ອຄ ປັບຫຼຸດລາຄານ້ຳມັນແອັດຊັງ ຂຶ້ນລາຄາກາຊວນ ເລິ່ມ 6 ໂມງເຊົ້າ 12 ກຸມພາ 2019

392

ກະຊວງອຸດສາຫະກຳແລະການຄ້າ ໄດ້ປະກາດປັບລາຄານໍ້າມັນເຊື້ອໄຟໃນຂອບເຂດທົ່ວປະເທດ ເລີ່ມຈັດຕັ້ງປະຕິບັດນັບແຕ່ເວລາ 6:00 ໂມງ ຂອງວັນທີ 12 ກຸມພາ 2019 ນີ້ ຕາມແຈ້ງການເລກທີ 0126/ອຄ.ກຄພນ.

ການປັບລາຄາໃຫມ່ຄັ້ງນີ້ແມ່ນໄດ້ຫຼຸດລາຄານໍ້າມັນແອັດຊັງພິເສດລົງ 360 ກີບ ຕໍ່ລິດ ແລະ ນໍ້າມັນແອັດຊັງທຳມະດາ 180 ກີບ ຕໍ່ລິດ, ສ່ວນນໍ້າມັນກາຊວນປັບຂຶ້ນ 240 ກີບຕໍ່ລີດ. ເພີ່ມຄັງແຮງນໍ້າມັນແອັດຊັງພິເສດຂຶ້ນ 400 ກີບ ຕໍ່ລິດ, ເພີ່ມຄັງແຮແອັດຊັງທຳມະດາຂຶ້ນ 200 ກີບ ຕໍ່ລິດ ແລະຫຼຸດຄັງແຮນໍ້າມັນກາຊວນລົງ 50 ກີບ ຕໍ່ລິດ; ເພີ່ມກຳໄລຂາຍຍົກ ແລະບໍລິການປໍ້ານໍ້າມັນເຊື້ອໄຟ ນໍ້າມັນແອັດຊັງພິເສດ ແລະແອັດຊັງທຳມະດາ 10 ກີບ ຕໍ່ລິດ.