ຄົນຝຣັ່ງ ເກີນເຄິ່ງປະເທດຕ້ອງການໃຫ້ “ກຸ່ມເສື້ອກັ໊ກສີເຫຼືອງ” ຫຍຸດປະທ້ວງ

324

ຜົນສໍາຫຼວດຄວາມຄິດເຫັນຂອງຊາວຝຣັ່ງໃນອາທິດນີ້ ພົບວ່າ 56% ຕ້ອງການໃຫ້ ກຸ່ມປະທ້ວງ “ຂະບວນການເສື້ອກັ໊ກສີເຫຼືອງ” ຢຸດການປະທ້ວງຂັບໄລ່ລັດຖະບານ.

ສໍານັກຂ່າວຕ່າງປະເທດລາຍງານຈາກນະຄອນຫຼວງປາຣິສ ປະເທດຝຣັ່ງ ເມື່ອວັນສຸກ ທີ 15 ກຸມພາ ວ່າ ຜົນສໍາຫຼວດຄວາມຄິດເຫັນจองຊາວຝຣັ່ງ ໂດຍສໍານັກວິໄຈເອລາເບ ໄດ້ເຮັດສຳຫຼວດລະຫວ່າງວັນທີ 12 ເຖິງ 13 ກຸມພາ ທີ່ຜ່ານມາ ລວບລວມຂໍ້ມູນຈາກກຸ່ມຕົວຢ່າງ 1.001 ຄົນ ທີ່ມີອາຍຸ 18 ປີຂຶ້ນໄປ ແລະ ໄດ້ເຜີຍແຜ່ ເມື່ອວັນພຸດ ທີ່ຜ່ານມາ ພົບວ່າ 56% ຕ້ອງການໃຫ້ກຸ່ມເສື້ອກັ໊ກສີເຫຼືອງຢຸດການປະທ້ວງລາຍອາທິດທຸກວັນເສົາ ທີ່ຍືດເຍື້ອມາຕັ້ງແຕ່ກາງເດືອນພະຈິກ ປີຜ່ານມາ ແລະ ມີຄວາມຮຸນແຮງທຸກຄັ້ງ ໂດຍຜົນສຳຫຼວດນັ້ນເພິ່ມຂຶ້ນເຖິງ 11% ເມື່ອທຽບກັບເດືອນທີ່ຜ່ານມາ ເຊິ່ງມັນກໍ່ເປັນຄັ້ງທໍາອິດ ນັບຕັ້ງແຕ່ເກີດເຫດທີ່ສຽງຄັດຄ້ານຫຼາຍກວ່າສຽງສະໜັບສະໜຸນການປະທ້ວງດ້ວຍຄະແນນເກີນເຄິ່ງ.

ໃນສ່ວນຂອງຕົວບຸກຄົນນັ້ນ 52% ຂອງກຸ່ມຕົວຢ່າງນັ້ນເຫັນວ່າ ນາງ ມາຣີນ ເລີ ແປນ ຜູ້ນໍາພັກຊາດນິຍົມຝ່າຍຂວາ ແລະ ເປັນຄູ່ແຂ່ງຂອງປະທານາທິບໍດີເອັມມານູເອລ ມາຄຣົງ ໃນການເລືອກຕັ້ງປະທານາທິບໍດີ ເມື່ອປີ 2017 ຈະສາມາດຈັດການກັບບັນຫາຜູ້ອົບພະຍົບ ແລະ ອາຊະຍາກໍາໃນປະເທດໄດ້ດີກວ່າຜູ້ນໍາຄົນປັດຈຸບັນ ຂະນະທີ່ການແກ້ໄຂບັນຫາເສດຖະກິດນັ້ນ 66% ຂອງກຸ່ມຕົວຢ່າງຍັງມີຄວາມເຊື່ອໝັ້ນຕໍ່ ທ່ານ ມາຄຣົງ ຈາກການທີ່ອັດຕາວ່າງງານຂອງຊາວຝຣັ່ງ ໃນໄລຍະໄຕມາດສຸດທ້າຍຂອງປີຜ່ານມາ ຫຼຸດລົງ 0,3% ຈາກໄຕມາກ່ອນໜ້າຈະຢູ່ທີ່ 8,8% ຖືເປັນສະຖິຕິຕ່່ຳທີ່ສຸດ ນັບຕັ້ງແຕ່ປີ 2009 ຕາມຂໍ້ມູນຂອງກະຊວງແຮງງານ ແຕ່ອັດຕາການວ່າງງານຂອງປະຊາຊົນ ສະເພາະໃນນະຄອນຫຼວງປາຣີສ ແມ່ນ 8,5% ຫຼື 2,47 ລ້ານຄົນ ຫຼຸດລົງ 90.000 ຄົນ ຈາກໄຕມາດກ່ອນໜ້ານັ້ນ.

ດ້ານ ທ່ານນາງ ມູລຽດ ເປີນີກອດ ລັດຖະມົນຕີກະຊວງແຮງງານຂອງຝຣັ່ງ ສະແດງຄວາມພຶ່ງພໍໃຈກັບອັດຕາການວ່າງງານທີ່ມີແນວໂນ້ມຫຼຸດລົງ ເນື່ອງຈາກລັດຖະບານໄດ້ມີການວິເຄາະມາຕະຫຼອດວ່າ ຜູ້ປະກອບການລາຍຍ່ອຍ ຫຼື ທຸລະກິດຂະໜາດນ້ອຍຈະໄດ້ຮັບຜົນກະທົບຫຼາຍທີ່ສຸດ ຈາກການປະທ້ວງຂອງແນວຮ່ວມເສື້ອກັ໊ກສີເຫຼືອງ ແລະ ກ່າວດ້ວຍວ່າ ຜູ້ນໍາຝຣັ່ງມີຄວາມຈິງໃຈ ແລະ ຄວາມພ້ອມໃນການຮັບຟັງບັນຫາຈາກປະຊາຊົນດ້ວຍຕົວເອງ ໂດຍຍການເດີນສາຍລົງພື້ນທີ່ພົບປະກັບທຸກຝ່າຍ ແລະ ກໍ່ເນັ້ນເມືອງໃນຊົນບົດຫຼາຍເປັນພິເສດ ນັບຕັ້ງແຕ່ໄລຍະຫຼັງປີໃຫມ່ຜ່ານມາ.

ในภาพอาจจะมี 4 คน, คนที่ยิ้ม, ผู้คนกำลังยืน และสถานที่กลางแจ้ง
ในภาพอาจจะมี 5 คน, คนที่ยิ้ม, ผู้คนกำลังยืน