ເຟສບຸ໊ກ ແບນ 4 ເພຈ໌ ກຸ່ມຕິດອາວຸດມຽນມາ ຂະນະທີ່ ຈູລີ ລົງຢ້ຽມຢາມກຸ່ມໂລຮີນຈາ

275

ເຟສບຸ໊ກ ປິດການນຳໃຊ້ເພຈ໌ຂອງກອງກໍາລັງຊາດພັນໃນມຽນມາ 4 ກຸ່ມ ຂະນະທີ່ ດາລາສາວ ແອັງເຈລິນາ ໂຈລີ ໃນຖານະທູດພິເສດຂອງ ຢູເອັນເອຈ໌ຊີອາ ລົງພື້ນທີ່ໃນຄ້າຍຜູ້ລີ້ໄພຊາວໂລຮີນຈາ ໃນປະເທດບັງກລາເທດ.

ສໍານັກຂ່າວຕ່າງປະເທດລາຍງານຈາກເມືອງຢາງກຸ້ງ ປະເທດມຽນມາ ເມື່ອວັນພຸດ ທີ 6 ກຸມ ວ່າ ເຟສບຸ໊ກປະກາດເມື່ອວັນອັງຄານ ເລື່ອງການປິດການເຜີຍແຜ່ເພຈ໌ຂອງກຸ່ມຕິດອາວຸດຊາດພັນ 4 ກຸ່ມ ເຊິ່ງກໍາລັງສູ້ຮົບກັບກອງທັບມຽນມາ ໄດ້ແກ່ກອງທັບອາຣະກັນ (AA), ກອງທັບພັນທະມິດປະຊາທິປະໄຕແຫ່ງຊາດມຽນມາ (MNDA), ກອງທັບກະສິ່ນອິດສະຫຼະ (KIA) ແລະ ກອງທັບປົດປ່ອຍແຫ່ງຊາດທ່າອ່າງ (TNLA) ໂດຍກອງກໍາລັງທັງ 4 ກຸ່ມ ເປັນກຸ່ມທີ່ຍັງບໍ່ໄດ້ລົງນາມໃນຂໍ້ຕົກລົງຢຸດຍິງຮ່ວມກັບລັດຖະບານຂອງນາງອັອງຊານ ຊູຈີ.

ในภาพอาจจะมี 1 คน, กำลังยืน และสถานที่กลางแจ้ง

ທັງນີ້ ໃນບັນດາເພຈ໌ຂອງທັງ 4 ກຸ່ມ ທີ່ຖືກເຟສບຸ໊ກແບນນັ້ນ ກຸ່ມເຄໄອເອ ຖືເປັນກອງກໍາລັງທີ່ແຂງແກ່ນທີ່ສຸດ ຂະນະທີ່ ກຸ່ມເອເອ ເຊິ່ງມີຖານທີ່ໝັ້ນຢູ່ໃນລັດຍະໄຂ່ສູ້ຮົບຢ່າງດຸເດືອດກັບກອງທັບມຽນມາ ຕັ້ງແຕ່ເດືອນທັນວາ ປີຜ່ານມາ ແລະ ກໍ່ເຫດໂຈມຕີໃສ່ຖານປະຈໍາການຂອງຕໍາຫຼວດໃນທ້ອງຖິ່ນ ເມື່ອວັນທີ 4 ມັງກອນ ຜ່ານມາ ສັງຫານເຈົ້າໜ້າທີ່ຢ່າງໜ້ອຍ 13 ຄົນ ແລະ ໄດ້ຮັບບາດເຈັບອີກ 9 ຄົນ ໂດຍເບື້ອງຕົ້ນຝ່າຍຄວາມໝັ້ນຄົງຂອງມຽນມາເຊື່ອວ່າ ເຖິງເປັນກອງກໍາລັງຕ່າງສາດສະໜາຈາກກອງທັບກອບກູ້ໂລຮີນຈາແຫ່ງອາຣະກັນ (ARSA) ທີ່ເປັນກອງກໍາລັງມຸດສະລິມ ແຕ່ກຸ່ມເອເອ ແລະ ອາຣ໌ຊາ ອາດຈະ “ມີຄວາມກ່ຽວຂ້ອງກັນບາງຢ່າງ” ເນື່ອງຈາກເນັ້ນການໂຈມຕີໃສ່ເຈົ້າໜ້າທີ່ລັດ.

ในภาพอาจจะมี 2 คน, ผู้คนกำลังยืน และภาพระยะใกล้

ໃນວັນດຽວກັນ ນາງ ແອັງເຈລິນາ ໂຈລີ ດາລາສາວທີ່ມີຊື່ສຽງ ເຊິ່ງເປັນທູດສັນທະໄມຕີຂອງສໍານັກງານຂ້າຫຼວງໃຫຍ່ຜູ້ລີ້ໄພແຫ່ງສະຫະປະຊາຊາດ (UNHCR: United Nations High Commissioner for Refugees) ລົງພື້ນທີ່ຄ່າຍຜູ້ລີ້ໄພຊາວໂລຮີນຈາ ທີ່ເມືອງຄັອກ ບາຊາ ທາງຕາເວັນອອກສຽງໃຕ້ ຂອງປະເທດບັງກລາເທດ ໂດຍດາລາສາວໄດ້ຢ້ຳເຖິງ “ການມີຕົວຕົນ” ຂອງຊາວໂລຮີນຈາທີ່ໝາຍເຖິງການໄດ້ຮັບສະຖານະພົນລະເມືອງ ຈາກລັດຖະບານມຽນມາ ແລະ ຮຽກຮ້ອງໃຫ້ອີກຝ່າຍ “ເພິ່ມຄວາມຈິງໃຈ” ໃນການຮ່ວມມືກັບປະເທດບັງກລາເທດ ເພື່ອແກ້ໄຂວິກິດດ້ານມະນຸດສະທຳຄັ້ງນີ້ ໂດຍ ນາງ ໂຈລີ ອາຍຸ 43 ປີ ເຊິ່ງດຳລົງຕຳແໜ່ງທູດສັນທະໄມຕີຂອງ UNHCR ຕັ້ງແຕ່ປີ 2001 ກ່າວວ່າ ປະເທດບັງກລາເທດນັ້ນມີຊັບພະຍາກອນທີ່ຈຳກັດ ຈຶ່ງບໍ່ສາມາດແບກຮັບບັນຫານີ້ໄດ້ຝ່າຍດຽວ.

ດ້ານລັດຖະບານມຽນມາຍັງບໍ່ສະແດງທ່າທີຕໍ່ການຢ້ຽມຢາມປະເທດບັງກລາເທດຂອງ ນາງ ໂຈລີ ເຖິງວ່າດາລາສາວຜູ້ນີ້ຈະເຄີຍມາຢ້ຽມຢາມມຽນມາແລ້ວ ເມື່ອປີ 2015 ອີກປະການໜຶ່ງ ລັດຖະບານມຽນມາ ແລະ ບັງກລາເທດ ບັນລຸຂໍ້ຕົກລົງເລື່ອງການທະຍອຍສົ່ງກັບຜູ້ລີ້ໄພຊາວໂລຮີນຈາ ຈາກຄ້າຍທີ່ເມືອງຄັອກ ບາຊາ ຕັ້ງແຕ່ປີຜ່ານມາ ແຕ່ສຸດທ້າຍສະຫະປະຊາຊາດ (UN: United Nations) ຂໍໃຫ້ລະງັບໄປກ່ອນ ເນື່ອງຈາກ “ຄວາມບໍ່ພ້ອມ” ຂອງທັງສອງຝ່າຍ ແລະ ທາງການບັງກລາເທດ ຢືນຢັນວ່າ ຈະສົ່ງກັບຊາວໂລຮີນຈາທີ່ສະໝັກໃຈເທົ່ານັ້ນ.