ທ່ານ ຮອງນາຍົກລົງພື້ນທີ່ສະໜາມໄຊ ເລັ່ງໃຫ້ບຸກເບີກພື້ນທີ່ການຜະລິດ

332

ກໍລະນີສັນເຂື່ອນເຊປຽນ-ເຊນ້ຳນ້ອຍແຕກ ເປັນເຫດການຮ້າຍແຮງທີ່ກະທົບທົ່ວລະບົບບໍ່ວ່າຈະເປັນພື້ນຖານໂຄງລ່າງ, ເຮືອນຊານ ແລະ ພື້ນຖານການຜະລິດຂອງປະຊາຊົນ ເຊິ່ງເຫດການທີ່ເກີດຂຶ້ນລັດຖະບານແມ່ນມີຄວາມເອົາໃຈໃສ່ເປັນພິເສດ ນັບແຕ່ການສ້າງທີ່ພັກອາໄສ ແລະ ຟື້ນຟູການດຳລົງຊີວິດຂອງປະຊາຊົນໃຫ້ກັບຄືນສູ່ສະພາບປົກກະຕິໂດຍໄວ.

ในภาพอาจจะมี เมฆ, ท้องฟ้า, ต้นไม้, สถานที่กลางแจ้ง และธรรมชาติ

ເພື່ອເລັ່ງທວງບັນດາຂະບວນການແກ້ໄຂ ແລະ ຟື້ນຟູເຂດປະສົບໄພຢູ່ເມືອງສະໜາມໄຊ ໃຫ້ສຳເລັດໂດຍໄວ ໃນວັນທີ 7 ກຸມພາ 2019 ຜ່ານມາ, ທ່ານ ສອນໄຊ ສີພັນດອນ, ຮອງນາຍົກລັດຖະມົນຕີ ປະທານຄະນະກຳມະການສະເພາະກິດ ແກ້ໄຂໄພພິບັດລະດັບຊາດ ພ້ອມດ້ວຍຄະນະ ໄດ້ລົງຊຸກຍູ້ໃຫ້ຄະນະກຳມະການແກ້ໄຂໄພພິບັດແຂວງ ອັດຕະປື ເພື່ອສືບຕໍ່ເລັ່ງຈັດສັນເນື້ອທີ່ທຳການຜະລິດກະສິກຳໃຫ້ທ່ວງທັນກັບລະດູການໃນປີນີ້.

ในภาพอาจจะมี 4 คน, คนที่ยิ้ม, ผู้คนกำลังยืน

ໃນການລົງໄປຕິດຕາມ, ກວດກາ ການຈັດສັນພື້ນທີ່ທຳການຜະລິດໃຫ້ປະຊາຊົນໃນຄັ້ງນີ້, ທ່ານ ຮອງນາຍົກ ກໍ່ໄດ້ມີໂອກາດຢ້ຽມຢາມພົບກັບປະຊາຊົນຢ່າງໃກ້ຊິດໃນພື້ນທີ່ຕົວຈິງທີ່ສູນພັກຊົ່ວຄາວ ເຊັ່ນ: ຈຸດຕໍມໍຢອດ, ຈຸດປິນດົງ ແລະ ຈຸດອື່ນໆ ເພື່ອຢ້ຽມຢາມຖາມຂ່າວການດຳລົງຊີວິດຂອງປະຊາຊົນ ພ້ອມຮັບຊາບຂໍ້ຫຍຸ້ງຍາກທີ່ຕ້ອງເລັ່ງແກ້ໄຂ.

ในภาพอาจจะมี 1 คน, กำลังยืน

ໃນໂອກາດນີ້ ທ່ານ ນາງ ວິໄລພອນ ວໍລະພິມ ຫົວໜ້າພະແນກກະສິກຳ-ປ່າໄມ້ແຂວງ ໄດ້ກ່າວຕໍ່ຜູ້ສື່ຂ່າວອັດຕະປື ໂດຍໃຫ້ຮູ້ວ່າ: ເພື່ອຊ່ວຍເຫຼືອປະຊາຊົນຜູ້ປະສົບເຄາະຮ້າຍທີ່ອາໄສຢູ່ສູນພັກຊົ່ວຄາວ ສາມາດດຳລົງຊີວິດເປັນປົກກະຕິໃນລະດັບພື້ນຖານນີ້ ທາງອົງການຈັດຕັ້ງຂອງແຂວງ ໂດຍສົມທົບກັບເມືອງ ແມ່ນໄດ້ຈັດສັນເນື້ອທີ່ທຳການຜະລິດຮອງຮັບໃຫ້ປະຊາຊົນແລ້ວຈຳນວນ 2.140 ເຮັກຕາ, ມາຮອດປັດຈຸບັນບຸກເບີກໄດ້ 424 ເຮັກຕາ ແລະ ຄາດວ່າຈະໃຫ້ສຳເລັດທັນໃນລະດູການຜະລິດປີນີ້ ໃນທາງທີ່ເປັນໄປໄດ້ຕາມຈິດໃຈທີ່ທ່ານຮອງນາຍົກຊີ້ນຳ.

ในภาพอาจจะมี 4 คน, คนที่ยิ้ม, ผู้คนกำลังยืน และสถานที่กลางแจ้ง