ປະຊາຊົນຕື້ນຕັນ! ປະທານປະເທດຈີນ ລົງພື້ນທີ່ຢ້ຽມຢາມປະຊາຊົນໄລຍະກຸດຈີນ

220

ປະທານປະເທດສີ ຈິ້ນຜິງ ສ້າງຄວາມຕື່ນເຕັ້ນ ແລະ ຕື້ນຕັນໃຈໃຫ້ກັບປະຊາຊົນໃນຊຸມຊົນຂະໜາດນ້ອຍແຫ່ງໜຶ່ງຂອງນະຄອນຫຼວງປັກກິ່ງທີ່ໄດ້ມີໂອກາດພົບກັບຜູ້ນໍາຈີນຢ່າງໃກ້ຊິດ ເຊິ່ງລົງພື້ນທີ່ເພື່ອຢ້ຽມຢາມຄວາມເປັນຢູ່ ແລະ ມອບຄໍາອວຍພອນໃນໄລຍະກຸດຈີນ.

ສໍານັກຂ່າວຕ່າງປະເທດລາຍງານຈາກນະຄອນຫຼວງປັກກິ່ງ ປະເທດຈີນ ເມື່ອວັນເສົາ ທີ 2 ກຸມພາ ວ່າ ປະທານປະເທດສີ ຈິ້ນຜິງ ສ້າງຄວາມຕື່ນເຕັ້ນຈົນເຮັດໃຫ້ກັບປະຊາຊົນ ເຊິ່ງອາໄສຢູ່ໃນຊຸມຊົນນ້ອຍໆແຫ່ງໜຶ່ງ ໃນເຂດທາງໃຕ້ຂອງນະຄອນຫຼວງປັກກິ່ງ ແຕກຕື່ນກັນໄປທົ່ວ ເມື່ອວັນສຸກ ທີ່ຜ່ານມາ ໂດຍຜູ້ນໍາຈີນ ແລະ ຜູ້ຕິດຕາມໄປບໍ່ຫຼາຍຄົນ ພາກັນຍ່າງເຂົ້າໄປພາຍໃນຮ້ານອາຫານຕາມສັ່ງແຫ່ງໜຶ່ງດ້ວຍສີໜ້າຍິ້ມແຍ້ມ ແລ້ວທັກທາຍກັບເຈົ້າຂອງຮ້ານ ແລະ ພະນັກງານະຫຼອດຈົນລູກຄ້າທີ່ກໍາລັງຮັບປະທານອາຫານຢູ່ພາຍໃນຮ້ານ ເຊິ່ງທ່ານ ສີ ໄດ້ໄຖ່ຖາມຄວາມເປັນຢູ່ທົ່ວໄປ ເຊັ່ນ: ຂາຍຫຍັງແດ່, ລາຄາເທົ່າໃດ ແລະ ເຈົ້າຂອງຮ້ານເປີດຮ້ານມາດົນປານໃດແລ້ວ ພ້ອມທັງກ່າວຄຳອວຍພອນ ໃນເທດສະການກຸດຈີນໃຫ້ແກ່ປະຊາຊົນທຸກຄົນ.

ในภาพอาจจะมี 4 คน, คนที่ยิ้ม, ผู้คนกำลังนั่ง

ຂະນະທີ່ບັນດາລູກຄ້າໃນຮ້ານພ້ອມໃຈກັນຢຸດຮັບປະທານອາຫານ ແລະ ລຸກຂຶ້ນຢືນໂດຍຫຼາຍຄົນຍົກໂທລະສັບຂຶ້ນມາບັນທຶກພາບຜູ້ນໍາຈີນ ແນ່ນອນ ມັນເປັນໂອກາດຍາກຫຼາຍທີ່ຊາວຈີນທົ່ວໄປ ຈະມີໂອກາດໄດ້ຢືນໃກ້ຊິດກັບຜູ້ນໍາສູງສຸດຂອງປະເທດ ເຊິ່ງທ່ານ ສີ ກ່າວວ່າ ມາແວະທັກທາຍ ແລະ ຂໍໃຫ້ທຸກຄົນເຮັດຕົວຕາມປົກກະຕິ ຫຼັງຈາກນັ້ນຜູ້ນໍາຈີນກໍ່ຍ່າງຕໍ່ໄປຫາຮ້ານອາຫານອີກແຫ່ງໜຶ່ງ ແລະ ພົບກັນພະນັກງານສົ່ງອາຫານເດລິເວີຣີ 2-3 ຄົນ ທີ່ຢືນຖ້າຮັບວຽກຢູ່ໜ້າຮ້ານແຫ່ງນັ້ນ ໂດຍ ທ່ານ ສີ ເຂົ້າໄປຊວນລົມນຳ ແລະ ກໍ່ຖາມວ່າ ມີໂອກາດໄດ້ກັບບ້ານໃນໄລຍະກຸດຈີນ ຫຼື ບໍ່ ນອກຈາກນີ້ ຜູ້ນຳຈີນຍັງແວະຢ້ຽມຢາມ ແລະໃຫ້ກໍາລັງໃຈຕໍາຫຼວດທີ່ສະຖານີແຫ່ງໜຶ່ງ ແລະ ພົບປະທັກທາຍກັບປະຊາຊົນຕາມບ້ານເຮືອນອີກຫຼາຍຫລັງ ໂດຍໃນເຮືອນຫຼັງໜຶ່ງ ຜູ້ນໍາຈີນໄດ້ຮ່ວມເຮັດຕິ່ມຊໍາກັບເຈົ້າຂອງເຮືອນດ້ວຍ.

ในภาพอาจจะมี 6 คน, คนที่ยิ้ม, ผู้คนกำลังนั่ง และสถานที่ในร่ม

ທັງນີ້ ເຫດການດັ່ງກ່າວຖືເປັນກໍລະນີທີ່ບໍ່ຄ່ອຍເກີດຂຶ້ນ ສຳລັບເຈົ້າໜ້າທີ່ລະດັບສູງຂອງລັດຖະບານຈີນ ແລະ ພັກຄອມມູນິດຈະລົງພື້ນທີ່ພົບປະກັບປະຊາຊົນຢ່າງໃກ້ຊິດ ແຕ່ຖ້າຢ້ອນກັບໄປ ເມື່ອປີ 2013  ທ່ານ ສີ ຈິ້ນຜິງ ເຄີຍໄປຕໍ່ແຖວຊື້ຊາລາເປົາທີ່ຮ້ານ “ຊິ່ງເຟິງເປົາຈື່ປູ້” ໃນນະຄອນຫຼວງປັກກິ່ງ ແລ້ວໄປນັ່ງຮັບປະທານອາຫານທີ່ສັ່ງພາຍໃນຮ້ານຮ່ວມກັບປະຊາຊົນທົ່ວໄປ ສົ່ງຜົນໃຫ້ຮ້ານດັ່ງກ່າວມີຊື່ສຽງໄປທົ່ວ ຈົນເຈົ້າຂອງຮ້ານມີໄອເດຍເຮັດລາຍການອາຫານເພິ່ມ ໂດຍໃຊ້ຊື່ວ່າ “ສີຈິ້ນຜິງຄອມໂບ້” ແບບດຽວກັບທີ່ຜູ້ນໍາຈີນສັ່ງ ແລະ ທາງຮ້ານຈົນຕ້ອງເກັບໂຕ໊ະ ແລະ ຕັ່ງທີ່ຜູ້ນຳຈີນໄດ້ນັ່ງໃນວັນນັ້ນອອກໄປ ເພາະປະຊາຊົນແຫ່ກັນກັນເຂົ້າມາຈອງບ່ອນນັ່ງນັ້ນ ຈົນເກີດຄວາມວຸ້ນວາຍຫຼາຍວັນ.

ในภาพอาจจะมี 4 คน, คนที่ยิ้ม, ผู้คนกำลังยืน
ในภาพอาจจะมี 4 คน, คนที่ยิ้ม, ผู้คนกำลังยืน และสถานที่ในร่ม

CR Picture: China Xinhua News