ຫຼວງນໍ້າທາ ທຳລາຍ ຊາກ ແລະ ຊິ້ນສ່ວນສັດປ່າ ກວ່າ 100 ກິໂລ

434

ການລ່າສັດປ່າຫວງຫ້າມມາເປັນອາຫານ ແລະຂາຍສູ່ຕະຫຼາດ ຍັງເປັນປາກົດການໜຶ່ງທີ່ທ້າທາຍສຳລັບບ້ານເຮົາ ເຊິ່ງຜ່ານມາທາງພາກລັດເອງກໍ່ໄດ້ມີການປຸກລະດົມໃຫ້ປະຊາຊົນຮັບຮູ້ ແລະ ເຂົ້າໃຈກ່ຽວກັບການອະນຸລັກສັດປ່າທີ່ເຂດຫວງຫ້າມ ພ້ອມທັງອະທິບາຍໃຫ້ແກ່ປະຊາຊົນທີ່ຍັງບໍ່ທັນເຂົ້າໃຈເພີ່ມຄວາມເປັນເຈົ້າການໃນການອະນຸລັກປ່າ ແລະ ສັດປ່າ ເພາະຖ້າຝ່າຝືນກໍ່ຈະໄດ້ຮັບໂທດຕາມລະບຽບກົດໝາຍ ເຖິງປານນັ້ນຍັງມີຄົນລັກລອບລ່າເລື້ອຍມາ.

ແຫຼ່ງຂ່າວຈາກຫຼວງນ້ຳທາລາຍງານວ່າ: ໃນວັນພຸດ ທີ 13 ກຸມພາ 2019 ຜ່ານມານີ້, ເຈົ້າໜ້າທີ່ຈາກກົມກວດກາປ່າໄມ້ ໄດ້ສົມທົບກັບພະແນກກະສິກໍາ ແລະ ປ່າໄມ້ ແຂວງຫຼວງນໍ້າທາ ຈັດພິທີທໍາລາຍຊິ້ນສ່ວນ ແລະ ຊາກສັດປ່າ ຈຳນວນ 108 ກິໂລ ທີ່ຖືກເຈົ້າໜ້າທີ່ກອງກວດກາປ່າໄມ້ແຂວງຍຶດໄດ້ ຈາກການລົງກວດກາຕາມຕະຫຼາດທ້ອງຖິ່ນ ແລະ ທີ່ນໍາມາວາງຂາຍຕາມແຄມທາງ ພາຍໃນແຂວງ.

ในภาพอาจจะมี 4 คน, ผู้คนกำลังยืน, ท้องฟ้า, สถานที่กลางแจ้ง และธรรมชาติ

ສຳລັບຊາກ ແລະ ຊິ້ນສ່ວນສັດປ່າທີ່ຍຶດ ແລະ ນໍາມາທໍາລາຍໃນຄັ້ງນີ້ປະກອບມີ ຊິ້ນສ່ວນ ແລະ ຊາກຂອງ ກວາງ, ຟານ, ໝູປ່າ, ເຫງັນ ເໝັ້ນ ແລະ ອື່ນໆ.

ເຂົ້າຮ່ວມພິທີໃນຄັ້ງນີ້ ມີຕາງໜ້າຈາກກົມກວດກາປ່າໄມ້, ພະແນກ ແລະ ກອງກວດກາປ່າໄມ້ແຂວງ, ໜ່ວຍງານກວດກາປ່າໄມ້ຈາກ 5 ເມືອງ ພ້ອມໜ່ວຍງານອື່ນໆທີ່ກ່ຽວຂ້ອງຂັ້ນແຂວງ ແລະ ຈັດສັນຕະຫຼາດເຂົ້າຮ່ວມ. ສຳລັບຜູ້ກະທໍາຜິດແມ່ນໄດ້ຖືກເຮັດບົດບັນທຶກ ແລະ ໄດ້ມີການປັບໃໝ ຕາມລະບຽບກົດໝາຍ ພ້ອມສັ່ງຫ້າມບໍ່ໃຫ້ມີການລ່າ ແລະ ນໍາມາຂາຍອີກ.

ในภาพอาจจะมี รองเท้า และสถานที่กลางแจ้ง

ເຊິ່ງກ່ອນໜ້ານີ້ ເມື່ອວັນອັງຄານ ທີ 12 ກຸມພາ 2019 ຜ່ານມາ, ທີ່ພະແນກກະສິກໍາ ແລະ ປ່າໄມ້ ແຂວງອຸດົມໄຊ ໄດ້ມີພິທີ ທໍາລາຍຊິ້ນສ່ວນ ແລະ ຊາກສັດປ່າ ທີ່ຍຶດໄດ້ຈໍານວນ 156,1 ກິໂລ ທີ່ຖືກເຈົ້າໜ້າທີ່ກອງກວດກາປ່າໄມ້ແຂວງຍຶດໄດ້ ຈາກການລົງກວດກາຕາມຕະຫຼາດທ້ອງຖິ່ນ ແລະ ທີ່ນໍາມາວາງຂາຍຕາມແຄມທາງ ພາຍໃນແຂວງ ແລ້ວນຳມາທຳລາຍຖິ້ມ. ທ່ານຮູ້ບໍວ່າ ສັດປ່າທີ່ທ່ານຊື້ ແລະ ກິນ ອາດເປັນໂຕສຸດທ້າຍ ໃນປ່າທໍາມະຊາດບ້ານເຮົາ. ສະນັ້ນ, ຄວນຮັກສັດປ່າ, ອະນຸຮັກ ເພື່ອໂລກ ເພື່ອຄວາມອຸດົມສົມບູນທາງທໍາມະຊາດ ຈົ່ງພາກັນຢຸດລ່າ-ຢຸດກິນສັດປ່າ ເພາະຖ້າຫາກທຸກຄົນຢຸດຊື້-ຢຸດກິນສັດປ່າ ກໍ່ຈະສາມາດຊ່ວຍເຮັດໃຫ້ກຸ່ມທີ່ລ່າ ເພື່ອເອົາມາຂາຍຫຼຸດລົງເຊັ່ນດຽວກັນ.

CR: WTF-Lao