ອຸດົມໄຊທຳລາຍຊິ້ນສ່ວນສັດປ່າທີ່ຍຶດໄດ້ ກວ່າ 100 ກິໂລ

296

ບັນຫາການລ່າສັດປ່າທີ່ຫວງຫ້າມນຳມາຈຳໜ່າຍ ຫຼື ສົ່ງອອກຂາຍຕ່າງປະເທດ ທີ່ເກີດຂຶ້ນຢູ່ບ້ານເຮົາຍັງເປັນສິ່ງທ້າທາຍໜຶ່ງທີ່ທຸກຄົນຕ້ອງເປັນເຈົ້າການໃນການປົກປັກຮັກສາ ແລະ ຊ່ວຍກັນອະທິບາຍຕໍ່ປະຊາຊົນທີ່ຍັງບໍ່ທັນເຂົ້າໃຈ ຖ້າລະເມີດສຸດທ້າຍກໍ່ຖືກຈັບມາດຳເນີນຄະດີ ແລະ ປັບໃໝຕາມລະບຽບກົດໝາຍ.

ในภาพอาจจะมี 1 คน, ไฟ และสถานที่กลางแจ้ง

ຫຼ້າສຸດ, ວັນທີ 12 ກຸມພາ 2019 ຜ່ານມາ, ທີ່ພະແນກກະສິກໍາ ແລະ ປ່າໄມ້ ແຂວງອຸດົມໄຊ ໄດ້ມີພິທີ ທໍາລາຍຊິ້ນສ່ວນ ແລະ ຊາກສັດປ່າ ທີ່ຍຶດໄດ້ຈໍານວນ 156,1 ກິໂລ ທີ່ຖືກເຈົ້າໜ້າທີ່ກອງກວດກາປ່າໄມ້ແຂວງຍຶດໄດ້ ຈາກການລົງກວດກາຕາມຕະຫຼາດທ້ອງຖິ່ນ ແລະ ທີ່ນໍາມາວາງຂາຍຕາມແຄມທາງ ພາຍໃນແຂວງ.

ในภาพอาจจะมี สถานที่กลางแจ้ง

ການເຂົ້າຮ່ວມທຳລາຍຊາກ ແລະ ຊິ້ນສ່ວນສັດປ່າໃນຄັ້ນນີ້, ມີຕາງໜ້າຈາກກົມກວດກາປ່າໄມ້, ພະແນກ ແລະ ກອງກວດກາປ່າໄມ້ແຂວງ ພ້ອມໜ່ວຍງານອື່ນໆທີ່ກ່ຽວຂ້ອງຂັ້ນແຂວງເຂົ້າຮ່ວມ.
ສຳລັບຊາກ ແລະ ຊິ້ນສ່ວນສັດປ່າທີ່ຍຶດ ແລະ ນໍາມາທໍາລາຍໃນຄັ້ງນີ້ ປະກອບມີສັດປ່າປະເພດຫວງຫ້າມ ບັນຊີ 1, ປະເພດຄຸ້ມຄອງ ບັນຊີ 2 ແລະ ປະເພດທົ່ວໄປ ບັນຊີ 3. ສ່ວນຜູ້ກະທໍາຜິດແມ່ນມີການເຮັດບົດບັນທຶກ ແລະ ປັບໃໝ ຕາມລະບຽບກົດໝາຍໃນຂັ້ນຕໍ່ໄປ.

ຂໍ້ມູນ: WWF-Laos