ເຫດລະເບີດຂ້າຕົວຕາຍ ໂຈມຕີທະຫານອິນເດຍ ໃນແຄຊເມຍ ຕາຍກວ່າ 40 ຄົນ

358

ໜ່ວຍທະຫານພົນລະເຮືອນອິນເດຍ ໃນແຄຊເມຍ “ຫຼາຍກວ່າ 40 ຄົນ” ເສຍຊີວິດໃນເຫດໂຈມຕີນອງເລືອດທີ່ເປັນການລະເບີດຂ້າຕົວຕາຍ ໂດຍຝີມືຂອງກຸ່ມຕິດອາວຸດ ເຊິ່ງມີຖານຢູ່ໃນປະເທດປາກິສຖານ.

ສໍານັກຂ່າວຕ່າງປະເທດລາຍງານຈາກນະຄອນຫຼວງນິວເດລີ ປະເທດອິນເດຍ ເມື່ອວັນສຸກ ທີ 15 ກຸມພາ ວ່າ ເກີດເຫດຄົນຮ້າຍຂັບລົດໃຫຍ່ແລ່ນຕຳລົດເມໂດຍສານຂອງໜ່ວຍທະຫານຂອງອິນເດຍ (CRPF) ຂະນະລົດກໍາລັງແລ່ນຢູ່ເທິງຖະໜົນສາຍໜຶ່ງ ໃນເມືອງອະວັນຕິປຸຣະ ໃກ້ກັບເມືອງສຣີນະຄອນ ເຊິ່ງເປັນເມືອງເອກຂອງລັດຊຳມູຣ໌ ແລະ ກັສມີຣ໌ ຕັ້ງຢູ່ທາງພາກເໜືອຂອງປະເທດ ແລະ ມີຊາຍແດນຕິດກັບປະເທດປາກິສຖານ ເມື່ອໄລຍະບ່າຍຂອງວັນພະຫັດ ຕາມເວລາທ້ອງຖິ່ນ ກ່ອນຈູດຊະນວນລະເບີດຂ້າຕົວຕາຍ ແຮງລະເບີດສົ່ງຜົນໃຫ້ເຈົ້າໜ້າທີ່ຢູ່ເທິງລົດເມເສຍຊີວິດ ຫຼາຍກວ່າ 40 ຄົນ ແລະ ຍັງມີເຈົ້າໜ້າທີ່ໄດ້ຮັບບາດເຈັບອີກຫຼາຍສິບຄົນ.

ในภาพอาจจะมี หนึ่งคนขึ้นไป และสถานที่กลางแจ้ง
ในภาพอาจจะมี หนึ่งคนขึ้นไป และสถานที่กลางแจ้ง

ຫຼັງເກີດເຫດກຸ່ມຫົວຮຸນແຮງ “ຈາອິຊ-ອີ-ໂມຮໍາຫມັດ” (ເຈມ) ເຊິ່ງມີຖານປະຕິບັດການຢູ່ໃນປະເທດປາກິສຖານ ຍອມຮັບໂດຍອ້າງວ່າເປັນຜູ້ກໍ່ເຫດ ຂະນະທີ່ນາຍົກລັດຖະມົນຕີເຣນທຣາ ໂມດີ ຜູ້ນໍາອິນເດຍປະນາມເຫດການທີ່ເກີດຂຶ້ນຢ່າງໜັກ ແລະ ກ່າວວ່າ ປາກິສຖານ “ຕ້ອງສະແດງຄວາມຮັບຜິດຊອບ” ຕໍ່ການປ່ອຍໃຫ້ກຸ່ມຕິດອາວຸດທີ່ກົບດານຢູ່ໃນປະເທດຂອງຕົວເອງຮຸກຮານອະທິປະໄຕຂອງປະເທດເພື່ອນບ້ານ ດ້ານກະຊວງການຕ່າງປະເທດຂອງປາກິສຖານໄດ້ອອກຖະແຫຼງການ ວ່າ ເຫດການຮຸນແຮງທີ່ເກີດຂຶ້ນບໍລິເວນຊາຍແດນຕິດກັບອິນເດຍນັ້ນ “ເປັນສິ່ງທີ່ວິຕົກກັງວົນເປັນຢ່າງຍິ່ງ” ແຕ່ລະບຸດ້ວຍວ່າ ລັດຖະບານນິວເດລີ ບໍ່ສົມຄວນກ່າວຫາລັດຖະບານປາກິສຖານ ໂດຍປາສະຈາກຫຼັກຖານ.

ທັງນີ້ ໜ່ວຍງານດ້ານຄວາມໝັ້ນຄົງຂອງອິນເດຍ ຍັງບໍ່ສະແດງທ່າທີຢ່າງເປັນທາງການຕໍ່ “ການກໍ່ການຮ້າຍ” ຄັ້ງນີ້ ເຊິ່ງຖືວ່າຮຸນແຮງທີ່ສຸດໃນຮອບຫຼາຍທົດສະວັດ ແຕ່ສື່ທ້ອງຖິ່ນຫຼາຍແຫ່ງລາຍງານວ່າ ລະເບີດທີ່ຄົນຮ້າຍໃຊ້ໃນການກໍ່ເຫດນັ້ນ ມີນ້ຳໜັກ ເຖິງ 350 ກິໂລກຣາມ ແລະ ເຈົ້າໜ້າທີ່ຝ່າຍຄວາມໝັ້ນຄົງຂອງອິນເດຍ ທັງທະຫານ ແລະ ຕໍາຫຼວດ ໄດ້ກະຈາຍກໍາລັງປິດອ້ອມໝູ່ບ້ານ 15 ແຫ່ງ ໃກ້ຈຸດເກີດເຫດ ແລະ ຂໍກວດຄົ້ນເຮືອນທຸກຫຼັງ ຕາມຂໍ້ມູນຂ່າວກອງວ່າມືລະເບີດເຄີຍອາໄສຢູ່ແຖວນີ້.

ในภาพอาจจะมี หนึ่งคนขึ้นไป และสถานที่กลางแจ้ง

ອີກປະການໜຶ່ງ ອິນເດຍ ແລະ ປາກິສຖານ ເຊິ່ງຕ່າງກໍ່ປະກາດຕົວເປັນມະຫາອຳນາດດ້ານນິວເຄຣຍ ໃນພາກພື້ນອາຊີໃຕ້ ສູ້ຮົບຍາດແຍ່ງພື້ນທີ່ຊັບຊ້ອນໃນພາກພື້ນແຄຊເມຍ ທີ່ຢູ່ທາງເໜືອຂອງພູຫິມາໄລ ມາເປັນເວລາດົນນານຫຼາຍທົດສະວັດ ໂດຍເຮັດສົງຄາມຄັ້ງໃຫຍ່ມາແລ້ວ 2 ຄັ້ງ ພຽງບໍ່ດົນຫຼັງໄດ້ຮັບເອກະລາດຈາກສະຫະຣາຊະອານາຈັກ ເມື່ອປີ 1947.

ในภาพอาจจะมี สถานที่กลางแจ้ง
ในภาพอาจจะมี รถยนต์ และสถานที่กลางแจ้ง