ຮາວາຍ ຈະອອກກົດໝາຍອາຍຸຂັ້ນຕ່ຳຂອງຜູ້ສູບຢາ ເປັນອາຍຸ 100 ປີ ໃນປີ 2024

330

ສະມາຊິກສະພາລັດຮາວາຍ ສະເໜີຮ່າງກົດໝາຍສະບັບໃໝ່ ທີ່ຕ້ອງການຫ້າມຂາຍຢາຍູບໃຫ້ແກ່ໃຜກໍ່ຕາມທີ່ມີອາຍຸຕ່ຳກວ່າ 100 ປີ ເຊິ່ງຈະເທົ່າກັບວ່າຫ້າມມີການສູບຢາທຸກຢ່າງໃນເຂດລັດ ພາຍໃນປີ 2024.

ສໍານັກຂ່າວເອເອັຟພີລາຍງານຈາກນະຄອນລອສແອນເຈລິສ ປະເທດສະຫະລັດ ອາເມຣິກາ ເມື່ອວັນອັງຄານ ທີ 5 ກຸມພາ ວ່າ ຮ່າງກົດໝາຍສະເໜີໂດຍ ທ່ານ ຣິຊາດ ຄຣີແກນ ສະມາຊິກສະພາລັດຮາວາຍ ໃນສັງກັດພັກເດໂມແຄຣັດ ຈະເທົ່າກັບເປັນການຫ້າມສູບຢາທຸກໄວອາຍຸໃນເຂດລັດ ໂດຍອັດຕະໂນມັດ ພາຍໃນປີ 2024.

ในภาพอาจจะมี อาหาร

ອາວາຍ ເປັນລັດທີ່ມີກົດໝາຍກ່ຽວກັບການຈຳໜ່າຍຢາສູບ ເຂັ້ມງວດທີ່ສຸດໃນປະເທດຢູ່ແລ້ວ ແຕ່ທ່ານ ຄຣີແກນ ອະດິດແພດປະຈຳຫ້ອງສຸກເສີນ ເຊື່ອວ່າ ຕ້ອງມີກົດໝາຍທີ່ເຂັ້ມງວດຫຼາຍຂຶ້ນອີກ ເພື່ອຫ້າມ ສິນຄ້າທີ່ອັນຕະລາຍຮ້າຍແຮງຕໍ່ຊີວິດຫຼາຍທີ່ສຸດ ໃນປະຫວັດສາດຂອງມະນຸດ.

ພາຍໃຕ້ກົດໝາຍສະບັບປັດຈຸບັນຂອງລັດຮາວາຍ ປະຊາຊົນຕ້ອງມີອາຍຸຂັ້ນຕ່ຳ 21 ປີ ຈຶ່ງຈະສາມາດຊື້ຢາສູບໃນລັດຮາວາຍໄດ້ ສ່ວນເກນຂັ້ນຕ່ຳທົ່ວປະເທດອາເມຣິກາ ແມ່ນ 18 ຫຼື 19 ປີ.

ไม่มีคำอธิบายรูปภาพ

ຕາມຂໍ້ສະເໜີຂອງ ທ່ານ ຄຣີແກນ ຮຽກຮ້ອງໃຫ້ເພິ່ມອາຍຸຂັ້ນຕ່ຳທີ່ສາມາດຊື້ຢາສູບໄດ້ມີດັ່ງນີ້
ເພິ່ມອາຍຸຂັ້ນຕ່ຳເປັນ 30 ປີ ໃນປີ 2020;
ເພິ່ມອາຍຸຂັ້ນຕ່ຳເປັນ 40 ປີ ໃນປີ 2021;
ເພິ່ມອາຍຸຂັ້ນຕ່ຳເປັນ 50 ປີ ໃນປີ 2022;
ເພິ່ມອາຍຸຂັ້ນຕ່ຳເປັນ 60 ປີ ໃນປີ 2023
ແລະຈົນ ເຖິງປີ 2024 ແມ່ນເພິ່ມຂຶ້ນເປັນຢ່າງຕ່ຳອາຍຸ 100 ປີ ໂດຍທ່ານ ຄຣີແກນ ກ່າວວ່າ ຮ່າງກົດໝາຍທີ່ນໍາສະເໜີໄດ້ຂຽນປ້ອງກັນຄວາມທ້າທາຍທາງດ້ານກົດໝາຍໄວ້ໝົດທຸກຊ່ອງທາງແລ້ວ.

ຈາກຂໍ້ມູນຂອງສູນຄວບຄຸມ ແລະ ປ້ອງກັນໂຣກ (CDC: US Centers for Disease Control and Prevention) ອາເມຣິກາການສູບຢາເປັນສາເຫດຫຼັກຂອງການເກີດໂຣກ ແລະ ການເສຍຊີວິດທີ່ສາມາດປ້ອງກັນໄດ້ໃນອາເມຣິກາ ເຮັດໃຫ້ມີຜູ້ເສຍຊີວິດໂດຍສະເລ່ຍ ເກືອບ 500.000 ຄົນ ໃນແຕ່ລະປີ.