ນາຊາ ຍຸດຕິພາລະກິດຍານສໍາຫຼວດດາວອັງຄານ “ອັອຟພໍທູນິຕີ”

288

ນາຊາປະກາດການສິ້ນສຸດຂອງພາລະກິດສໍາຫຼວດດາວອັງຄານ ໂດຍຍານ “ອັອຟພໍທູນິຕີ” ທີ່ດົນນານ 15 ປີຢ່າງເປັນທາງການ ຫຼັງບໍ່ສາມາດຕິດຕໍ່ໄດ້ຕັ້ງແຕ່ກາງປີທີ່ຜ່ານມາ.

ສໍານັກຂ່າວຕ່າງປະເທດລາຍງານຈາກນະຄອນຫຼວງວໍຊິງຕັນ ປະເທດສະຫະລັດ ອາເມຣິກາ ເມື່ອວັນພຸດ ທີ 13 ກຸມພາ ວ່າ ອົງການບໍລິຫານການບິນ ແລະ ອາວະກາດແຫ່ງຊາດ (ນາຊາ) ອອກຖະແຫຼງການເມື່ອວັນພຸດວ່າ ພາລະກິດຂອງຍານຫຸ່ນຍົນສໍາຫຼວດດາວອັງຄານ “ອັອຟພໍທູນິຕີ (Opportunity)” ໄດ້ສິ້ນສຸດຢ່າງເປັນທາງການແລ້ວ ຫຼັງຍານສໍາຫຼວດຂາດການຕິດຕໍ່ກັບສູນປະຕິບັດການເທິງໂລກ ຕັ້ງແຕ່ເດືອນມິຖຸນາ ປີທີ່ຜ່ານມາ ເຊິ່ງເປັນໄລຍະທີ່ເກີດພາຍຸຝຸ່ນຄັ້ງຮຸນແຮງເທິງດາວອັງຄານ ຫຼັງຈາກນັ້ນ ນາຊາ ພະຍາຍາມຕິດຕໍ່ຫຼາຍຮ້ອຍເທື່ອ ແຕ່ບໍ່ເຄີຍໄດ້ຮັບການສົ່ງສັນຍານຕອບກັບເຊັ່ນດຽວກັບຄຳສັ່ງສາກແບັດເຕີຣີ ທີ່ບໍ່ເຄີຍໄດ້ຮັບການຕອບສະໜອງ ທາງນາຊາ ຈຶ່ງຕັດສິນໃຈປະກາດຍຸດຕິພາລະກິດອັອຟພໍທູນິຕີ ພ້ອມຕິດແຮັດຊ໌ແທັກ #GoodnightOppy และ #ThankYouOppy.

ในภาพอาจจะมี ท้องฟ้า, ธรรมชาติ และสถานที่กลางแจ้ง

ຢ່າງໃດກໍ່ຕາມ ນາຊາ ຈະຍັງວິເຄາະຂໍ້ມູນຫຼ້າສຸດທີ່ໄດ້ຮັບຈາກຍານອັອຟພໍທູນິຕີ ຕໍ່ໄປທີ່ລວມເຖິງເບາະແສຂອງການເຄີຍມີແຫຼ່ງນ້ຳຢູ່ເທິງດາວອັງຄານ ທັງນີ້ ຍານອັອຟພໍທູນິຕີ ເຊິ່ງມີ 6 ລໍ້ ແລະ ມີນໍ້າໜັກຫຼາຍກວ່າ 1 ໂຕ້ນ ອອກເດີນທາງຈາກໂລກ ເມື່ອວັນທີ 7 ກໍລະກົດ 2003 ແລະ ລົງຈອດເທິງດາວອັງຄານ ເມື່ອວັນທີ 25 ມັງກອນ 2004 ສ້າງປະຫວັດສາດເປັນຍານຫຸ່ນຍົນສໍາຫຼວດດາວອັງຄານຂອງນາຊາ ເຊິ່ງມີໄລຍະການເດີນທາງສະສົມໄກທີ່ສຸດ ໃນບັນດາຍານສໍາຫຼວດດາວອັງຄານຂອງນາຊາ ຄື 45,2 ກິໂລແມັດ ແລະ ປະຕິບັດພາລະກິດດົນນານທີ່ສຸດຄື 15 ປີ ຂະນະທີ່ຍານ ທີ່ເປັນ “ຝາແຝດ” ກັບຍານ ອັອຟພໍທູນິຕີ ກໍ່ຄືຍານ “ສະປິຣິດ” (Spirit) ອອກເດີນທາງໄປກ່ອນເມື່ອວັນທີ 10 ມິຖຸນາ 2003 ແຕ່ສິ້ນສຸດພາລະກິດໄປຕັ້ງແຕ່ວັນທີ 25 ພຶດສະພາ 2011.

ไม่มีคำอธิบายรูปภาพ

ການຍຸດຕິພາລະກິດຂອງຍານອັອຟພໍທູນິຕີ ໝາຍຄວາມວ່າ ໃນໄລຍະເວລານີ້ ນາຊາ ຈະເຫຼືອຍານສໍາຫຼວດເທິງດາວອັງຄານ 2 ລໍາ ຄືຍານຫຸ່ນຍົນສໍາຫຼວດ “ຄິວລິອໍຊິຕີ (Curiosity)”  ລົງຈອດເມື່ອວັນທີ 6 ສິງຫາ 2012 ຫຼັງໃຊ້ເວລາເດີນທາງປະມານເຄິ່ງປີ ແລະ ຍານ “ອິນໄຊ (Insight)”  ລົງຈອດເມື່ອວັນທີ 26 ພະຈິກ ປີທີ່ຜ່ານມາ ແລະ ໃຊ້ເວລາໃນການເດີນທາງປະມານ 6 ເດືອນເຊັ່ນກັນ.

ไม่มีคำอธิบายรูปภาพ
ไม่มีคำอธิบายรูปภาพ