ເຫດວາງລະເບີດລົດທີ່ຫ້າງສັບພະສິນຄ້າໂຊມາເລຍ ເສຍຊີວິດ 11 ຄົນ ເຈັບ 10

238

ຜູ້ກໍ່ເຫດວາງລະເບີດເຊື່ອງໃນລົດໃຫຍ່ໂຈມຕີຫ້າງສັບພະສິນຄ້າ ໃນນະຄອນຫຼວງໂມກາດິຊູ ປະເທດໂຊມາເລຍ ສົ່ງຜົນໃຫ້ມີຜູ້ເສຍຊີວິດ 11 ຄົນ ແລະ ບາດເຈັບ 10 ຄົນ ເຈົ້າໜ້າທີ່ຕໍາຫຼວດຄາດເປັນຝີມືຂອງກຸ່ມອັລ ຊາບັບ.

ສໍານັກຂ່າວຣອຍເຕີລາຍງານຈາກນະຄອນຫຼວງໂມກາດິຊູ ປະເທດໂຊມາເລຍ ເມື່ອວັນຈັນ ທີ 4 ກຸມພາ ວ່າ ເຈົ້າໜ້າທີ່ຕຳຫຼວດຂອງໂຊມາເລຍ ໂມຮໍາເໝັດ ຮຸສເຊນ ເປີດເຜີຍວ່າ ເກີດເຫດຄົນຮ້າຍລອບວາງລະເບີດທີ່ເຊື່ອງໃນລົດໃຫຍ່ຄັນໜຶ່ງ ເພື່ອໂຈມຕີເປົ້າໝາຍຄືຫ້າງສັບພະສິນຄ້າ ໃນເຂດຮາມາຣ໌ເວເນ ເຊິ່ງເປັນເຂດທີ່ແອອັດຂອງໂມກາດິຊູ ເມືອງຫຼວງຂອງປະເທດໂຊມາເລຍ ເພາະມີທັງຮ້ານຄ້າ ແລະ ຮ້ານອາຫານເມື່ອວັນຈັນ ທີ 4 ກຸມພາ ແຮງລະເບີດເຮັດໃຫ້ມີຜູ້ເສຍຊີວິດແລ້ວ 11 ສົບ ແລະ ບາດເຈັບ 10 ຄົນ ເປັນປະຊາຊົນທັງໝົດ.

ในภาพอาจจะมี หนึ่งคนขึ้นไป, ผู้คนกำลังนั่ง, รองเท้า และสถานที่กลางแจ้ง

ທາງນັກຂ່າວລາຍງານວ່າ ເຫັນສົບຜູ້ເສຍຊີວິດ 1 ສົບ ໃນພື້ນທີ່ເກີດເຫດ, ລົດໃຫຍ່ 4 ຄັນ ໄດ້ຮັບຄວາມເສຍຫາຍເຊັ່ນດຽວກັບຮ້ານອາຫານອີກໜຶ່ງຮ້ານ.

ຕໍາຫຼວດຄາດວ່າ ອາດເປັນຝີມືຂອງກຸ່ມກໍ່ການຮ້າຍອັລ ຊາບັບ ເຊິ່ງກໍ່ເຫດສົງຄາມດ້ວຍການຕິດລະເບີດໃນລົດໃຫຍ່ມາແລ້ວຫຼາຍຄັ້ງ ໃນນະຄອນຫຼວງໂມກາດິຊູ ລວມເຖິງຈຸດອື່ນໆ ທັງນີ້ ເພື່ອຫາທາງທີ່ຈະໂຄ່ນອໍານາດລັດຖະບານໂຊມາເລຍ ເຊິ່ງມີລັດຖະບານຂອງຊາດຕາເວັນຕົກໃຫ້ການສະໜັບສະໜຸນ.

ในภาพอาจจะมี หนึ่งคนขึ้นไป และฝูงชน

ນອກຈາກນັ້ນ ອັລ ຊາບັບ ຍັງເຄີຍກໍ່ເຫດຮ້າຍ ນອກ ໂຊມາເລຍ ມາແລ້ວ ໂດຍສະເພາະໃນປະເທດ ເຄນຢາ ເຊິ່ງການໂຈມຕີຫຼ້າສຸດຄືເມື່ອເດືອນມັງກອນ ຜ່ານມາ ທັງລະເບີດຂ້າຕົວຕາຍ ແລະ ໂຈມຕີດ້ວຍອາວຸດປືນທີ່ລະດົມຍິງໃສ່ອາຄານສໍານັກງານ ແລະ ໂຮງແຮມໃນນະຄອນຫຼວງໄນໂຣບີ ຂອງເຄນຢາສົ່ງຜົນໃຫ້ມີຜູ້ເສຍຊີວິດ 21 ຄົນ ເພາະ ອັລ ຊາບັບ ຕ້ອງການໃຫ້ເຄນຢາຖອນກໍາລັງທະຫານອອກຈາກໂຊມາເລຍ ເຊິ່ງເຄນຢາສົ່ງທະຫານເຂົ້າຮ່ວມປະຈໍາການ ໃນກອງກຳລັງຮັກສາສັນຕິພາບອາຟຣິກາ ເພື່ອຊ່ວຍປ້ອງກັນລັດຖະບານໂຊມາເລຍ.