ອົສຕຣາລີ ຜະເຊີນກັບອາກາດຮ້ອນອົບເອົ້າເປັນປະຫວັດການ

209

ອຸນຫະພູມ ສະເລ່ຍຂອງອົສຕຣາລີ ເມື່ອເດືອນມັງກອນ ທີ່ຜ່ານມາ ຖືວ່າຮ້ອນທີ່ສຸດເປັນປະຫວັດການຄືອາກາດຮ້ອນສູງເກີນ 30 ອົງສາ ຕະຫຼອດເດືອນ ແລະ ມີບາງມື້ທີ່ອຸນຫະພູມສູງ ເກືອບ 50 ອົງສາ.

ສໍານັກຂ່າວຕ່າງປະເທດລາຍງານຈາກເມືອງຊິດນີ ປະເທດອົສຕຣາລີ ເມື່ອວັນສຸກ ທີ 1 ກຸມພາ ວ່າ ສໍານັກງານອຸຕຸນິຍົມວິທະຍາແຫ່ງຊາດຂອງອົສຕຣາລີ ໄດ້ລາຍງານ ເມື່ອວັນສຸກ ວ່າ ຕະຫຼອດເດືອນມັງກອນ ທີ່ຜ່ານມາ ຖືເປັນຄັ້ງທໍາອິດທີ່ອຸນຫະພູມສະເລ່ຍທົ່ວປະເທດ ສູງກວ່າ 30 ອົງສາ ໂດຍສະຖິຕິເມືອງທີ່ມີອຸນຫະພູມສູງທີ່ສຸດຂອງອົສຕຣາລີ ເມື່ອເດືອນມັງກອນຜ່ານມາ ຄືເມືອງພອດ ອໍກັສຕາ ໃນລັດເຊົາທ໌ອົສຕຣາລີ ວັກແທກໄດ້ 49,5 ອົງສາ ເມື່ອວັນທີ 24 ມັງກອນ ທີ່ຜ່ານມາ ຂະນະທີ່ ເມືອງເອກຂອງລັດເຊົາທ໌ອົສຕຣາເລີນ ຄືເມືອງແອດິເລກ ວັດແທກອຸນຫະພູມໃນມື້ດຽວກັນໄດ້ສູງ ເຖິງ 46,6 ອົງສາ.

ในภาพอาจจะมี หนึ่งคนขึ้นไป, ท้องฟ้า และสถานที่กลางแจ้ง

ນອກຈາກນີ້ ລະດູຮ້ອນ ປີ 2005 ແລະ 2013 ເປັນພຽງ 2 ປີເທົ່ານັ້ນ ທີ່ອຸນຫະພູມສະເລ່ຍຕ່ຳກວ່າ ລະດູຮ້ອນ ຂອງປີ 2018 ບົ່ງຊີ້ວ່າ ພາວະການປ່ຽນແປງຂອງສະພາບອາກາດໂລກນັ້ນ ຮຸນແຮງຂຶ້ນຕໍ່ເນື່ອງ ຂະນະໃນເວລາດຽວກັນນີ້ ດ້ານຟາກໂລກເໜືອ ທັງອາເມຣິກາ ແລະ ຫຼາຍພື້ນທີ່ໃນທະວີບເອີຣົບຜະເຊີນກັບສະພາບອາກາດໜາວເຢັນຫຼາຍເປັນປະວັດການເຊັ່ນກັນ.