ກຽມຕົວໃຫ້ພ້ອມກ່ອນແລ່ນອອກກຳລັງກາຍ

261

ຄວນກວດສະພາບຮ່າງກາຍ ແລະ ຮຽນຮູ້ສັນຍານເຕືອນຈາກຮ່າງກາຍເພື່ອໃຫ້ການແລ່ນມີຄວາມມ່ວນຊື່ນ, ປອດໄພ ຫຼື ໄດ້ສຸຂະພາບທີ່ດີ.
ຂໍ້ຄວນປະຕິບັດກ່ອນອອກແລ່ນ:
– ປະເມີນຄວາມພ້ອມຂອງຮ່າງກາຍວ່າໄຫວ ຫຼື ບໍ່? ໂດຍໃຊ້ສູດງ່າຍໆ ຄື: ເລີ່ມຈາກໜ້ອຍໄປຫາຫຼາຍ, ເລີ່ມຈາກຊ້າໄປຫາໄວ, ເລີ່ມຈາກເບົາໄປຫາໜັກ.
– ກ່ອນຈະເລີ່ມແລ່ນ ຫຼື ອອກກຳລັງກາຍຕ້ອງອົບອຸ່ນຮ່າງກາຍດ້ວຍການຢືດແຂນ – ຂາເພື່ອໃຫ້ເລືອດສູບສີດໄຫຼວຽນໄປກ້າມຊີ້ນ ແລະ ສ່ວນຕ່າງໆຂອງຮ່າງກາຍ ( ຫ້າມແລ່ນ ຫຼື ອອກກຳລັງກາຍທັນທີໂດຍບໍ່ໄດ້ອົບອຸ່ນຮ່າງກາຍ ).

ในภาพอาจจะมี หนึ่งคนขึ้นไป, ผู้คนกำลังนั่ง, รองเท้า, กางเกง และสถานที่กลางแจ้ง


– ເລີ່ມຕົ້ນແລ່ນອອກກຳລັງກາຍຊ້າໆໃນໄລຍະ 15 – 20 ນາທີທຳອິດ ເພື່ອອຸ່ນເຄື່ອງຫົວໃຈແລ້ວຈຶ່ງເລີ່ມຕົ້ນແຮງຂຶ້ນເທື່ອລະໜ້ອຍໂດຍບໍ່ຫັກໂຫມຫຼາຍ.
– ຖ້າເມື່ອຍກໍ່ໃຫ້ຜ່ອນຄວາມໄວລົງ ເພື່ອໃຫ້ອາການເມື່ອຍຄ່ອຍໆຫຼຸດລົງ, ບໍ່ຄວນຢຸດກະທັນຫັນ ເພາະຫົວໃຈຈະປັບຕົວບໍ່ທັນ ແລະ ອາດເປັນອັນຕະລາຍໄດ້.
– ກ່ອນຈະຢຸດແລ່ນ ຫຼື ຢຸດອອກກຳລັງກາຍ ໃຫ້ຜ່ອນຄວາມໄວລົງເພື່ອໃຫ້ຫົວໃຈເຕັ້ນຊ້າລົງເທື່ອລະໜ້ອຍ ( ຫ້າມຢຸດກະທັນຫັນ ).

ในภาพอาจจะมี หนึ่งคนขึ้นไป, รองเท้า, ต้นไม้, ต้นพืช และสถานที่กลางแจ้ง

– ເມື່ອອອກກຳລັງກາຍຄວນທາຢາຄາຍກ້າມຊີ້ນ.
– ເຄື່ອງນຸ່ງຄວນເປັນຊຸດທີ່ລະບາຍ ຄວາມຮ້ອນ ເພື່ອໃຫ້ເໝາະສົມກັບສະພາບອາກາດ ແລະ ເລືອກເກີບຕ້ອງເໝາະສົມ.
– ພັກຜ່ອນໃຫ້ພຽງພໍ, ກິນອາຫານທີ່ມີປະໂຫຍດ ແລະ ດື່ມນ້ຳໃຫ້ເໝາະສົມ.
– ຖ້າມີຄວາມຮູ້ສຶກເມື່ອຍຜິດປົກກະຕິ, ຫົວໃຈເຕັ້ນຜິດປົກກະຕິ, ຫາຍໃຈຕິດຂັດ, ຫາຍໃຈບໍ່ສະດວກ, ວິນຫົວ, ປວດຮາກ ຫຼື ໜ້າມືດກໍ່ຄວນຢຸດແລ່ນທັນທີ.