ເບລຢ້ຽມ ແຮງງານຖິ້ມວຽກປະທ້ວງໃຫຍ່ ອໍາມະພາດທົ່ວປະເທດ

252

ສະມາຊິກສະຫະພາບແຮງງານປະເທດເບລຢ້ຽມ ນັດກັນປະລະໜ້າທີ່ ເພື່ອປະທ້ວງທົ່ວປະເທດ ເມື່ອວັນພຸດ ຜ່ານມາ ສົ່ງຜົນກະທົບຢ່າງໜັກຕໍ່ການຂົນສົ່ງສາທາລະນະ ໂດຍສະເພາະໃນນະຄອນຫຼວງບຣັສເຊລສ໌ ທີ່ກໍາລັງຈະມີການປະຊຸມລັດຖະມົນຕີກຸ່ມປະເທດສະມາຊິກອົງການນາໂຕ.

ສໍານັກຂ່າວເອເອັຟພີ ແລະ ເອພີລາຍງານຈາກນະຄອນຫຼວງບຣັສເຊລສ໌ ປະເທດເບລຢ້ຽມ ເມື່ອວັນພຸດ ທີ 13 ກຸມພາ ວ່າ ການປະລະໜ້າທີ່ ຕາມຄໍາຮຽກຮ້ອງຂອງສະຫະພາບແຮງງານຂະໜາດໃຫຍ່ 3  ອົງກອນໃນເບລຢ້ຽມ ເພື່ອປະທ້ວງການຈໍາກັດເພດານການຂຶ້ນເງິນເດືອນຄ່າຈ້າງ ໃນຂະນະທີ່ ເສດຖະກິດເຕີບໂຕລວມທັງເງື່ອນໄຂການກະສຽນກ່ອນກໍາໜົດ, ຄ່າແຮງຂັ້ນຕ່ຳ ແລະ ເພີ່ມການຝຶກອົບລົມສໍາລັບການເຮັດວຽກ.

ในภาพอาจจะมี หนึ่งคนขึ้นไป และสถานที่ในร่ม

ລັດຖະບານກາງ-ຂວາ ນໍາໂດຍນາຍົກລັດຖະມົນຕີຊາຣ໌ລ ມິເຊລ ບໍ່ໄດ້ຢູ່ໃນສະຖານະທີ່ຈະຕອບສະໜອງຕໍ່ຂໍ້ຮຽກຮ້ອງຂອງຜູ້ປະທ້ວງໄດ້ໃນຂະນະນີ້ ເນື່ອງຈາກເປັນລັດຖະບານຮັກສາການ ຫຼັງການຫຼົ້ມສະຫຼາຍຂອງລັດຖະບານປະສົມເມື່ອທ້າຍປີ ທີ່ຜ່ານມາ.

ในภาพอาจจะมี 1 คน, สถานที่ในร่ม

ການປະທ້ວງສົ່ງຜົນກະທົບຕໍ່ລະບົບຂົນສົ່ງສາທາລະນະທົ່ວປະເທດ ບໍ່ມີຖ້ຽວບິນໂດຍສານ ບິນຂຶ້ນຫຼື ລົງຈອດສະໜາມບິນທົ່ວປະເທດ ເມື່ອວັນພຸດ ເນື່ອງຈາກຫໍຄວບຄຸມການຈະລາຈອນທາງອາກາດບໍ່ຮັບປະກັນຄວາມປອດໄພຈາກການປະຕິບັດໜ້າທີ່ຂອງພະນັກງານທີ່ມີຈຳນວນບໍ່ພຽງພໍ.

ในภาพอาจจะมี 1 คน, กำลังยืน, รองเท้า และสถานที่กลางแจ้ง

ສ່ວນບໍລິສັດການລົດໄຟແຫ່ງຊາດເບລຢ້ຽມ ຄາດວ່າ ຈະມີລົດໄຟໂດຍສານແລ່ນໃຫ້ບໍລິການທົ່ວປະເທດປະມານເຄິ່ງໜຶ່ງ ແຕ່ລົດໄຟຄວາມໄວສູງຂ້າມແດນໄປນະຄອນຫຼວງລອນດອນ ປະເທດອັງກິດ ແລະ ນະຄອນຫຼວງປາຣີສ ປະເທດຝຣັ່ງ ສ່ວນຫຼາຍຈະບໍ່ໄດ້ຮັບຜົນກະທົບ.