ໝີພູ ສາວຫົວພັນ ເຈົ້າຂອງລາງວັນ Miss fashion ຈາກເວທີ Miss Global 2018

468

ພູຄຳ ທິບພົມວົງ ຫຼື ໝີພູ ສາວຊຳເໜືອໂຕນ້ອຍໃຈໃຫຍ່ ສາວງາມຈາກແຂວງຫົວພັນ ດິນແດນປະຫວັດສາດ ຜູ້ເປັນຕົວແທນສາວງາມເຂົ້າປະກວດໃນເວທີລະດັບໂລກ Miss Global 2018  ເປັນຄົນທໍາອິດປີທໍາອິດຂອງປະເທດລາວ ພ້ອມຫອບລາງວັນ Miss fashion ໃນເວທີການປະກວດລະດັບໂລກ Miss Global 2018 ທີ່ກຸງ ມະນິລາ ປະເທດຟິລິປິນ.

ໝີພູ ເກີດທີ່ບ້ານ ຊ່ອນໃຕ້ ເມືອງວຽງທອງ ແຂວງຫົວພັນ ດິນແດນປະຫວັດສາດແຫ່ງການປະຕິວັດ
ເປັນລູກຄົນທີ 3 ຂອງຄອບຄົວ, ມີອ້າຍເອື້ອຍນ້ອງຮ່ວມກັນ 4 ຄົນ ໂດຍພື້ນຖານຄອບຄົວຂອງໝີພູ ເປັນຊົນຊັ້ນກາງ ພໍຢູ່ພໍກິນ.

ໝີພູເປັນຜູ້ຍິງເຂັ້ມແຂງ ສາມາດດູແລ ຈັດການໂຕເອງ ເຮັດວຽກຫາລ້ຽງຊີບເພື່ອສົ່ງໂຕເອງຮຽນ ຈົນຈົບໃນລະດັບການສຶກສາຊັ້ນສູງ ທີ່ສະຖາບັນການທະນາຄານ ເມື່ອປີ 2016 ທີ່ຜ່ານມາ.

ໃນລະຫວ່າງທີ່ກຳລັງສຶກສາຢູ່, ໝີພູກໍມີໂອກາດໄດ້ເຮັດວຽກໃນວົງການບັນເທິງ ທັງປະກວດນາງສາວປະຕິທິນ ແລະ ໄດ້ຂຶ້ນປົກວາລະສານຫຼາຍສະບັບ.

ໝີພູ ມີຝັນຢາກເປັນນາງສາວລາວ ທີ່ໄດ້ເຮັດໜ້າທີ່ອັນຊົງກຽດ ເປັນແບບຢ່າງໃຫ້ແກ່ແມ່ຍິງລາວທົ່ວປະເທດ ແລະ ເຄີຍ ເຂົ້າປະກວດນາງສາວລາວໃນປີ 2016 ແຕ່ໃນຕອນນັ້ນກໍໄປບໍ່ເຖິງຝັນ ເພາະບໍ່ໄດ້ເຂົ້າໄປເຖິງຮອບເລິກໃດໆເລີຍ.

ຈົນໄດ້ໂອກາດອີກຄັ້ງເຂົ້າປະກວດໃນເວທີການປະກວດ Miss Tourism Queen Laos 2018 ຫຼື ນາງສາວທູດວັດທະນະທຳແດນຈຳປາ ທີ່ໝີພູໄດ້ເປັນຕົວແທນຂອງແຂວງຫົວພັນ ແລະ ໄດ້ຮັບໂອກາດໄດ້ຮັບລາງວັນດີໆແບບນີ້.

ຈາກ:meepooh thppv