ຈີນຈະຂຶ້ນພາສີຊີ້ນໄກ່ປ້ອງກັນການນຳເຂົ້າຈາກບຣາຊິລ

246

ລັດຖະບານຈີນປະກາດເກັບພາສີເພື່ອປ້ອງກັນ ການລະດົມຊື້ຊີ້ນໄກ່ຈາກບຣາຊິລ ເມື່ອວັນສຸກ ຜ່ານມາ ໂດຍລະບຸຜົນການສອບສວນເຜີຍໃຫ້ເຫັນວ່າ ຊິ້ນໄກ່ທີ່ນໍາເຂົ້າ “ສ້າງຄວາມເສຍຫາຍຢ່າງຫຼວງຫຼາຍ” ຕໍ່ອຸດສາຫະກໍາໄກ່ເນື້ອພາຍໃນປະເທດ.

ສໍານັກຂ່າວເອເອັຟພີລາຍງານຈາກນະຄອນຫຼວງປັກກິ່ງ ສາທາລະນະລັດ ປະຊາຊົນຈີນ ເມື່ອວັນສຸກ ທີ 15 ກຸມພາ ວ່າ ອັດຕາພາສີທີ່ຈະເກັບລະຫວ່າງ 17,8% ເຖິງ 32,4% ຈະເລິ່ມມີຜົນບັງຄັບໃຊ້ ຕັ້ງແຕ່ວັນທີ 17 ກຸມພາ ແລະ ຈະບັງຄັບໃຊ້ເປັນເວລາ 5 ປີ ແຕ່ບາງບໍລິສັດຂອງຈີນ ທີ່ໃຫ້ຄໍາໝັ້ນຈະນໍາເຂົ້າໃນລາຄາທີ່ບໍ່ຕ່ຳກວ່າລາຄາຂັ້ນຕ່ຳ ຕາມທີ່ຕົກລົງກັນໄວ້ ເຊິ່ງຈະໄດ້ຮັບການຍົກເວັ້ນ ຈາກຖະແຫຼງການຂອງກະຊວງການຄ້າຂອງຈີນ ເມື່ອວັນສຸກ ຜ່ານມາ.

ຈາກຂໍ້ມູນຂອງບໍລິສັດທີ່ປຶກສາອຸດສາຫະກໍາສັດປີກຂອງຈີນ “ຈີ້ຫຍານ” ບຣາຊິລເປັນແຫຼ່ງສົ່ງຊິ້ນໄກ່ແຊ່ແຂງໃຫ້ຈີນລາຍໃຫຍ່ທີ່ສຸດຄອບຄຸມສ່ວນແບ່ງ ເກືອບ 85% ຂອງຊີ້ນໄກ່ ທີ່ຈີນສັ່ງນໍາທັງໝົດໃນປີ 2017.

ພາສີໃໝ່ທີ່ປະກາດຈະເກັບເປັນຜົນມາຈາກການກວດກາການນໍາເຂົ້າສັດປີກທີ່ເລິ່ມຕັ້ງແຕ່ເດືອນສິງຫາ ປີ 2017.

ในภาพอาจจะมี นก, รองเท้า, สถานที่กลางแจ้ง และธรรมชาติ

ຄວາມເຄື່ອນໄຫວຂອງຈີນຕໍ່ຊີ້ນໄກ່ບຣາຊິລ ມີຂຶ້ນຂະນະທີ່ອາເມຣິກາໄດ້ຜັກດັນການເຂົ້າເຖິງໃຫ້ຫຼາຍຂຶ້ນຕໍ່ຕະຫຼາດດ້ານການກະເສດ ແລະ ສັດປີກຂອງຈີນ ເຊິ່ງເປັນໄລຍະທີ່ມີການເຈລະຈາກ່ຽວກັບຂໍ້ພິພາດທາງການຄ້າທີ່ກໍາລັງດໍາເນີນຢູ່ໃນນະຄອນຫຼວງປັກກິ່ງ.

ຈີນໄດ້ປິດຕະຫຼາດການສັ່ງຊື້ຜະລິດພັນສັດປີກຂອງອາເມຣິກາ ຕັ້ງແຕ່ປີ 2015 ເນື່ອງຈາກການລະບາດຂອງພະຍາດໄຂ້ຫວັດສັດປີກໃນອາເມຣິກາ.

ในภาพอาจจะมี ดอกไม้, นก, ต้นพืช, อาหาร และสถานที่กลางแจ้ง

ປະເທດບຣາຊິລ ຜູ້ສົ່ງອອກໄກ່ລາຍໃຫຍ່ທີ່ສຸດໃນໂລກ ປີຜ່ານມາ ສູນເສຍສ່ວນແບ່ງດ້ານຕະຫຼາດໃນຈີນໃຫ້ກັບໄກ່ທີ່ນໍາເຂົ້າຈາກປະເທດໄທ, ອາເຈນຕິນາ ແລະ ຊິລີ.