ເຂື່ອນໃນເໝືອງເຫຼັກຂະໜາດໃຫຍ່ເຈື່ອນໃນບຣາຊິລ ມີຜູ້ເສຍຊີວິດຈຳນວນຫຼາຍ

235

ຈໍານວນຜູ້ເສຍຊີວິດຈາກເຫດເຂື່ອນໃນເໝືອງແຮ່ເຫຼັກຂະໜາດໃຫຍ່ ຫັກເພເຈື່ອນລົງມາ ໃນລັດທາງຕາເວັນອອກຂອງບຣາຊິລ ຕັ້ງແຕ່ວັນສຸກ ທີ່ຜ່ານມາ ຢ່າງໜ້ອຍ 58 ຄົນ ແຕ່ຍັງສູນຫາຍ ປະມານ 300 ຄົນ.

ในภาพอาจจะมี 1 คน, เด็ก และสถานที่กลางแจ้ง

ສໍານັກຂ່າວຕ່າງປະເທດລາຍງານຈາກເມືອງບຣູມາດິນໂຢ ປະເທດບຣາຊິລ ເມື່ອວັນອາທິດ ທີ 27 ມັງກອນ ວ່າ ສໍານັກງານປ້ອງກັນໄພພົນລະເມືອງ ໃນລັດມີນັສເຊໄຣ ທາງຕາເວັນອອກສຽງໃຕ້ຂອງບຣາຊິລ ລາຍງານເມື່ອວັນອາທິດ ກ່ຽວກັບຄວາມຄືບໜ້າຂອງປະຕິບັດການ ໃນເມືອງບຣູມາດິນໂຢ ສະຖານທີ່ເກີດເຫດເຂື່ອນເກັບກັກຂອງເສຍຈາກຂະບວນການສະກັດແຮ່ເຫຼັກພາຍໃນເໝືອງ “ເຟເຊົາ” ເຊິ່ງເປັນເໝືອງຂະໜາດໃຫຍ່ ເກີດຫານຊຸດຫັກເພແລ້ວເຈື່ອນລົງມາ ສົ່ງຜົນໃຫ້ມວນນ້ຳ ແລະ ດິນໂຄນປະລິມານມະຫາສານທີ່ປົນເປື້ອນຫາງແຮ່ໄຫຼເຂົ້າສູ່ຊຸມຊົນທີ່ຕັ້ງຢູ່ໃກ້ຄຽງ ຕັ້ງແຕ່ວັນສຸກ ທີ 25  ມັງກອນ ທີ່ຜ່ານມາ ວ່າ ຈໍານວນຜູ້ເສຍຊີວິດເພິ່ມຂຶ້ນຢ່າງໜ້ອຍ 58 ຄົນ ສ່ວນຈໍານວນຜູ້ສູນຫາຍ ປະມານ 300 ຄົນ.

ທັງນີ້ ມີລາຍງານດ້ວຍວ່າ ປະຕິບັດການຂອງເຈົ້າໜ້າທີ່ຈໍາເປັນຕ້ອງຢຸດຕິໄປທັນທີ ຫຼັງມີການເຕືອນໄພວ່າ ເຂື່ອນ “ບີ 6” ເຊິ່ງເປັນເຂື່ອນພາຍໃນອານາເຂດຂອງເໝືອງເຟເຊົາເຊັ່ນກັນ ແລະ ຕັ້ງໃກ້ກັບເໝືອງ ມີຄວາມສ່ຽງທີ່ຈະຫັກເພລົງມາລົງມາ ສົ່ງຜົນໃຫ້ປະຊາຊົນ ປະມານ 24.000 ຄົນ ຕ້ອງເລັ່ງກັນອົບພະຍົບກ່ອນທີ່ວິສະວະກອນຂອງບໍລິສັດວາເລ ເຊິ່ງເປັນຜູ້ປະກອບການດ້ານເໝືອງແຮ່ລາຍໃຫຍ່ທີ່ສຸດຂອງປະເທດ ແລະ ລໍາດັບຕົ້ນໆຂອງໂລກ ແລະ ເປັນເຈົ້າຂອງເໝືອງເຟເຊົາ ຈະສົ່ງວິສະວະກອນເລັ່ງເຂົ້າໄປກວດກາ ແລ້ວຕໍ່ມາກໍ່ມີປະກາດຢ່າງໜັກແໜ້ນວ່າ ສະຖານະການທີ່ເຂື່ອນ ບີ6 ນັ້ນ “ປອດໄພ”.

ในภาพอาจจะมี สถานที่กลางแจ้ง และธรรมชาติ
ในภาพอาจจะมี ท้องฟ้า, เมฆ, ต้นไม้, สถานที่กลางแจ้ง, ธรรมชาติ และน้ำ

ນອກເໜືອຈາກສໍານັກງານໄອຍະການແຫ່ງລັດມີນັສເຊໄຣ ສັ່ງອາຍັດເງິນ ແລະ ຊັບສິນຂອງບໍລິສັດວາເລເພິ່ມອີກ ປະມານ 3.000 ລ້ານໂດລາ (ປະມານ 25.709 ຕື້ກີບ) ເພື່ອເປັນຄ່າທໍານຽມຊົດໃຊ້ຄວາມເສຍຫາຍທັງໝົດ “ໃນເບື້ອງຕົ້ນ” ສະເພາະກໍລະນີໄພພິບັດ ທີ່ເໝືອງໃນເມືອງບຣູມາດິນໂຍຢ ລັດຖະບານກາງສັ່ງປັບໄໝ ແລະ ອາຍັດຊັບສິນຂອງວາເລ ລວມອີກຢ່າງໜ້ອຍ 925 ລ້ານໂດລາ (ປະມານ 7.900 ຕື້ກີບ) ເນື່ອງຈາກເຫດການຄັ້ງນີ້ເກີດຂຶ້ນ ຍັງບໍ່ເຖິງ 4 ປີ ເຕັມຫຼັງເຫດເຂື່ອນໃນເໝືອງຂະໜາດໃຫຍ່ອີກແຫ່ງຂອງວາເລ ເຊິ່ງຕັ້ງຢູ່ໃນລັດມີນັສເຊໄຣ ໄດ້ເພເຈື່ອນລົງມາ ເມື່ອເດືອນພະຈິກ 2015 ສົ່ງຜົນໃຫ້ມີຜູ້ເສຍຊີວິດ 19 ຄົນ.

ในภาพอาจจะมี อาหาร และสถานที่กลางแจ้ง
ในภาพอาจจะมี ท้องฟ้า และสถานที่กลางแจ้ง
ในภาพอาจจะมี ภูเขา, ท้องฟ้า, สถานที่กลางแจ้ง และธรรมชาติ