ຜົນວິໄຈຊີ້ ຢາສູບໄຟຟ້າ ຊ່ວຍໃຫ້ເຊົ້າຢາສູບແທ້ໄດ້ດີ

248

ຜົນການສຶກສາວິໄຈຫຼ້າສຸດໃນປະເທດອັງກິດພົບວ່າ ຢາສູບໄຟຟ້າເຮັດໃຫ້ຄົນສາມາດເຊົາຢາສູບໄດ້ຫຼາຍກວ່າຜະລິດພັນທົດແທນນິໂຄຕິນເກືອບເທົ່າໂຕ ເພິ່ມຄວາມໝັ້ນໃຈແກ່ເຈົ້າໜ້າທີ່ດ້ານການແພດ ໃນການແນະນໍາຢາສູບໄຟຟ້າໃຫ້ກັບຜູ້ທີ່ຕ້ອງການເຊົາຢາສູບ.

ສໍານັກຂ່າວຣອຍເຕີລາຍງານຈາກນະຄອນຫຼວງລອນດອນ ປະເທດອັງກິດ ວ່າ ຜົນການສຶກສາວິໄຈກ່ຽວກັບຢາສູບໄຟຟ້າ ໃນປະເທດອັງກິດ ເຊິ່ງເປັນປະເທດທີ່ສະໜັບສະໜຸນການໃຊ້ຢາສູບໄຟຟ້າ ສຳລັບຜູ້ທີ່ຕ້ອງການເຊົາຢາສູບ ໄດ້ຖືກຕີພິມເຜີຍແຜ່ລົງໃນວາລະສານທາງການແພດ New England Journal of Medicine ເຫຼັ້ມຫຼ້າສຸດ ໂດຍຄະນະນັກວິໄຈຂອງມະຫາວິທະຍາໄລຄວີນ ແມຣີ່ ໃນນະຄອນຫຼວງລອນດອນ ພົບວ່າ ຢາສູບໄຟຟ້າເພິ່ມອັດຕາຄວາມສໍາເລັດໃນການເຊົາຢາສູບໄດ້ຫຼາຍກວ່າຜະລິດຕະພັນທົດແທນນິໂຄຕິນເກືອບເທົ່າຕົວ.

ในภาพอาจจะมี 1 คน, สูบบุหรี่

ນັກວິໄຈ ໄດ້ທົດລອງກັບຄົນໃນກຸ່ມເປົ້າໝາຍ 866 ຄົນ ເຊິ່ງເປັນກຸ່ມຄົນຕິດຢາສູບ ທີ່ໄດ້ເຂົ້າມາຮັບການບໍາບັດເພື່ອເຊົາຢາສູບກັບສູນບໍລິການເຊົາຢາສູບແຫ່ງຊາດ ໂດຍແບ່ງກຸ່ມອາສາສະໝັກອອກເປັນ 2 ກຸ່ມ ກຸ່ມທີໜຶ່ງໃຫ້ໃຊ້ຢາສູບໄຟຟ້າແທນການສູບຢາ ສ່ວນອີກກຸ່ມໜຶ່ງໃຫ້ໃຊ້ຜະລິດພັນທົດແທນນິໂຄຕິນ ເຊັ່ນ ຂະໜົມໝາກຝຣັ່ງຫຍ້ຳ (ຂະນົມຊິງໂກມ) ຫຼື ແຜ່ນຕິດນິໂຄຕິນ ແລະ ຕິດຕາມການປະພຶດໄລຍະການໃຊ້, ອາການຂ້າງຄຽງ ແລະ ການເຊົາສູບຢາ.

ไม่มีคำอธิบายรูปภาพ

ຈາກການຕິດຕາມຜົນ ໄລຍະ 1 ປີ ໂດຍການກວດຄ່າກາກໂບນິກໃນລົມຫາຍໃຈພົບວ່າ ກຸ່ມເປົ້າໝາຍທີ່ໃຊ້ຢາສູບໄຟຟ້າ 18% ສາມາດເຊົາຢາສູບໄດ້ ໃນຂະນະທີ່ກຸ່ມທີ່ໃຊ້ນິໂຄຕິນທົດແທນການເຊົາຢາສູບ ໄດ້ພຽງ 9,9% ເຊິ່ງສະຫຼຸບໄດ້ວ່າກຸ່ມທີ່ໃຊ້ຢາສູບໄຟຟ້າມີອັດຕາຄວາມສໍາເລັດໃນການເຊົາຢາສູບຫຼາຍກວ່າກຸ່ມທີ່ໃຊ້ນິໂຄຕິນທົດແທນໜຶ່ງເທົ່າຕົວ.

ในภาพอาจจะมี หนึ่งคนขึ้นไป

ລັດຖະບານອັງກິດສະໜັບສະໜຸນການໃຊ້ຢາສູບໄຟຟ້າເປັນເຄື່ອງມືເພື່ອການເຊົາຢາສູບມາໄລຍະໜຶ່ງແລ້ວ ແຕ່ຍັງມີແພດທີ່ໃຫ້ບໍລິການດ້ານການເຊົາຢາສູບຈໍານວນຫຼາຍທີ່ຍັງບໍ່ແນ່ໃຈກັບປະສິດທິພາບຂອງຢາສູບໄຟຟ້າ ເນື່ອງຈາກຍັງບໍ່ມີການວິໄຈໄລຍະຍາວຮອງຮັບ ເຊິ່ງການສຶກສາ ສະບັບຫຼ້າສຸດນີ້ ຈະຊ່ວຍຫຼຸດຄວາມກັງວົນໃນປະເດັນນີ້ໄດ້.