ຍອດໜີ້ສາທາລະນະຂອງອາເມຣິກາສະສົມສູງກວ່າ 180 ລ້ານຕື້ກີບ

234

ປະລິມານໜີ້ສາທາລະນະຂອງອາເມຣິກາເພິ່ມຂຶ້ນກາຍ 22 ພັນຕື້ໂດລາ ຫຼື ກວ່າ 180 ລ້ານຕື້ກີບແລ້ວ ຂະນະເຈົ້າໜ້າທີ່ລະດັບສູງ ດ້ານນະໂຍບາຍທາງການຄ້າຂອງລັດຖະບານອາເມຣິກາ ເຂົ້າເຈລະຈາຮອບໃໝ່ກັບຈີນທີ່ນະຄອນຫຼວງປັກກິ່ງ.

ສໍານັກຂ່າວຕ່າງປະເທດລາຍງານຈາກນະຄອນຫຼວງວໍຊິງຕັນ ປະເທດສະຫະລັດ ອາເມຣິກາ ເມື່ອວັນພະຫັດ ທີ 14 ກຸມພາ ວ່າ ກະຊວງການເງິນຂອງອາເມຣິກາອອກຖະແຫຼງການວ່າ ປະລິມານໜີ້ສາທາລະນະຂອງປະເທດນັບຕັ້ງແຕ່ປີ 1993 ເຖິງວັນທີ 13 ກຸມພາ ປີນີ້ ເພິ່ມຂຶ້ນສູ່ລະດັບ 22,01 ພັນຕື້ໂດລາ (ປະມານ 188 ລ້ານຕື້ກີບ) ເປັນຄັ້ງທໍາອິດ ເຊິ່ງເປັນມູນຄ່າຫຼາຍກວ່າປະລິມານຜະລິດພັນລວມໃນປະເທດ (GDP) ຕະຫຼອດປີທີ່ຜ່ານມາ ທັງນີ້ປະລິມານໜີ້ສາທາລະນະຂອງປະເທດໃນມື້ທີ່ປະທານາທິບໍດີໂດນັລ ທຣຳ ເຂົ້າຮັບຕໍາແໜ່ງຜູ້ນໍາອາເມຣິກາ ເມື່ອວັນທີ 20 ມັງກອນ 2017 ແມ່ນ 19,95 ພັນຕື້ໂດລາ ( ກວ່າ 171 ລ້ານຕື້ກີບ).

ຂະນະທີ່ ຜູ້ຊ່ຽວຊານ (well-informed person) ວິເຄາະວ່າ ສະຖານະການດັ່ງກ່າວຄື “ຄວາມສ່ຽງຄັ້ງໃຫຍ່ຫຼວງ” ຕໍ່ເສດຖະກິດຂອງສະຫະລັດ ເຊິ່ງມີຂະໜາດໃຫຍ່ທີ່ສຸດໃນໂລກ ແລະ ຄຸນນະພາບຊີວິດຂອງຊາວອາເມຣິກັນທຸກຄົນ ເນື່ອງຈາກວ່າ ຖ້າຄໍານວນໂດຍສະເລ່ຍພົບວ່າໜີ້ສາທາລະນະຂອງສະຫະລັດ ເພິ່ມຂຶ້ນມື້ລະ 1.000 ລ້ານໂດລາ (ປະມານ 8.500 ຕື້ກີບ).

ในภาพอาจจะมี 3 คน, แถบ
ນັບຈາກຊ້າຍຫາຂວາ
ທ່ານ ຫຼິວ ເຮີ່, ທ່ານ ໂຣເບີດ ໄລທີເຊີ ແລະ ທ່ານ ສະຕີຟ ມະນູຊິນ

ລາຍງານດັ່ງກ່າວ ໄດ້ຮັບການເຜີຍແຜ່ອອກມາ ໃນໄລຍະທີ່ຄະນະຜູ້ແທນເຈລະຈາການຄ້າຂອງສະຫະລັດ ນໍາໂດຍ ທ່ານ ໂຣເບີດ ໄລທິເຊີ ແລະ ທ່ານ ສະຕີຟ ມະນູຊິນ ລັດຖະມົນຕີກະຊວງການເງິນເດີນທາງຢ້ຽມຢາມນະຄອນຫຼວງປັກກິ່ງ ເພື່ອພົບປະຫາລືກັບ ທ່ານ ຫລິວ ເຮີ່ ຮອງນາຍົກລັດຖະມົນຕີ ແລະ ທີ່ປຶກສາດ້ານນະໂຍບາຍເສດຖະກິດຂອງປະທານປະເທດສີ ຈິ້ນຜິງ ຕໍ່ຍອດຈາກການປະຊຸມສຸດຍອດຜູ້ນໍາກຸ່ມປະເທດເສດຖະກິດຂະໜາດໃຫຍ່ “ຈີ20” ທີ່ນະຄອນຫຼວງບົວໂນສໄອເຣສ ເມືອງຫຼວງຂອງປະເທດອາເຈນຕິນາ ເຊິ່ງຜູ້ນໍາຈີນ ແລະ ປະທານາທິບໍດີໂດນັລ ທຣຳ “ມີຄວາມເຫັນຊອບຮ່ວມກັນໃນຫຼັກການ” ໃຫ້ລະງັບການຕັ້ງກໍາແພງພາສີຕໍ່ກັນເປັນເວລາ “90 ວັນ” ນັບຕັ້ງແຕ່ວັນທີ 1 ທັນວາ ປີຜ່ານມາ ແລ້ວໃຊ້ໄລຍະເວລາດັ່ງກ່າວນີ້ ເພື່ອການເຈລະຈາກັນ “ຢ່າງມີປະສິດທິພາບ” ຢ່າງໃດກໍ່ຕາມ “ອາດຈະມີການປ່ຽນແປງ” ຖ້າການຫາລື “ບໍ່ປະສົບຜົນສໍາເລັດ” ເມື່ອຄົບກໍານົດ.

ในภาพอาจจะมี 7 คน, สถานที่กลางแจ้ง