ອີຢູ ເລິ່ມຂັ້ນຕອນກັກສິດທິພິເສດທາງການຄ້າຂອງກໍາປູເຈຍ

331

ສະຫະພາບເອີຣົບ ເລິ່ມຂະບວນການ 18 ເດືອນ ທີ່ອາດຈະນໍາໄປສູ່ການອອກມາດຕະການຂວໍ້າບາດທາງການຄ້າຕໍ່ກໍາປູເຈຍຈາກຄວາມຂັດແຍ່ງເລື່ອງສະຖານະການທາງການເມືອງ ແລະ ສິດທິມະນຸດສະທຳ.

ສໍານັກຂ່າວຕ່າງປະເທດລາຍງານຈາກນະຄອນຫຼວງບຣັສເຊລສ໌ ປະເທດເບລຢ້ຽມ ເມື່ອວັນອັງຄານ ທີ 12 ກຸມພາ ວ່າ ຄະນະກໍາມະທິການເອີຣົບ (EC: European Commission) ເຊິ່ງເປັນຝ່າຍບໍລິຫານຂອງສະຫະພາບເອີຣົບ (EU: European Union) ອອກຖະແຫຼງການ ເມື່ອວັນຈັນກ່ຽວກັບການເລິ່ມຂະບວນການພິຈາລະນາຄວາມຮ່ວມມືທາງການຄ້າກັບກໍາປູເຈຍທີ່ອາດຈະນໍາໄປສູ່ການຖອນສິດທິຜົນປະໂຫຍດທາງການຄ້າກັບກຳປູເຈຍ ໃນການເຂົ້າເຖິງລະບົບຕະຫຼາດດຽວ ຂອງສະຫະພາບ ເຊິ່ງມອບໃຫ້ແກ່ “Least Developed Countries: LLDGs” ເພື່ອຊ່ວຍກະຕຸ້ນເສດຖະກິດຂອງກຸ່ມປະເທດເຫຼົ່ານີ້ ແຕ່ໂຄຕ້ານັ້ນໃຫ້ຍົກເວັ້ນສິນຄ້າຈຳພວກອາວຸດຍຸດໂທປະກອນ (Everything but Arms: EBA).

ຂະນະດຽວກັນ ລາຍງານຂອງ ອີຊີ ລະບຸດ້ວຍວ່າ ຂະບວນການດັ່ງກ່າວ ເລິ່ມຕົ້ນຕັ້ງແຕ່ວັນອັງຄານ ທີ 12 ກຸມພາ ແລະ ມີກໍາໜົດໄລຍະເວລາ 18 ເດືອນ ໝາຍຄວາມວ່າຈະສິ້ນສຸດພາຍໃນເດືອນສິງຫາ 2019  ຂະນະທີ່ສະພາຫໍການຄ້າເອີຣົບ ປະຈໍາກໍາປູເຈຍ ເຊິ່ງຖືເປັນຕົວແທນຂອງຜູ້ປະກອບການຈາກເອີຣົບທັງໝົດໃນປະເທດກໍາປູເຈຍ ໄດ້ອອກຖະແຫຼງການວ່າ ຄວາມເຄື່ອນໄຫວດັ່ງກ່າວແມ່ນເພື່ອລົບລ້າງ “ການເອົາປຽບທາງການຄ້າ” ທີ່ຈະເປັນສາເຫດນໍາໄປສູ່ການຫຼຸດອັດຕາຄວາມທຸກຍາກ ໃນກໍາປູເຈຍ ແລະ ເຕືອນລັດຖະບານນະຄອນຫຼວງພະນົມເປນວ່າ ການເຈລະຈາຄືທາງອອກທີ່ເໝາະສົມທີ່ສຸດ.

ในภาพอาจจะมี หนึ่งคนขึ้นไป และผู้คนกำลังนั่ง

ທັງນີ້ ຕະຫຼອດໄລຍະເວລາ ທີ່ຜ່ານມາ ກໍາປູເຈຍເປັນປະເທດທີ່ໄດ້ຮັບສິດທິພິເສດຈາກໂຄງການດັ່ງກ່າວຂອງ ອີຢູ ຫຼາຍທີ່ສຸດເປັນອັນດັບ 2 ຮອງຈາກປະເທດບັງກລາເທດ ປັດຈຸບັນ ອີຢູ ຖືເປັນຄູ່ຄ້າລາຍໃຫຍ່ທີ່ສຸດຂອງປະເທດກໍາປູເຈຍ ເຊິ່ງຮັບຊື້ສິນຄ້າດ້ວຍຫຼາກຫຼາຍປະເພດ ຫຼາຍເຖິງ 45% ຈາກປະລິມານການສົ່ງອອກສິນຄ້າທັງໝົດ ສະເພາະເມື່ອປີຜ່ານມາ ໂດຍສິນຄ້າທີ່ ອີຢູ ນໍາເຂົ້າຈາກກໍາປູເຈຍສ່ວນຫຼາຍເປັນຜະລິດພັນກ່ຽວກັບ ເຄື່ອງນຸ່ງຫົ່ມສຳເລັດຮູບ ຫຼື ເກີບ ດ້ວຍມູນຄ່າປະມານ 4.900 ລ້ານເອີໂຣ ເມື່ອປີຜ່ານມາ (ກວ່າ 47.300 ຕື້ກີບ) ເຊິ່ງອາດຈະສົ່ງຜົນກະທົບຕໍ່ແຮງງານໃນອຸດສາຫະກໍາ ຫຼາຍກວ່າ 700.000 ຄົນ.