

“ສ່ວນຂອວຫຼັງຄາທີ່ຕັ້ງໃຈໃຫ້ເປັນລານສະກີ ຄວາມຈິງແລ້ວມັນດີຫຼາຍສໍາລັບການຫຼິ້ນສະກີ ມັນມີຄວາມດອຽງຊັນເຖິງ 45% ແລະ ໃຊ້ດິນຖົມຈາກຫຼັງຄາລົງມາ ພ້ອມກັບການໃຊ້ເທັກໂນໂລຢີເພື່ອຢຶດພື້ນລານແບບພິເສດໃຫ້ແໜ້ນສໍາລັບການຫຼິ້ນສະກີດ້ວຍ ລວມໄປເຖິງການປູກຕົ້ນໄມ້ພືດຕ່າງໆ ແລະ ນັ້ນຄືສິ່ງທີ່ໄດ້ເລິ່ມເຮັດໃຫ້ມັນກາຍເປັນໂປເຈັກທີ່ຊັບຊ້ອນ ໃນການກໍ່ສ້າງຫຼາຍຂຶ້ນ”.

ในภาพอาจจะมี ท้องฟ้า และสถานที่กลางแจ้ง

ຕອນນີ້ທາງບໍລິສັດຜູ້ກໍ່ສ້າງກໍາລັງປັບປຸງລານສະກີໃຫ້ສົມບູນແບບຫຼາຍຂຶ້ນ ຄາດວ່າຈະແລ້ວສົມບູນໃນເດືອນພຶດສະພາ 2019 ທີ່ຈະເຖິງນີ້.

CR: theguardian