Andrew Michael ລູກທີ່ລັກເງິນແມ່ ມາຕໍ່ຍອດທຸລະກິດມີກໍາໄລພັນຕື້

362

ການທີ່ເຮົາຈະກໍ່ຕັ້ງບໍລິສັດເພື່ອເຮັດທຸລະກິດ ຫຼື ກິດຈະການຢ່າງໃດໜຶ່ງລ້ວນແລ້ວກໍ່ຕ້ອງໃຊ້ເງິນໃນການລົງທຶນ ແລະ ການຫາທີ່ຈະທຶນມາໝູນວຽນກໍ່ແລ້ວແຕ່ລະບໍລິສັດຈະມີຄວາມສາມາດໃນການຈັດການມາໄດ້ຈັ່ງໃດ.

ແຕ່ບາງທີກໍ່ບໍ່ແມ່ນແບບ ທ້າວ Andrew Michael ຜູ້ນີ້ ແນ່ນອນ ລາວເປັນເຖິງຜູ້ກໍ່ຕັ້ງບໍລິສັດ Fasthosts ຜູ້ໃຫ້ບໍລິການເວັບເຊີວິດຕ່າງໆ ທັງຈົດໂດເມນ, ໃຫ້ບໍລິການເວັບໂຮສຕິ້ງ, ເຊົ່າເຊີຟເວີ ແລະ ລະບົບຄລາວ.

ในภาพอาจจะมี 1 คน, กำลังนั่ง และแว่นกันแดด
Andrew Michael

Andrew Michael ໄດ້ເລິ່ມຕົ້ນຈາກການລັກເງິນແມ່?

ທ້າວ Andrew Michael ເປີດເຜີຍຜ່ານລາຍການ The Boss ເປັນລາຍການທີ່ນໍາສະເໜີໂປຣໄຟລ໌ຂອງຜູ້ບໍລິຫານທຸລະກິດຊັ້ນນໍາຈາກທົ່ວໂລກ ໂດຍຕົນໄດ້ໃຫ້ສຳພາດວ່າ ໃນໄລຍະອາຍຸ 17 ປີ ຕົນເລືອກທີ່ຈະສ່ຽງໂຊກຊະຕາດ້ວຍເງິນຈໍານວນ 30.000 ປອນ (ປະມານ 328 ລ້ານກີບ) ຈາກການລັກເອົາບັດເຄຣດິດຂອງແມ່ມາໃຊ້ ໂດຍທີ່ບໍ່ໄດ້ຮັບອະນຸຍາດ ແລະ ແມ່ກໍ່ບໍ່ຮູ້ນຳເລີຍ.

ຈາກການທີ່ Andrew Michael  ແລະ ເພື່ອນສະໄໝຮຽນ Alex Wilding ຕ້ອງການຈະສ້າງເວັບໄຊເປັນຂອງຕົນເອງ ແຕ່ພັດເຫັນວ່າບໍລິສັດໂຮສສ່ວນຫຼາຍ ມັກມີຖານລູກຄ້າເປັນກຸ່ມທຸລະກິດໃຫຍ່ ແລະ ບໍລິສັດຕ່າງໆ.

ในภาพอาจจะมี 1 คน, กำลังยืน

ລາວກໍ່ເກີດໄອເດຍເບິ່ງເຫັນຊ່ອງທາງໃນການເຮັດທຸລະກິດ ເພື່ອຂະຫຍາຍຕະຫຼາດຄວາມຕ້ອງການໃຫ້ເຂົ້າເຖິງກຸ່ມທຸລະກິດຂະໜາດນ້ອຍ ແລະ ກຸ່ມສ່ວນບຸກຄົນ ຈຶ່ງກໍ່ຕັ້ງບໍລິສັດ Fasthosts ຂຶ້ນມາ ພາຍໃນຫ້ອງນອນຂອງຕົນເອງ (ບ້ານທີ່ອາໄສຢູ່ກັບແມ່) ແລະ ຂຽນຊັອຟແວເພື່ອບໍລິການຂຶ້ນມາເອງ.

ແຕ່ເນື່ອງຈາກຂໍ້ຈໍາກັດຂອງຄວາມໄວອິນເຕີເນັດ ພວກເຂົາຈໍາເປັນຈະຕ້ອງໃຊ້ອິນເຕີເນັດຄວາມໄວສູງ (ໄຟເບີອັອບຕິກ) ເພື່ອສະໜັບສະໜຸນການບໍລິການທີ່ມີປະສິດທິພາບ ເຊິ່ງຄ່າໃຊ້ຈ່າຍໃນສະໄໝ ປີ 1997 ນັ້ນ ມັນມີລາຄາສູງເຖິງ 30.000 ປອນ ແຕ່ວ່າພວກເຂົາບໍ່ມີເງິນຫຼາຍທີ່ຈະສາມາດຈ່າຍໄດ້.

ในภาพอาจจะมี 1 คน, สุนัข

Andrew ຈຶ່ງບໍ່ມີທາງເລືອກນອກເໜືອຈາກການລັກເອົາບັດເຄຣດິດຂອງແມ່ ມາລູດເພື່ອໃຊ້ຈ່າຍໃນການອັບເກດຄວາມໄວຂອງອິນເຕີເນັດໃຫ້ບໍລິສັດຂອງຕົນເອງ ຫຼັງຈາກນັ້ນ ກໍ່ລົງໂຄສະນາໃນວາລະສານ ເພື່ອສ້າງຖານລູກຄ້າໃຫ້ມາເຂົ້າໃຊ້ບໍລິການບໍລິສັດຂອງເຂົາໃຫ້ໄດ້ຫຼາຍພຽງພໍ ກ່ອນທີ່ຕະຮອດມື້ຕັດຍອດບັດເຄຣດິດໃນເດືອນທໍາອິດທີ່ລົງທຶນໄປ.

ໂຊກຊະຕາເຂົ້າຂ້າງ ແລະ ທຸລະກິດຂອງເຂົາກໍ່ເປັນໄປໄດ້ໄຫຼລື່ນ ເພາະວ່າໃນເດືອນທໍາອິດລາວກໍ່ສາມາດຫາລູກຄ້າໄດ້ຫຼາຍ ເຮັດໃຫ້ມີກໍາໄລພຽງພໍທີ່ຈະຈ່າຍຄ່າອິນເຕີເນັດ ແລະ ຄ່າລົງໂຄສະນາ.

ในภาพอาจจะมี ท้องฟ้า, เมฆ, มหาสมุทร, ภูเขา, เรือ, สถานที่กลางแจ้ง, น้ำ และธรรมชาติ

ຖັດມາໄດ້ 5 ປີ ຫຼັງບໍລິສັດ Fasthosts ກໍ່ກາຍມາເປັນບໍລິສັດຊັ້ນນໍາໃນດານດ້ານເວັບໂຮສຕິ້ງ, ເວັບເຊີວິດສໍາລັບກຸ່ມທຸລະກິດ ແລະ ກາຍມາເປັນບໍລິສັດທີ່ເຕີບໂຕໄວທີ່ສຸດເປັນອັນດັບ 2 ຂອງປະເທດອັງກິດ ໃນສາຍເທັກໂນໂລຢີ.

ໃນປີ 2006 Andrew ໃນໄວ 26 ປີ ປະກາດຂາຍບໍລິສັດເປັນເງິນຈໍານວນ 61,5 ລ້ານປອນ (ກວ່າ 670 ຕື້ກີບ) ພ້ອມກັບໄດ້ຮັບເງິນອີກ 46 ລ້ານປອນ (504 ຕື້ກີບ) ຈາກການຖືຫຸ້ນ 75% ຂອງບໍລິສັດ.

ในภาพอาจจะมี 1 คน

ຍັງບໍ່ພໍເທົ່ານັ້ນ ປີ 2008 ລາວໄດ້ໄປກໍ່ຕັ້ງບໍລິສັດເກັບຂໍ້ມູນຄລາວ Livedrive ຈົນກາຍມາເປັນບໍລິສັດຜູ້ໃຫ້ບໍລິການຄລາວ ແລະ ສໍາຮອງຂໍ້ມູນທີ່ມີອັດຕາເຕີບໂຕສູງທີ່ສຸດໃນທະວີບເອີຣົບ.

ຈົນມາເຖິງປີ 2014 ລາວກໍ່ປະກາດຂາຍບໍລິສັດອີກຄັ້ງ ແຕ່ບໍ່ເປີດເຜີຍວ່າເປັນເງິນຈໍານວນເທົ່າໃດ ເຊິ່ງຄາດວ່າເປັນຈໍານວນຫຼັກສິບລ້ານປອນ.

ในภาพอาจจะมี 5 คน, คนที่ยิ้ม, ข้อความ

ປັດຈຸບັນ Andrew Michael ກໍ່ຕັ້ງບໍ່ລິສັດ Bark.com ແພລັດຟອມເພື່ອໃຫ້ຜູ້ໃຊ້ສາມາດຈອງ ແລະ ຈ້າງວຽກບຸຄະລາກອນຈາກສາຍອາຊີບຕ່າງໆ ເຊັ່ນ ຄູສອນດົນຕີ, ເທນເນີສ່ວນຕົວ ແລະອື່ນໆ ໂດຍມີພະນັກງານປະຈໍາພຽງ 30 ຄົນ ແຕ່ພັດມີລູກຄ້າເຂົ້າມາໃຊ້ບໍລິການກວ່າ 20 ລ້ານຄົນຈາກທົ່ວໂລກ.

ในภาพอาจจะมี 1 คน

ຢ່າງໃດກໍ່ຕາມ Andrew ກ່າວວ່າ ແມ່ຂອງລາວກໍ່ບໍ່ຮູ້ສຶກນ້ອຍໃຈ ຫຼື ຄຽດກັບສິ່ງທີ່ຕົນໄດ້ກະທຳໄປ ເພາະແມ່ກໍ່ຍອມໃຫ້ອະໄພລູກແລ້ວ ແຕ່ກໍ່ບໍ່ຮູ້ວ່າແມ່ຮູ້ໄດ້ແນວໃດ ແລະ ໄປຮູ້ເລື່ອງຈາກໃສ ຫຼັງຈາກທີ່ຖືກລູກຊາຍລັກເອົາບັດໄປໃຊ້ແລ້ວ (ແອດເດົາວ່າແມ່ອາດຈະຮູ້ຈາກຂໍ້ຄວາມການເຄື່ອນໄຫວບັນຊີໃນໂທລະສັບ ເອີ! ແຕ່ສະໄໝປີ 1997 ມີຂໍ້ຄວາມແຈ້ງເຕືອນ ຫຼື ຍັງ ອັນນີ້ແອດບໍ່ແນ່ໃຈ ).

CR: metro