ບຸນຊ້າງ ປີ 2019 ຄັ້ງທີ 13 ຈະຈັດຂຶ້ນໃນວັນທີ 23-28 ກຸມພາ ນີ້

548

ມະຫະກຳບຸນຊ້າງ ຄັ້ງທີ 13 ທີ່ຈະຈັດຂຶ້ນໃນລະຫວ່າງວັນທີ 23 ຫາ 28 ກຸມພາ ປີ 2019 ນີ້, ທາງຄະນະຈັດຕັ້ງງານບຸນຊ້າງແຂວງໄຊຍະບູລີ ກະກຽມພ້ອມປະມານ 90% ແລ້ວ ເຊິ່ງປະກອບມີຫຼາກຫຼາຍກິດຈະກຳທີ່ຕິດພັນກັບຊ້າງ, ກິດຈະກໍາສິລະປະວັນນະຄະດີຕ່າງໆທີ່ເປັນເອກະລັກຂອງປະຊາຊົນທີ່ມາຈາກ 11 ຕົວເມືອງໃນທົ່ວແຂວງ ສາມາດຕອບສະໜອງ ຄວາມເພິ່ງພໍໃຈແກ່ນັກທ່ອງທ່ຽວທີ່ຈະມາຮ່ວມ.

ในภาพอาจจะมี 5 คน, สถานที่กลางแจ้ง

ທ່ານ ຈັນທີ ສີມະນີຈັນ ຫົວໜ້າພະແນກຖະແຫຼງຂ່າວ, ວັດທະນະທຳ ແລະ ທ່ອງທ່ຽວ ແຂວງໄຊຍະບູລີ ໃຫ້ສຳພາດໃນວັນທີ 13 ກຸມພານີ້ວ່າ: ປັດຈຸບັນທາງຄະນະກຳມະການຈັດງານບຸນຊ້າງ ແລະ ບັນດາພາກສ່ວນກ່ຽວຂ້ອງຕ່າງໆ ເປັນຕົ້ນແມ່ນວຽກງານການບໍລິການກຽມຄວາມພ້ອມແລ້ວ ປະມານ 90% ເຊິ່ງຄາດວ່າຈະກະກຽມໄດ້ສຳເລັດໃນວັນທີ 17 ກຸມພານີ້ ເພື່ອເຂົ້າສູ່ການຝຶກຊ້ອມ ເນື່ອງຈາກວ່າຊ້າງທີ່ຈະນຳມາສະແດງທັງໝົດ 70 ໂຕ ໃນຄັ້ງນີ້ແມ່ນມາຈາກຫຼາຍບ່ອນ ເປັນຕົ້ນແມ່ນແຂວງຫຼວງພະບາງ ເພາະແຕ່ລະປີຫຼັງບຸນຊ້າງເຂົາຈະນຳເອົາຊ້າງໄປສະແດງ ແລະ ບໍລິການຂີ່ຊ້າງທ່ຽວຊົມຕາມສະຖານທີ່ທ່ອງທ່ຽວຕ່າງໆ. ສະນັ້ນ, ຈຶ່ງພົບຄວາມຫຍຸ້ງຍາກບາງປະການໃນການເຕົ້າໂຮມ.

ในภาพอาจจะมี หนึ่งคนขึ้นไป และสถานที่กลางแจ้ง

ການຈັດງານໃນຄັ້ງນີ້ຈະຈັດໃຫ້ຍິ່ງ ໃຫຍ່ກວ່າທີ່ຜ່ານມາ. ໃນນັ້ນ, ມີຫຼາກຫຼາຍກິດຈະກຳຕ່າງໆທີ່ເນັ້ນໃສ່ຊ້າງ ແລະ ວັດທະນະທຳບັນດາເຜົ່າໃນແຂວງ ເຊັ່ນ: ຊ້າງ 70 ໂຕ ປະສານສຽງເປົ່າສະໄນ, ສະແດງຊ້າງຄຳຮູ້ 23 ລາຍການ, ບາສີສູ່ຂວັນຊ້າງ, ຂີ່ຊ້າງທ່ຽວຊົມເມືອງໄຊຍະບູລີ, ທ່ຽວຊົມຕະຫຼາດ, ວາງສະແດງສິນຄ້າ, ບໍລິການຂີ່ຊ້າງທົ່ວໄປ, ພິເສດໃນປີຈະມີຂະບວນກ້ອນແຫ່ຂອງ 11 ຕົວເມືອງທົ່ວແຂວງ ແລະ ສະແດງສິລະປະວັນນະຄະດີ ຈາກ 8 ຊົນເຜົ່າຂອງແຂວງ.

ในภาพอาจจะมี 1 คน, สถานที่กลางแจ้ง และธรรมชาติ

ທ່ານໃຫ້ຮູ້ອີກວ່າ: ເພື່ອອຳນວຍຄວາມສະດວກດ້ານທີ່ພັກອາໄສຕ່າງໆ ແກ່ນັກທ່ອງທ່ຽວທີ່ມາຮ່ວມບຸນຊ້າງປີນີ້, ທົ່ວເມືອງໄຊຍະບູລີມີໂຮງແຮມ ຈຳນວນ 8 ແຫ່ງ, ເຮືອນພັກ 165 ແຫ່ງ, ຣີສອດ 6 ແຫ່ງ, ຮ້ານອາຫານ 72 ແຫ່ງ ແລະ ຮ້ານບັນເທີງ 19 ແຫ່ງ ທີ່ພ້ອມບໍລິການຮັບໃຊ້ຜູ້ມາຮ່ວມງານບຸນຊ້າງ ແລະ ຄາດວ່າຈະສາມາດດຶງດູດນັກທ່ອງທ່ຽວມາຊົມບໍ່ຕໍ່າກວ່າ 135.000 ຄົນ.

ในภาพอาจจะมี สถานที่กลางแจ้ง

CR:laoedaily