ຍທຂ ຈະໃຊ້ງົບສ້ອມແປງທາງຫຼາຍເຖິງ 600 ຕື້ກວ່າກີບ

356

ນັບແຕ່ຕົ້ນເດືອນມັງກອນ 2019 ເປັນຕົ້ນມາ ເຖິງປັດຈຸບັນຫຼາຍແຂວງໄດ້ເລີ່ມລົງມືກໍ່ສ້າງສ້ອມແປງທາງທີ່ເປ່ເພຢ່າງຕັ້ງໜ້າ ເຊິ່ງບາງຈຸດກໍສໍາເລັດແລ້ວ ແລະ ບາງບ່ອນກໍຍັງສືບຕໍ່ຈັດຕັ້ງປະຕິບັດຢູ່ ພາຍຫຼັງທີ່ໄດ້ຮັບຜົນກະທົບຈາກໄພພິບັດໃນລະດູຝົນຜ່ານມາ. ສໍາລັບປີນີ້ ກົມຂົວທາງໄດ້ສົມທົບກັບໂຄງການສ້ອມແປງທາງຫຼວງແຫ່ງຊາດ, ພະແນກ ຍທຂ ແຂວງ, ນະຄອນຫຼວງ ໂດຍໄດ້ຄັດຈ້ອນເອົາບຸລິມະສິດ ທີ 1 ແລະ 2 ເຂົ້າກັນ ພ້ອມກັບໄດ້ປັບປຸງໜ້າວຽກ ແລະ ລາຄາຫົວໜ່ວຍຄືນໃນຈໍານວນ 120 ສັນຍາ ທີ່ຂຶ້ນກັບ 25 ໂຄງການ ຄິດເປັນມູນຄ່າທັງໝົດ 638,08 ຕື້ກີບ.

ในภาพอาจจะมี ท้องฟ้า, ต้นไม้ และสถานที่กลางแจ้ง

ກ່ອນໜ້ານັ້ນ, ທ່ານ ລິດຕາ ຂັດຕະຍະ ຮອງຫົວໜ້າກົມຂົວທາງ ກະຊວງໂຍທາທິການ ແລະ ຂົນສົ່ງ ໄດ້ກ່າວວ່າ: ຕາມການຕີລາຄາສະພາບການເປ່ເພຂອງທາງ ແລະ ການຂຶ້ນແຜນສ້ອມແປງແມ່ນໄດ້ປະຕິບັດຕາມຄູ່ມືສ້ອມແປງທາງ ເຊິ່ງໄດ້ພິຈາລະນາໃນ 3 ບຸລິມະສິດດັ່ງທີ່ເຄີຍໄດ້ປະຕິບັດມາໃນປີ 2018 ໂດຍການຢັ້ງຢືນຈາກພະແນກ ຍທຂ ແຕ່ລະແຂວງ ລວມທັງໝົດ 148 ສັນຍາ ຂຶ້ນກັບ 25 ໂຄງການ ເຊິ່ງມູນຄ່າຄວາມຕ້ອງການຕາມບຸລິມະສິດ ຄື: ບຸລິມະສິດທີໜຶ່ງ 869 ຕື້ກີບ; ບຸລິມະສິດທີສອງ 251 ຕື້ກີບ ແລະ ບຸລິມະສິດທີສາມ 93 ຕື້ກີບ ລວມເປັນມູນຄ່າ 1.214 ຕື້ກວ່າກີບ.

ในภาพอาจจะมี ท้องฟ้า, ต้นไม้ และสถานที่กลางแจ้ง

ທ່ານກ່າວຕື່ມວ່າ: ສໍາລັບການຂຶ້ນແຜນສ້ອມແປງທາງຫຼວງແຫ່ງຊາດ ປະຈຳປີ 2019, ກົມຂົວທາງໄດ້ແຈ້ງໃຫ້ໂຄງການສ້ອມແປງທາງຫຼວງແຫ່ງຊາດດຳເນີນການສຳຫຼວດ, ເກັບກຳສະພາບ ແລະ ບໍລິມາດການເປ່ເພຕົວຈິງຂອງເສັ້ນທາງ ແລະ ປະເມີນລາຄາ ເພື່ອຂຶ້ນແຜນສ້ອມແປງ ໂດຍຄັດຈ້ອນເອົາບຸລິມະສິດທີ 1 ແລະ 2 ປະສົມປະສານກັນ ໂດຍຜ່ານສົມທົບກັນລະຫວ່າງກົມຂົວທາງ, ໂຄງການສ້ອມແປງທາງຫຼວງແຫ່ງຊາດ ແລະ ພະແນກ ຍທຂ ແຂວງ, ນະຄອນຫຼວງ. ໃນນີ້, ມີມູນຄ່າທັງໜົດ 638,08 ຕື້ກີບ ໃນຈຳນວນ 120ສັນຍາ ທີ່ຂຶ້ນກັບ 25 ໂຄງການ.

ในภาพอาจจะมี ท้องฟ้า, ต้นไม้, บ้าน, เมฆ และสถานที่กลางแจ้ง

ກອງປະຊຸມສະໄໝສາມັນ ເທື່ອທີ 6 ຂອງສະພາແຫ່ງຊາດຊຸດທີ VIII ໃນວັນທີ 28 ພະຈິກ 2018, ທ່ານ ບຸນຈັນ ສິນທະວົງ ລັດຖະມົນຕີ ກະຊວງໂຍທາທິການ ແລະ ຂົນສົ່ງ ໄດ້ອະທິບາຍກ່ຽວກັບສະພາບການກໍ່ສ້າງ ແລະ ສ້ອມແປງທາງໃນໄລຍະຜ່ານມາ ວ່າ: ພາຍຫຼັງໄດ້ຮັບການຊີ້ນຳຈາກລັດຖະບານຕາມຄຳສັ່ງເລກທີ 09/ນຍ ລົງວັນທີ 15 ກັນຍາ 2017 ກະຊວງ ຍທຂ ໄດ້ດຳເນີນການກວດກາ ໂດຍເລີ່ມຈາກການຈັດຕັ້ງກວດກາແບບແຕ້ມເຕັກນິກ ແລະ ມູນຄ່າການກໍ່ສ້າງສ້ອມແປງຂົວທາງຈຳນວນໜຶ່ງທີ່ທ້ອງຖິ່ນສະເໜີໃຫ້ກະຊວງກວດກາຄືນໃນປີ 2017 ທີ່ຜ່ານມາ ພົບເຫັນໂຄງການທີ່ມີມູນຄ່າສູງ ທັງໝົດ 18 ໂຄງການ ເຊິ່ງສາມາດປະຢັດງົບປະມານຂອງລັດໄດ້ລວມເປັນເງິນປະມານ 1.616 ຕື້ກີບ ແລະ ໃນສົກປີ 2018 ຮອດທ້າຍເດືອນຕຸລາ 2018 ມີທັງໝົດ 12 ໂຄງການ, ສາມາດປະຢັດງົບປະມານຂອງລັດໄດ້ຕື່ມຈຳນວນ 1.943 ຕື້ກີບ ລວມທັງໝົດ 3.560 ຕື້ກີບ ຫຼື 418 ລ້ານໂດລາສະຫະລັດ.

ในภาพอาจจะมี หนึ่งคนขึ้นไป และสถานที่กลางแจ้ง

ທ່ານກ່າວຕື່ມວ່າ: ໃນປີ 2018 ມີ ຄວາມຕ້ອງການກໍ່ສ້າງຕາຝັ່ງເຈື່ອນແມ່ນໍ້າຂອງ ແລະ ແມ່ນໍ້າຊາຍແດນທັງໝົດ 128,93 ກິໂລແມັດ ເປັນມູນຄ່າທັງໝົດ 2.079 ຕື້ກີບ. ໃນນີ້, ໄດ້ຈັດລຽງບຸລິມະສິດເພື່ອແກ້ໄຂດ່ວນໃນປີ 2019 – 2020 ມີ 3 ບຸລິມະສິດ ດັ່ງນີ້: ບຸລິມະສິດທີ 1 ມີຄວາມຍາວ 3,38 ກິໂລແມັດ ມູນຄ່າທັງໝົດ 78,57 ຕື້ກີບ; ບຸລິມະສິດທີ 2 ມີຄວາມຍາວ 5,10 ກິໂລແມັດ ມູນຄ່າທັງໝົດ 138,50 ຕື້ກີບ ແລະ ບຸລິມະສິດທີ 3 ມີຄວາມຍາວ 5,95 ກິໂລແມັດ ມູນຄ່າທັງໝົດ 208,16 ຕື້ກີບ. ສໍາລັບຈໍານວນທີ່ຍັງເຫຼືອຈະໄດ້ສະເໜີເອົາເຂົ້າແຜນໃນປີ 2021 – 2025 ຕໍ່ໄປ.

ในภาพอาจจะมี ท้องฟ้า, ต้นไม้, สนามบาสเก็ตบอล, จักรยาน, สถานที่กลางแจ้ง และธรรมชาติ

ຂໍ້ມູນຈາກກອງປະຊຸມຄະນະພັກກະຊວງໂຍທາທິການ ແລະ ຂົນສົ່ງ ໃນວັນທີ 7 – 8 ກໍລະກົດ 2016 ຜ່ານມາ ຍັງເປີດເຜີຍວ່າ: ໃນປີ 2016 ຍທຂ ໄດ້ຮັບອະນຸມັດນໍາໃຊ້ງົບປະມານບ້ວງກອງທຶນທາງ ຈໍານວນ 400 ຕື້ກີບ ເພື່ອນໍາໃຊ້ເຂົ້າໃນການຈັດຕັ້ງປະຕິບັດ 658 ໂຄງການ ຄື: ວຽກງານບູລະນະຮັກສາ ແລະ ສ້ອມແປງຂົວທາງ ຈໍານວນ 528 ໂຄງການ. ໃນນີ້, ລວມເອົາທາງຫຼວງແຫ່ງຊາດ 465 ໂຄງການ ແລະ ທາງຫຼວງທ້ອງຖິ່ນ 63 ໂຄງການ ເຊິ່ງບັນດາໂຄງການເຫຼົ່ານີ້ລ້ວນແຕ່ໄດ້ຈັດຕັ້ງປະຕິບັດສໍາເລັດ. ສໍາລັບວຽກງານກໍ່ສ້າງຍົກລະດັບເສັ້ນທາງຈໍານວນ 30 ໂຄງການ. ໃນນີ້, ລວມເອົາໂຄງການທີ່ປະຕິບັດວຽກສໍາເລັດ 100% ກ່ອນເດືອນ 12 ປີ 2015 ຈໍານວນ 16 ໂຄງການ ແລະ ໂຄງການທີ່ກຳລັງປະຕິບັດວຽກຢູ່ 14 ໂຄງການ ແລະ ຜ່ານການຈັດຕັ້ງປະຕິບັດໃນຜ່ານມາທຸກໂຄງການມີຄວາມຄືບໜ້າຕາມແຜນການທີ່ວາງໄວ້.

CR:Laoedaily