ນັກລົງທຶນດ້ານການເງິນ ວິຈານ ປະທານປະເທດຈີນ ຄືສັດຕູອັນດັບໜຶ່ງຂອງ ສັງຄົມເສລີ

292

ທ່ານ ຈອດ ໂຊຣອສ ກ່າວວ່າ ປະທານປະເທດສີ ຈິ້ນຜິງ ຜູ້ນໍາຈີນ ຄື ສັດຕູໝາຍເລກໜຶ່ງ ຂອງ ສັງຄົມໂລກເສລີ ແລະ ຮຽກຮ້ອງລັດຖະບານອາເມຣິກາ ເລັ່ງຈັດການກັບການພັດທະນາດ້ານເທກໂນໂລຢີຂອງຈີນທີ່ຂະຫຍາຍຕົວຢ່າງວ່ອງໄວ.

ในภาพอาจจะมี 1 คน, อยู่บนเวที

ສໍານັກຂ່າວຕ່າງປະເທດລາຍງານຈາກເມືອງດາວອສ ປະເທດສະວິດເຊີແລນ ເມື່ອວັນສຸກ ທີ 25 ມັງກອນ ວ່າ ຈອດ ໂຊຣອສ ນັກລົງທຶນດ້ານການເງິນຊາວຮັງກາຣຽນ-ອາເມຣິກັນ ກ່າວໄລຍະໜຶ່ງໃນເວທີ່ຍ່ອຍຂອງການປະຊຸມສະພາເສດຖະກິດໂລກ “WEF: World economic forum” ທີ່ເມືອງດາວອສ ເມື່ອວັນພະຫັດ ໂດຍມີເນື້ອໃນໄລຍະໜຶ່ງເປັນການກ່າວເຖິງເກົາຫຼີໂດຍກົງ ວ່າ ບໍ່ໄດ້ເປັນພຽງປະເທດຂະໜາດໃຫຍ່ທີ່ປົກຄອງໂດຍລະບອບ “ລັດລວມສູນ” ຫຼື “ລັດອໍານາດນິຍົມ” ຊັດເຈນທີ່ສຸດໃນໂລກເທົ່ານັ້ນ ແຕ່ຕອນນີ້ ຈີນຍັງເປັນລັດທີ່ລວຍ ແລະ ເຂັ້ມແຂງທີ່ສຸດຕະຫຼອດຈົນມີຄວາມກ້າວໜ້າທາງເທັກໂນໂລຢີແບບກ້າວກະໂດດ ຢ່າງໃດກໍ່ຕາມ ສະຖານະການດັ່ງກ່າວສ້າງພາບລັກໃຫ້ແກ່ ປະທານປະເທດສີ ຈິ້ນຜິງ ຖືເປັນສັດຕູອັນຕະລາຍທີ່ສຸດ ຂອງສັກຄົມໂລກເສລີ.

ທັງນີ້ ໂຊຣອສ ຮຽກຮ້ອງລັດຖະບານອາເມຣິກາຂອງປະທານາທິບໍດີໂດນັລ ທຣຳ ເພິ່ມຄວາມຈິງຈັງ  ແລະ ຄວາມມຸ່ງເນັ້ນໃຫ້ຄວາມສໍາຄັນກັບການກວດລ້າງບໍລິສັດດ້ານເທກໂນໂລຢີ ແລະ ໂທລະຄົມມະນາຄົມຂອງຈີນ ໂດຍສະເພາະຫົວເຫວີ່ຍ ແລະ ແຊັດທີອີ ຫຼາຍກວ່າການສ້າງຄວາມຂັດແຍ້ງທາງການຄ້າກັບທຸກປະເທດເທິງໂລກ ເນື່ອງຈາກ ຖ້າອາເມຣິກາ ແລະ ພັນທະມິດເປີດໂອກາດໃຫ້ບໍລິສັດສັນຊາດຈີນເຂົ້າມາມີສ່ວນຮ່ວມໃນໂຄງການພັດທະນາ ແລະ ວາງໂຄງຂ່າຍລະບົບ 5ຈີ ນັ້ນໝາຍຄວາມວ່າ ທົ່ວໂລກກຳລັງຜະເຊີນກັບຄວາມສ່ຽງດ້ານຄວາມໝັ້ນຄົງທາງເທັກໂນໂລຢີແລ້ວ.

ອີກດ້ານໜຶ່ງ ທ່ານເຄນ ຫູ ປະທານໝູນວຽນຂອງຫົວເຫວີ່ຍ ກ່າວເທິງເວທີດາວອສເຊັ່ນກັນວ່າ 5ຈີ ຈະເປັນສິ່ງທີ່ສ້າງຄວາມປ່ຽນແປງຄັ້ງສໍາຄັນ ສໍາລັບການພັດທະນາດ້ານເທັກໂນໂລຢີຂອງໂລກ ແລະ ຢືນຢັນ ວ່າ ຫົວເຫວີ່ຍໄດ້ຮັບໂອກາດໃຫ້ມີສ່ວນຮ່ວມໃນໂຄງການພັດທະນາລະບົບ 5ຈີ ຢ່າງໜ້ອຍ 20 ປະເທດພາຍໃນໄລຍະເວລາອີກ 12 ເດືອນນັບຈາກນີ້.