ຍີ່ປຸ່ນກຳລັງຂາດແຄນແຮງງານຢ່າງໜັກ ໃນຮອບ 45 ປີ

222

ຍີ່ປຸ່ນມີວຽກໃຫ້ເຮັດ 161 ຕໍາແໜ່ງ ຕໍ່ຜູ້ທີ່ຊອກວຽກເຮັດທຸກໆ 100 ຄົນ ໂດຍສະເລ່ຍເມື່ອປີທີ່ຜ່ານມາ ນັບເປັນສັດສ່ວນທີ່ສູງທີ່ສຸດ ຕັ້ງແຕ່ປີ 1974 ສະແດງໃຫ້ເຫັນຊັດເຈນເຖິງການຂາດແຄນແຮງງານ ໃນປະເທດເສດຖະກິດຂະໜາດໃຫຍ່ທີ່ສຸດອັນດັບ 3 ຂອງໂລກ ແລະ ສັງຄົມຄົນສູງອາຍຸໃນປະເທດ.

ສໍານັກຂ່າວເອເອັຟພີລາຍງານຈາກນະຄອນຫຼວງໂຕກຽວ ປະເທດຍີ່ປຸ່ນ ເມື່ອວັນເສົາ ທີ 2 ກຸມພາ ວ່າ ຈາກຂໍ້ມູນຂອງກະຊວງແຮງງານຍີ່ປຸ່ນມີສັດສ່ວນການຂາດແຄນແຮງງານສູງສຸດ ໃນເດືອນທັນວາ ຄື ມີວຽກ 163 ຕໍາແໜ່ງ ຕໍ່ຜູ້ສະແຫວງຫາວຽກເຮັດທຸກໆ 100 ຄົນ ຕະຫຼາດແຮງງານຍີ່ປຸ່ນຄົງຕົວມາດົນຫຼາຍປີ ຂະນະທີ່ ຈຳນວນກຸ່ມແຮງງານຫຼຸດລົງພ້ອມກັບຈໍານວນປະຊາກອນຜູ້ສູງອາຍຸເພິ່ມຂຶ້ນຢ່າງວ່ອງໄວ ແລະ ອັດຕາການເກີດຕ່ຳ.

ในภาพอาจจะมี 3 คน, ผู้คนกำลังเดิน, ผู้คนกำลังยืน และสถานที่กลางแจ้ง

ອັດຕາວ່ການາງວຽກຂອງຄົນຍີ່ປຸ່ນຍັງຢູ່ໃນລະດັບຕ່ຳເຊັ່ນກັນ ໃນເດືອນທັນ ທີ່ຜ່ານມາ ຄື 2,4% ຫຼຸດລົງ 0,1% ຈາກເດືອນພະຈິກ ຈາກອີກຂໍ້ມູນໜຶ່ງທີ່ແຍກອອກຕ່າງຫາກຂອງກະຊວງມະຫາດໄທ.

ເດືອນທີ່ຜ່ານມາ ທະນາຄານກາງຍີ່ປຸ່ນ ປັບຫຼຸດຄາດການອັດຕາເງິນເຟີ້ສໍາຫຼັບປີງົບປະມານສິ້ນສຸດເດືອນມີນາ ປີໜ້າຈາກ 1,4% ເປັນ 0,9%.

ไม่มีคำอธิบายรูปภาพ

ເສດຖະກິດຍີ່ປຸ່ນຫົດຕົວ 3 ເດືອນເຖິງເດືອນກັນຍາ ປີຜ່ານມາ ຫຼັງເກີດໄພພິບັດທາງທໍາມະຊາດຫຼາຍຄັ້ງໄລ່ເລ່ຍກັນ ສົ່ງຜົນກະທົບຕໍ່ການໃຊ້ຈ່າຍຂອງຜູ້ບໍລິໂພກ ແລະ ການສົ່ງອອກ.

ແຕ່ບັນດານັກວິເຄາະຄາດການວ່າ ເສດຖະກິດຍີ່ປຸ່ນຈະຟື້ນຕົວໃນໄຕມາດສຸດທ້າຍຂອງປີຈາກຄວາມເຂັ້ມແຂງໂດຍລວມຂອງເສດຖະກິດໂລກ.