ໂດນັລ ທຣຳ ປະກາດພາວະສຸກເສີນເພື່ອສ້າງກໍາແພງຂັ້ນຊາຍແດນຕິດກັບເມັກຊິໂກ

327

ປະທານາທິບໍດີໂດນັລ ທຣຳ ປະກາດ “ສະຖານະການສຸກເສີນ” ຕາມເຂດຊາຍແດນທາງພາກໃຕ້ລະຫວ່າງ ອາເມຣິກາ ກັບ ເມັກຊິໂກ ເພື່ອເດີນໜ້າສ້າງກໍາແພງ ໂດຍຈະໃຊ້ງົບປະມານບາງສ່ວນຈາກກະຊວງປ້ອງກັນປະເທດ.

ในภาพอาจจะมี หนึ่งคนขึ้นไป, ผู้คนกำลังยืน, เครา และสถานที่กลางแจ้ง

ສໍານັກຂ່າວຕ່າງປະເທດລາຍງານຈາກນະຄອນຫຼວງວໍຊິງຕັນ ປະເທດສະຫະລັດ ອາເມຣິກາ ເມື່ອວັນສຸກ ທີ 15 ກຸມພາ ວ່າ ປະທານາທິບໍດີໂດນັລ ທຣໍາ ຖະແຫຼງເມື່ອວັນສຸກ ວ່າ ຕົນໄດ້ຂໍໃຊ້ອໍານາດພິເສດໃນຖານະຜູ້ນໍາສະຫະລັດ ປະກາດໃຫ້ສະຖານະການ “ດ້ານຄວາມໝັ້ນຄົງ ແລະ ມະນຸດສະທໍາ” ຕາມເຂດຊາຍແດນທາງພາກໃຕ້ທີ່ຕິດກັບປະເທດເມັກຊິໂກ ທີ່ເຕັມໄປດ້ວຍກຸ່ມຜູ້ອົບພະຍົບຜິດກົດໝາຍ  ແລະ ຄວາມພະຍາຍາມລັກລອບເຂົ້າເມືອງຂອງຜູ້ຄ້າຢາເສບຕິດ ແລະ ຂະບວນການຄ້າມະນຸດຕະຫຼອດຈົນອາຊາຍາກໍາອີກຫຼວງຫຼາຍ ຖືເປັນ “ພາວະສຸກເສີນແຫ່ງຊາດ” ໂດຍ ທຣຳ ກ່າວວ່າ ທຳນຽບຂາວຈະໃຊ້ງົບປະມານຈາກກອງທຶນສຸກເສີນຂອງກະຊວງປ້ອງກັນປະເທດມາໃຊ້ເພື່ອການກໍ່ສ້າງກຳແພງ.

ຄວາມເຄື່ອນໄຫວດັ່ງກ່າວຂອງຜູ້ນໍາສະຫະລັດ ເກີດຂຶ້ນພຽງບໍ່ເທົ່າໃດຊົ່ວໂມງ ຫຼັງການລົງນາມຮັບຮອງແຜນງົບປະມານທີ່ສະພາຄອງເກຣສມີມະຕິເຫັນຊອບມູນຄ່າ 333.000 ລ້ານໂດລາ (ກວ່າ 2,8 ລ້ານຕື້ກີບ) ແລະ ຄອບຄຸມໄລຍະເວລາເຖິງເດືອນກັນຍານີ້ ທັນຕາມກໍານົດຄືພາຍໃນວັນທີ 15 ກຸມພາ ເພື່ອຫຼີກລ່ຽງພາວະການຢຸດໃຫ້ບໍລິການຂອງລັດຖະບານ (Shutdown) ຄັ້ງໃໝ່. ຢ່າງໃດກໍ່ຕາມ, ທຣໍາ ກໍ່ຍັງບໍ່ພໍໃຈເລື່ອງງົບປະມານດ້ານຄວາມໝັ້ນຄົງດ້ານຊາຍແດນທີ່ສະພາຄອງເກຣສອະນຸມັດໃຫ້ພຽງ 1.375 ລ້ານໂດລາ (ກວ່າ 11.700 ຕື້ກີບ) ຫ່າງໄກຈາກຄວາມຕ້ອງການຂອງເຂົາ ທີ່ສະເໜີເຖິງ 5.700 ລ້ານໂດລາ (ກວ່າ 48.800 ຕື້ກີບ) ຍິ່ງໄປກວ່ານັ້ນ ລາຍລະອຽດໃນເອກະສານກໍານົດໃຫ້ເງິນຈຳນວນນີ້ໃຫ້ໃຊ້ສໍາລັບໂຄງການກໍ່ສ້າງ “ກຳແພງຂັ້ນຊາຍແດນທີ່ໄດ້ມາດຕະຖານ”.

ທັງນີ້ ໂຄງການກໍ່ສ້າງກຳແພງທີ່ຍາວຕະຫຼອດແລວຊາຍແດນທາງພາກໃຕ້ຂອງອາເມຣິກາ ປະມານ 3.145 ກິໂລແມັດ ຖືເປັນໜຶ່ງໃນເຄື່ອງໝາຍການຄ້າສໍາຄັນ ຂອງແຄັມເປນ “ເຮັດໃຫ້ອາເມຣິກາກັບມາຍິ່ງໃຫຍ່ອີກຄັ້ງ” ເຊິ່ງທໍານຽບຂາວອອກຖະແຫຼງການໃນເວລາຕໍ່ມາ ວ່າ ທຣໍາ ຈະໃຊ້ງົບປະມານ 6.100 ລ້ານໂດລາ (ກວ່າ 52.300 ຕື້ກີບ) ຈາກຄັງງົບປະມານ 2 ສ່ວນ ຂອງເພນຕາກອນ ແບ່ງເປັນ 3.600 ລ້ານໂດລາ (ກວ່າ 30.800 ຕື້ກີບ) ຈາກກອງທຶນການກໍ່ສ້າງລະບົບໂຄງສ້າງທາງທະຫານ ແລະ ອີກ 2.500 ລ້ານໂດລາ (ກວ່າ 21.400 ຕື້ກີບ) ຈາກກອງທຶນຈັດສ້າງໂຄງການຕໍ່ຕ້ານຢາເສບຕິດຂອງກອງທັບ.

ในภาพอาจจะมี สถานที่กลางแจ้ง

ດ້ານພັກຣີພັບລິກັນ ແລະ ພັກເດໂມແຄຣັດສຽງແຕກທັນທີ ເມື່ອ ທຣຳ ປະກາດການໃຊ້ພາວະສຸກເສີນທີ່ຊາຍແດນທາງພາກໃຕ້ ທັງທີ່ແຜນງົບປະມານສະບັບນີ້ເປັນຜົນຈາກຄວາມພະຍາຍາມຂອງແກນນໍາຂອງທັງສອງພັກ ໃນການ “ປະນີປະນອມ” ຕໍ່ “ເງື່ອນໄຂອື່ນ” ອີກຫຼາຍຂໍ້ດ້ວຍ ທ່ານນາງ ແນນຊີ ເປໂລຊີ ປະທານສະພາຜູ້ແທນປະຊາຊົນຈາກພັກເດໂມແຄຣັດ ກ່າວວ່າ ຜູ້ນໍາສະຫະລັດກໍາລັງໃຊ້ອໍານາດເກີນຂອບເຂດ ຂະນະທີ່ ທ່ານ ມິດຊ໌ ແມັກຄອນເນລ ແກນນໍາສຽງຂ້າງຫຼາຍຂອງພັກຣີພັບລິກັນ ໃນສະພາຍັງສະຫງວນທ່າທີ ເຊິ່ງໄດ້ມີການລາຍງານວ່າ ແມັກຄອນເນລ ໄດ້ເຕືອນ ທຣຳ ຫຼາຍຄັ້ງແລ້ວ ແຕ່ບໍ່ເປັນຜົນ ສະນັ້ນ ທ່ານ ມາໂກ ຣູບິໂອ ສະມາຊິກລັດຟລໍລິດາ ຂອງພັກຣີພັບລິກັນ ກ່າວວ່າ “ບໍ່ມີວິກິດຄັ້ງໃດ ທີ່ຖືເປັນການລະເມີດລັດທະທໍາມະນູນ”.

ຢ່າງໃດກໍ່ຕາມ ທຣຳ ໝັ້ນໃຈວ່າຈະການຕັດສິນໃຈຂອງຕົນໃນຄັ້ງນີ້ ຈະຕ້ອງຜະເຊີນກັບຂະບວນການທາງກົດໝາຍທັງໃນລະດັບລັດ ແລະ ລະດັບປະເທດຄືສານສູງສຸດ ແຕ່ເຊື່ອໝັ້ນວ່າ “ຈະເປັນຝ່າຍຊະນະຢ່າງແນ່ນອນ”.