ກ້າວໄປໄກ! ຈີນສຳເລັດການທົດລອງລະບົບລົດໄຟບໍ່ມີລາງ ໃນສະພາບອາກາດໜາວ

808

ຕ້ອງຍອມຮັບເລີຍ ຍຸກເທັກໂນໂລຢີ ທົດສະວັດນີ້ ຈີນຈັດເຕັມ ຫຼ້າສຸດ ການທົດລອງ “ລົດໄຟບໍ່ມີລາງ” ໃນສະພາບອາກາດອັນໜາວເຢັນ ທີ່ນະຄອນຮາບິນ ມົນທົນເຮີຍຫຼົງຈຽງ ທາງຕາເວັນອອກສຽງເໜືອຂອງປະເທດຈີນ ຜ່ານລຸລ່ວງ.

ເມື່ອວັນເສົາ ທີ 9 ກຸມພາ ທີ່ຜ່ານມາ ສໍານັກຂ່າວ China Xinhua News ໄດ້ລາຍງານການທົດລອງລົດໄຟອັດສະລິຍະພະລັງງານໄຟຟ້າລຸ້ນໃໝ່ ລະຫວ່າງກາງສະພາບອາກາດອັນໜາວເຢັນ ລະດັບອຸນຫະພູມ -20 ອົງສາ ປະສົບຜົນສໍາເລັດ.

ในภาพอาจจะมี สถานที่กลางแจ้ง

ການທົດລອງດັ່ງກ່າວ ເປັນການກວດກາການເຮັດວຽກຂອງລະບົບລາງ ຄືກັບ (virtual track) ວ່າ ສາມາດເຮັດວຽກໃນສະພາບອາກາດທີ່ໜາວເຢັນຫຼາຍໄດ້ຢ່າງລຸລ່ວງ ຫຼື ບໍ່.

ໂດຍລະບົບລົດໄຟໄຮ້ລາງນີ້ ເປີດຕົວຄັ້ງທໍາອິດ ເມື່ອປີ 2018 ທີ່ຜ່ານມາ ພາຍໃຕ້ຊື່ລະບົບຂົນສົ່ງມວນຊົນຄວາມໄວເສັ້ນທາງລາງອັດໂນມັດ (Autonomous Rail Rapid Transit) ຫຼື ເອອາຣ໌ທີ (ART).

ไม่มีคำอธิบายรูปภาพ
ในภาพอาจจะมี หนึ่งคนขึ้นไป

ເຊິ່ງຈະເປັນການລວມຈຸດເດັ່ນຂອງລົດໂດຍສານປະຈໍາທາງ ກັບ ລົດໄຟ ເຂົ້າດ້ວຍກັນ ໂດຍຕົວລົດຈະສາມາດແລ່ນດ້ວຍລະບົບໄຮ້ຄົນຂັບໄປຕາມລາງ ຄືກັບ (virtual track) ທີ່ຢູ່ເທິງຖະໜົນແທນລາງ ຫຼື ປຽບໄດ້ຄືລົດໄຟທີ່ແລ່ນເທິງພື້ນຖະໜົນຫົນທາງນັ້ນເອງ.

ລົດໄຟໄຮ້ລາງນີ້ ປະກອບດ້ວຍຕູ້ໂດຍສານ 3-5 ຕູ້ ເຊິ່ງຈະສາມາດຮອງຮັບຜູ້ໂດຍສານໄດ້ 300-500 ຄົນ ໂດຍຈະມີຄ່າໃຊ້ຈ່າຍໃນການຜະລິດ ແລະ ຕິດຕັ້ງຖືກກວ່າລົດໄຟແບບເກົ່າ ເຖິງ 1.000 ລ້ານຢວນ (ປະມານ 1.260 ຕື້ກີບ) ເມື່ອທຽບກັບໄລຍະທາງ 10 ກິໂລແມັດ.

CR: China Xiahua News