ທາງການ ອາເມຣິກາ ເຕືອນອຸນຫະພູມ ຊິຄາໂກ -50 ອົງສາ ໜາວເຢັນກວ່າຂົ້ວໂລກໃຕ້

313

ທາງການອາເມຣິກາເຕືອນໄພປະຊາຊົນ ໃນຝັ່ງຕາເວັນອອກຂອງປະເທດໃຫ້ກຽມຮັບມືກັບອິດທິພົນຂອງມວນອາກາດໜາວເຢັນຫຼາຍ ໂດຍອຸນຫະພູມທີ່ເມືອງຊິຄາໂກຫຼຸດລົງຕ່ຳກວ່າ -50 ອົງສາ ໜາວເຢັນຍິ່ງກວ່າທະວີບແອນຕາກຕິກ.

ສໍານັກຂ່າວຕ່າງປະເທດລາຍງານຈາກເມືອງຊິຄາໂກ ປະເທດສະຫະລັດ ອາເມຣິກາ ເມື່ອວັນພຸດ ທີ 30 ມັງກອນ ວ່າ ສໍານັກງານອຸຕຸນິຍົມວິທະຍາແຫ່ງຊາດສະຫະລັດ (NWS: Nation Weather Service) ລາຍງານ ວ່າ ປະກົດການໂພລາຣ໌ ວໍເຕກຊ໌ (Polar Vortex) ເຊິ່ງເປັນພາວະທີ່ມວນອາກາດໜາວເຢັນ ຈາກຂົ້ວໂລກເໜືອເຄື່ອນຕົວມາທາງພາກໃຕ້ຫຼາຍກວ່າປົກກະຕິ ໂດຍເປັນຜົນມາຈາກສະພາບອາກາດທີ່ອຸ່ນຂຶ້ນ ກໍາລັງເກີດຂຶ້ນອີກຄັ້ງ ໃນພາກພື້ນທີ່ເຄີຍຜະເຊີນກັບສະຖານະການແບບດຽວກັນນີ້ ເມື່ອປີ 2014 ຄື ພາກພື້ນມິດເວດສ໌ ໄລ່ຂຶ້ນໄປເຖິງເຂດນິວອິງແລນ (Midwest – new England, USA) ເຊິ່ງຈະສົ່ງຜົນກະທົບຕໍ່ປະຊາຊົນຫຼາຍກວ່າ 55 ລ້ານຄົນ.

ในภาพอาจจะมี หนึ่งคนขึ้นไป, หิมะ และสถานที่กลางแจ้ง

ທັງນີ້ ທາງການລັດວິສຄອນຊິນ, ລັດອິລລິນອຍສ໌ ຕະຫຼອດຈົນເທດສະບານນະຄອນຫຼວງວໍຊິງຕັນ ປະກາດພາວະສຸກເສີນສະພາບອາກາດທີ່ໜາວເຢັນຫຼາຍໃນຄັ້ງນີ້ແລ້ວ ຂະນະທີ່ ທາງການຂອງລັດນັອດດາໂກຕາ ແລະ ລັດມິນນິໂຊຕາ ຍັງບໍ່ໄດ້ປະກາດສະຖານະການສຸກເສີນຈາກພາບອາກາດອັນຮ້າຍແຮງ ແຕ່ທາງໜ່ວຍງານ NWS ໄດ້ກວດແທກອຸນຫະພູມ ສະເລ່ຍໃນລັດທັງສອງແຫ່ງໄດ້ປະມານ -32 ອົງສາ ແລະ -52 ອົງສາ ຕາມລໍາດັບ ຢ່າງໃດກໍ່ຕາມ ອຸນຫະພູມທີ່ມີລະດັບດັ່ງກ່າວເຮັດໃຫ້ມີຄວາມຮູ້ສຶກໜາວເຢັນຫຼາຍກວ່າ -65 ອົງສາ.

ในภาพอาจจะมี สถานที่กลางแจ้ง
ในภาพอาจจะมี 1 คน, หิมะ, สถานที่กลางแจ้ง และธรรมชาติ

ນອກຈາກນີ້ NWS ຍັງອອກປະກາດເຕືອນໄພປະຊາຊົນໃນພື້ນທີ່ສ່ຽງ ເພື່ອຫຼີກລ່ຽງການອອກນອກເຄຫະສະຖານ ເນື່ອງຈາກອາດເກີດພາວະ “ຄວາມໜາວເຢັນກັດ” ເຊິ່ງຈະສົ່ງຜົນໃຫ້ເນື້ອເຍື່ອຕາມຮ່າງກາຍຕາຍໄດ້ພາຍໃນເວລາພຽງ 10 ນາທີ ພ້ອມທັງພະຍາກອນ ວ່າ ສະພາບອາກາດຈະໜາວເຢັນຫຼາຍທີ່ສຸດ ລະຫວ່າງ ວັນອັງຄານຈົນເຖິງວັນພະຫັດ ນີ້ ໂດຍອຸນຫະພູມສະເລ່ຍທີ່ເມືອງຊິຄາໂກ “ອາດຕິດລົບໜາວເຢັນຫຼາຍກວ່າທະວີບແອນຕາກຕິກ ຫຼື ຂົ້ວໂລກໃຕ້.

ในภาพอาจจะมี หิมะ, สถานที่กลางแจ้ง และธรรมชาติ