ໄອເອັມເອັຟ ເຕືອນປະເທດຕາເວັນອອກກາງແບກພາລະໜີ້ສິນມະຫາສານ

231

ກໍາມະການຜູ້ຈັດການ ໄອເອັມເອັຟ ເຕືອນບັນດາປະເທດຕາເວັນອອກກາງ ປະເຊີນບັນຫາໜີ້ຖ້ວມສູງ ລະດັບໜີ້ຍັງເພີ່ມຂຶ້ນຕໍ່ເນື່ອງຕັ້ງແຕ່ວິກິດການການເງິນໂລກເມື່ອ 10 ປີກ່ອນ.

ທ່ານ ນາງ ຄຣິດຕິນ ລາກາດ ກໍາມະການຜູ້ຈັດການກອງທຶນການເງິນສາກົນ ຫຼື ໄອເອັມເອັຟ ກ່າວໃນກອງປະຊຸມການເງິນຕາເວັນອອກກາງ ທີ່ນະຄອນດູໄບ ປະເທດສະຫະລັດອາຣັບ ເອເມເຣັດ ຫຼື ຢູເອອີ ເມື່ອບໍ່ດົນມານີ້ວ່າ: ຫຼາຍປະເທດໃນຕາເວັນອອກກາງ ມີໜີ້ສາທາລະນະເພີ່ມຂຶ້ນຢ່າງໄວວາມາຕັ້ງແຕ່ວິກິດການການເງິນໂລກ ເມື່ອປີ 2008 ເນື່ອງຈາກຂາດດຸນງົບປະມານມະຫາສານຢ່າງຕໍ່ເນື່ອງ.

ໂດຍລະດັບໜີ້ໃນກຸ່ມປະເທດສົ່ງອອກນໍ້າມັນໃນຕາເວັນອອກກາງ ເຊິ່ງລວມເຖິງ 6 ປະເທດສະມາຊິກສະພາຄວາມຮ່ວມມືຕາເວັນອອກກາງ ເພີ່ມຂຶ້ນຈາກ 64% ມາຢູ່ທີ່ 85% ຕໍ່ ຈີດີພີ ໃນໄລຍະ 10 ປີ ນັບຕັ້ງແຕ່ປີ 2008 ເປັນຕົ້ນມາ. ຂະນະທີ່ພາກພື້ນແຫ່ງນີ້ຍັງບໍ່ຟື້ນຕົວຢ່າງເຕັມທີ່ຈາກວິກິດການການເງິນໂລກຄັ້ງກ່ອນ.