ນ້ຳຖ້ວມ-ດິນເຈື່ອນກະທັນຫັນ ໃນອິນໂດເນເຊຍ ເສຍຊີວິດຢ່າງໜ້ອຍ 30 ຄົນ

253

ຈໍານວນຜູ້ເສຍຊີວິດຈາກໄພທໍາມະຊາດທີ່ເກີດຂຶ້ນກະທັນຫັນ ເຊິ່ງສາເຫດເກີດມາຈາກລະດັບນ້ຳທີ່ຍື່ງລົ້ນເຂື່ອນແຫ່ງໜຶ່ງເທິງເກາະສຸລາເວສີຂອງອິນໂດເນເຊຍເພິ່ມເປັນຢ່າງໜ້ອຍ 30 ຄົນແລ້ວ.

ในภาพอาจจะมี 9 คน, ผู้คนกำลังนั่ง และสถานที่กลางแจ้ง

ສໍານັກຂ່າວຕ່າງປະເທດລາຍງານຈາກນະຄອນຫຼວງຈາກາຕ້າ ປະເທດອິນໂດເນເຊຍ ເມື່ອວັນສຸກ ທີ 25 ມັງກອນ ວ່າ ສໍານັກງານບໍລິຫານຈັດການໄພພິບັດແຫ່ງຊາດ (BNPB) ລາຍງານເມື່ອວັນສຸກ ກ່ຽວກັບສະຖານະການລະດັບນ້ຳຍື່ງລົ້ນເຂື່ອນ “ບິລິ-ບິລິ” ເມື່ອໄລຍະກາງອາທິດນີ້ ສົ່ງຜົນໃຫ້ເກີດນ້ຳຖ້ວມກະທັນຫັນ ແລະ ດິນເຈື່ອນເປັນພື້ນທີ່ກວ້າງຕາມພື້ນທີ່ຫຼາຍແຫ່ງທາງພາກໃຕ້ຂອງເກາະສຸລາເວສີ ເຊິ່ງເປັນສະຖານທີ່ຕັ້ງຂອງເຂື່ອນ ວ່າ ຈໍານວນຜູ້ເສຍຊີວິດເພິ່ມຂຶ້ນເປັນຢ່າງໜ້ອຍ 30 ຄົນ ຂະນະທີ່ປະຊາຊົນອີກຫຼາຍກວ່າ 30 ພັນຄົນ ຕ້ອງອົບພະຍົບອອກຈາກບ້ານເຮືອນ ແລະ ເຂົ້າຮັບການຮັກສາຕົວໃນໂຮງໝໍ ເກືອບ 50 ຄົນ.

ຂະນະດຽວກັນ ໄພທຳມະຊາດຄັ້ງນີ້ ເຊິ່ງເກີດຂຶ້ນຢ່າງກະທັນຫັນ ສ້າງຄວາມເສຍຫາຍເປັນພື້ນທີ່ກວ້າງກັບລະບົບໂຄງສ້າງພື້ນຖານຂະໜາດໃຫຍ່ທັງຖະໜົນຫົນທາງ ແລະ ຂົວຂ້າມແມ່ນ້ຳ ກາຍເປັນອູປະສັກໃຫ້ແກ່ເຈົ້າໜ້າທີ່ໃນການລຳລຽງຄວາມຊ່ວຍເຫຼືອເຂົ້າສູ່ພື້ນທີ່ປະສົບໄພ ຈຶ່ງຕ້ອງສົ່ງເຮລີຄອບເຕີຫຼາຍລໍາເຂົ້າໄປຢ່ອນຖົງຊູຊີບ ແລະ ອົບພະຍົບປະຊາຊົນແທນ ນອກຈານີ້ ຜູ້ເສຍຊີວິດມີແນວໂນ້ມເພິ່ມຂຶ້ນດ້ວຍເນື່ອງຈາກມີລາຍງານຢູ່ສູນຫາຍ.