ອາເມລິກາ – ຈີນ ຫາລືການຄ້າຮອບໃໝ່

248

ການເຈລະຈາທາງການຄ້າລະຫວ່າງສອງປະເທດມະຫາອຳນາດທາງເສດຖະກິດຈີນ-ອາເມລິກາ ຍັງບໍ່ມີທີທ່າຈະລົງຕົວກັນ ຫຼ້າສຸດຄະນະຜູ້ແທນລະດັບສູງດ້ານນະໂຍບາຍການຄ້າຂອງສະຫະລັດ ແລະ ຈີນ ໄດ້ພົບປະຫາລືກັນທີ່ນະຄອນຫຼວງວໍຊິງຕັນ ໃນໄລຍະ 1 ເດືອນສຸດທ້າຍ ກ່ອນຄົບກຳນົດການ “ສະຫງົບເສິກການຄ້າ 90 ວັນ” ແລະ ຄະດີຄວາມຂອງບໍລິສັດຫົວເຫວີຍ.

ในภาพอาจจะมี 4 คน, ผู้คนกำลังนั่ง, ตาราง และสถานที่ในร่ม

ສໍານັກຂ່າວຕ່າງປະເທດລາຍງານຈາກນະຄອນຫຼວງວໍຊິງຕັນ ປະເທດສະຫະລັດ ອາເມຣິກາ ເມື່ອວັນພຸດ ທີ 30 ມັງກອນ ວ່າ ທ່ານາ ໂຣເບີດ ໄລທິເຊີ ຜູ້ແທນເຈລະຈາການຄ້າຂອງອາເມຣິກາໃຫ້ການຕ້ອນຮັບຄະນະຜູ້ແທນຈາກລັດຖະບານຈີນ ລວມ 30 ຄົນ ນໍາໂດຍ ທ່ານ ຫຼິວ ເຮີ່ ຮອງນາຍົກລັດຖະມົນຕີ ແລະ ທີ່ປຶກສາດ້ານນະໂຍບາຍເສດຖະກິດຂອງປະທານປະເທດ ສີ ຈິ້ນຜິງ ແລະ ທ່ານ ອີ້ກັງ ປະທານທະນາຄານປະຊາຊົນຈີນ (PBOC) ພົບປະຫາລືກັນທີ່ອາຄານໄອເຊນຮາວ ໃນນະຄອນຫຼວງວໍຊິງຕັນ ເມື່ອວັນພຸດ.

ในภาพอาจจะมี 5 คน, ผู้คนกำลังนั่ง, ตาราง และสถานที่ในร่ม

ຢ່າງໃດກໍ່ຕາມ ມີລາຍງານວ່າ ບັນຍາກາດພາຍໃນຫ້ອງເປັນໄປຢ່າງ ຕຶງຄຽດ ຕັ້ງແຕ່ໄລຍະຖ່າຍຮູບໝູ່ ກ່ອນເລີ່ມການປະຊຸມ ແຕ່ຄະນະຜູ້ແທນຈາກຈີນລວມເຖິງລ່າມແປພາສານັ່ງຮຽງແຖວກັນຢ່າງສະຫງົບ ໂດຍບໍ່ມີໃຜເວົ້າທັກທາຍກັບອີກຝ່າຍ ຈົນ ທ່ານ ໄລທິເຊີ ເປັນຝ່າຍທັກທາຍເພື່ອຫຼຸດຜ່ອນຄາຍບັນຍາກາດໃນທີ່ນັ້ນ ດ້ວຍການພະຍາຍາມໂອ້ລົມທັກທາຍ ໂດຍເວົ້າເຖິງເລື່ອງການຈັດຈັດໂຕະ ແລະ ບ່ອນນັ່ງຮຽງຕໍາແໜ່ງກັນຂອງເຈົ້າໜ້າທີ່ ແຕ່ລະຄົນຂອງທັງສອງຝ່າຍໃນຄັ້ງນີ້ ໃກ້ຄຽງກັບການພົບປະຫາລື ລະຫວ່າງ ປະທານປະເທດສີ ຈິ້ນຜິງ ກັບ ປະທານາທິບໍດີໂດນັລ ທຣຳ ລະຫວ່າງການປະຊຸມສຸດຍອດຜູ້ນໍາກຸ່ມປະເທດເສດຖະກິດຂະໜາດໃຫຍ່ “ຈີ 20” ທີ່ນະຄອນຫຼວງບົວໂນສໄອເລສ ເມື່ອວັນທີ 1 ທັນວາ ປີຜ່ານມາ.

ในภาพอาจจะมี 4 คน, ฝูงชน และสถานที่ในร่ม

ທັງນີ້ ໃນການປະຊຸມຄັ້ງນີ້ ທ່ານ ສະຕີຟ ມະນູຊິນ ລັດຖະມົນຕີກະຊວງການເງິນ ແລະ ທ່ານ ວິລເບີ ຣອສ ລັດຖະມົນຕີກະຊວງການຄ້າ ຢືນຢັນວ່າ ວັດຖຸປະສົງສໍາຄັນທີ່ລັດຖະບານວໍຊິງຕັນໄດ້ເຊີນ ຄະນະຜູ້ແທນຈາກນະຄອນຫຼວງປັກກິ່ງ ໃຫ້ມາຢ້ຽມຢາມໃນຄັ້ງນີ້ ຄືການຫາລືເພື່ອຫຼຸດຂໍ້ພິພາດການຄ້າທີ່ຍັງຄ້າງຄາ ແລະ ເຫຼືອເວລາອີກພຽງ 1 ເດືອນ ກ່ອນຄົບ “ຂໍ້ຕົກລົງສະຫງົບເສິກທາງການຄ້າ” ເປັນເວລາ 90 ວັນ ເຊິ່ງຜູ້ນຳອາເມລິກາ ແລະ ຜູ້ນໍາຈີນຕົກລົງກັນໄວ້ລະຫວ່າງການປະຊຸມຈີ 20.

ในภาพอาจจะมี 4 คน, ผู้คนกำลังนั่ง, ตาราง และสถานที่ในร่ม

ການພົບປະຫາລືຄັ້ງນີ້ ເກີດຂຶ້ນພຽງ 48 ຊົ່ວໂມງ ຫຼັງກະຊວງຍຸຕິທໍາສະຫະລັດ ປະກາດດໍາເນີນຄະດີອາຍາກ່ຽວກັບກົດໝາຍອາດຊາຍາກໍາການເງິນຫຼາຍເຖິງ 23 ຂໍ້ຫາກັບບໍລິສັດຫົວເຫວີຍ ພ້ອມບໍລິສັດໃນເຄືອອີກ 2 ແຫ່ງ ແລະ ນາງ ເມີ່ງ ຫວ່ານໂຈ ຜູ້ບໍລິຫານລະດັບສູງ ເຊິ່ງເປັນລູກສາວຂອງທ່ານ ເຫຣີນ ເຈິ້ງເຟີຍ ຜູ້ກໍ່ຕັ້ງບໍລິສັດຫົວເຫວີຍດ້ວຍ, ດ້ານ ທ່ານ ເຈີໂຣມ ພາວເວລ ປະທານທະນາຄານກາງສະຫະລັດ (ເຟດ) ບໍ່ໄດ້ເຂົ້າຮ່ວມການປະຊຸມຄັ້ງນີ້ ແຕ່ກ່າວມາກ່ອນໜ້ານີ້ວ່າ ຄວາມບໍ່ແນ່ນອນຄືສັດຕູຂອງສະຖຽນລະພາບທາງເສດຖະກິດ.