ນາຍົກ ເນັ້ນ ສຄອຊ ພັດທະນາພາກທຸລະກິດ ຜັກດັນເສດຖະກິດໃຫ້ເຕີບໃຫຍ່ຢ່າງເຂັ້ມແຂງ

318

ທ່ານ ທອງລຸນ ສີສຸລິດ ນາຍົກລັດຖະມົນຕີ ໄດ້ເນັ້ນໃຫ້ສະພາການຄ້າ ແລະ ອຸດສາຫະກຳແຫ່ງຊາດ ( ສຄອຊ ) ເອົາໃຈໃສ່ໃນການສ້າງກົນໄກປະສານງານລະຫວ່າງພາກທຸລະກິດກັບຂະແໜງການພາກລັດໃຫ້ມີການຜະລິດ ແລະ ສົ່ງອອກສິນຄ້າ ເພື່ອຊຸກຍູ້ເສດຖະກິດໃຫ້ມີການຂະຫຍາຍຕົວຢ່າງເຂັ້ມແຂງ.

ในภาพอาจจะมี 1 คน, ดอกไม้

ກອງປະຊຸມປະຈຳປີ 2018 ແລະ ສະເຫຼີມສະຫຼອງສະພາການຄ້າ ແລະ ອຸດສາຫະກຳແຫ່ງຊາດ ( ສຄອຊ ) ຄົບຮອບ 30 ປີ ຈັດຂຶ້ນວັນທີ 23 ມັງກອນ 2019 ທີ່ຫໍປະຊຸມແຫ່ງຊາດ ໂດຍເປັນປະທານຮ່ວມລະຫວ່າງ ທ່ານ ນາງ ເຂັມມະນີ ພົນເສນາ ລັດຖະມົນຕີກະຊວງອຸດສາຫະກຳ ແລະ ການຄ້າ, ທ່ານ ອຸເດດ ສຸວັນນະວົງ ປະທານສະພາ ສຄອຊ ແລະ ທ່ານ ສຽວສະຫວາດ ສະແຫວງສຶກສາ ປະທານກິດຕິມະສັກ ສຄອຊ ແຫ່ງຊາດລາວ ເຊິ່ງໃຫ້ກຽດເຂົ້າຮ່ວມໂອ້ລົມໂດຍ ທ່ານ ທອງລຸນ ສີສຸລິດ ນາຍົກລັດຖະມົນຕີ, ມີບັນດາທ່ານລັດຖະມົນຕີ, ຮອງລັດຖະມົນຕີ, ສະມາຄົມນັກທຸລະກິດ ແລະ ພາກສ່ວນກ່ຽວຂ້ອງເຂົ້າຮ່ວມ.

ในภาพอาจจะมี ท้องฟ้า, ต้นไม้, เมฆ, สถานที่กลางแจ้ง และธรรมชาติ

ທ່ານ ອຸເດດ ສຸວັນນະວົງ ກ່າວວ່າ: ຕະຫຼອດໄລຍະ 30 ປີຜ່ານມາ ສຄອຊ ແຫ່ງຊາດລາວ ໄດ້ເອົາໃຈໃສ່ເຄື່ອນໄຫວເຂົ້າໃນການພັດທະນາວຽກງານ ສຄອຊ ແຫ່ງຊາດລາວ ເຮັດໃຫ້ວຽກງານໃນແຕ່ລະດ້ານນັບມື້ມີຄວາມເຂັ້ມແຂງ ແລະ ມີຜົນສຳເລັດເປັນກ້າວໆ ເປັນຕົ້ນວຽກງານພັດທະນາສົ່ງເສີມທຸລະກິດຂະໜາດນ້ອຍ ແລະ ຂະໜາດກາງ ເພື່ອເປັນການສະເຫຼີມສະຫຼອງສະພາການຄ້າ ແລະ ອຸດສາຫະກຳແຫ່ງຊາດລາວ ຄົບຮອບ 30 ປີ ແລະ ທົບທວນຜົນງານການເຄື່ອນໄຫວຂອງຕົນພາຍໃຕ້ການຊີ້ນຳ – ນຳພາຂອງຄະນະບໍລິຫານງານ ຊຸດທີ I ຫາ ຊຸດທີ VII ໃນການຈັດຕັ້ງແຜນຍຸດທະສາດການພັດທະນາພາກທຸລະກິດຂອງຕົນ ທີ່ເນັ້ນໃສ່ເປົ້າໝາຍໄລຍະຍາວ ໂດຍການເສີມສ້າງຄວາມເຂັ້ມແຂງຂອງທຸລະກິດໃນ ສປປ ລາວ ເພື່ອພັດທະນາເສດຖະກິດແຫ່ງຊາດ ຕາມທິດການພັດທະນາສີຂຽວ ແລະ ຍືນຍົງ ເຊັ່ນ: ເສີມສ້າງຄວາມເຂັ້ມແຂງຂອງທຸລະກິດ SMEs ພ້ອມທັງຂະຫຍາຍຖານການຜະລິດທຸລະກິດ ທີ່ຖືກຕ້ອງຕາມລະບຽບກົດໝາຍໃຫ້ຫຼາຍກວ່າເກົ່າ; ເສີມສ້າງຄວາມເຂັ້ມແຂງໃຫ້ພາກທຸລະກິດການຜະລິດເພື່ອສົ່ງອອກ; ເສີມສ້າງແວດລ້ອມທຸລະກິດໃຫ້ດີ ໂດຍນຳໃຊ້ເວທີກອງປະຊຸມທຸລະກິດລາວ ແລະ ເວທີປຶກສາຫາລືພາກລັດ, ທຸລະກິດ ແລະ ອື່ນໆ; ສ້າງຖານຂໍ້ມູນສຳລັບພາກທຸລະກິດ, ການເຊື່ອມໂຍງຂອງທຸລະກິດລາວ ເພື່ອກ້າວສູ່ປະຊາຄົມເສດຖະກິດອາຊຽນ ແລະ ປັບປຸງການຈັດຕັ້ງລະບົບສົ່ງເສີມ ແລະ ການບໍລິການທຸລະກິດຂອງ ສຄອຊ, ສຄອຊ ແຂວງ, ກຸ່ມ ແລະ ສະມາຄົມທຸລະກິດຢູ່ ສປປ ລາວ.

ไม่มีคำอธิบายรูปภาพ

ໂອກາດດັ່ງກ່າວ ທ່ານ ທອງລຸນ ສີສຸລິດ ນາຍົກລັດຖະມົນຕີ ແຫ່ງ ສປປ ລາວ ໄດ້ໃຫ້ກຽດໂອ້ລົມສະແດງຄວາມຍ້ອງຍໍຊົມເຊີຍຜົນງານການເຄື່ອນໄຫວຂອງ ສຄອຊ ຕະຫຼອດໄລຍະຜ່ານມາ ແລະ ໄດ້ເນັ້ນໃຫ້ ສຄອຊ ເອົາໃຈໃສ່ໃນການປະສານງານກັບຂະແໜງການກ່ຽວຂ້ອງ ເພື່ອສ້າງໄດ້ກົນໄກການປະສານງານລະຫວ່າງພາກທຸລະກິດ ແລະ ບັນດາຂະແໜງການຂອງລັດ;

ໃຫ້ບັນດາຫົວໜ່ວຍທຸລະກິດເອົາໃຈໃສ່ໃນການພັດທະນາຕົນເອງຫັນມາເປັນການຜະລິດ ແລະ ທຸລະກິດເປັນປາຍແຫຼມສົ່ງອອກ ໃນການຂະຫຍາຍທຸລະກິດຂອງຕົນໄປຍັງພາກພື້ນ ແລະ ສາກົນໃຫ້ເພີ່ມຂຶ້ນ ໂດຍການເພີ່ມນະວັດຕະກໍາໃໝ່ເຂົ້າໃນປັດໄຈຂອງການດໍາເນີນທຸລະກິດໃຫ້ມີການຮ່ວມມືກັບທຸລະກິດປະເທດເພື່ອນບ້ານໃນພາກພື້ນ ແລະ ສາກົນ;

ในภาพอาจจะมี ต้นไม้, สถานที่กลางแจ้ง และธรรมชาติ

ເພີ່ມການແລກປ່ຽນຖອດຖອນບົດຮຽນ ແລະ ຮຽນຮູ້ເຊິ່ງກັນ ແລະ ກັນ; ເປັນເຈົ້າການສ້າງເງື່ອນໄຂໃຫ້ມີນັກທຸລະກິດດີເດັ່ນ ແລະ ຮັບໂລ້ລາງວັນໃຫ້ຫຼາຍ; ໃຫ້ສືບຕໍ່ການປະສານງານກັບສະພາການຄ້າຕ່າງປະເທດຢູ່ລາວ ແລະ ຊຸກຍູ້ສ້າງເງື່ອນໄຂຊ່ວຍສະພາການຄ້າ ແລະ ອຸດສາຫະກໍາຂັ້ນແຂວງ ໃຫ້ສາມາດເຄື່ອນໄຫວໄດ້ຕາມພາລະບົດບາດຂອງຕົນ; ໃຫ້ສືບຕໍ່ຄົ້ນຄວ້າຂະຫຍາຍສູນສົ່ງເສີມ SMEs ໄປຍັງບາງແຂວງທີ່ມີເງື່ອນໄຂ; ສ້າງຄວາມເຂັ້ມແຂງໃຫ້ແກ່ວິສາຫະກິດຂະໜາດນ້ອຍ ແລະ ກາງ ແລະ ຈຸນລະວິສາຫະກິດ ໃຫ້ເຂົາເຈົ້າມີການຖືບັນຊີຕາມກົດໝາຍ ແລະ ລະບຽບການ, ມີແຜນທຸລະກິດທີ່ເໝາະສົມ, ມີຖານະການເງິນທີ່ຄ່ອງຕົວ ແລະ ມີການປະກອບສ່ວນເສຍພັນທະໃຫ້ລັດຕາມລະບຽບກົດໝາຍຢ່າງຖືກຕ້ອງ ແລະ ທັນເວລາ ເພື່ອປະກອບສ່ວນເຂົ້າໃນການພັດທະນາເສດຖະກິດໃຫ້ມີ ຄວາມເຂັ້ມແຂງ.

ในภาพอาจจะมี พื้นหญ้า, ท้องฟ้า, ต้นไม้, ต้นพืช, สถานที่กลางแจ้ง และธรรมชาติ

ເປັນເຈົ້າການສ້າງເງື່ອນໄຂໃຫ້ມີນັກທຸລະກິດດີເດັ່ນ ແລະ ຮັບໂລ້ລາງວັນໃຫ້ຫຼາຍ; ໃຫ້ສືບຕໍ່ການປະສານງານກັບສະພາການຄ້າຕ່າງປະເທດຢູ່ລາວ ແລະ ຊຸກຍູ້ສ້າງເງື່ອນໄຂຊ່ວຍສະພາການຄ້າ ແລະ ອຸດສາຫະກໍາຂັ້ນແຂວງ ໃຫ້ສາມາດເຄື່ອນໄຫວໄດ້ຕາມພາລະບົດບາດຂອງຕົນ; ໃຫ້ສືບຕໍ່ຄົ້ນຄວ້າຂະຫຍາຍສູນສົ່ງເສີມ SMEs ໄປຍັງບາງແຂວງທີ່ມີເງື່ອນໄຂ; ສ້າງຄວາມເຂັ້ມແຂງໃຫ້ແກ່ວິສາຫະກິດຂະໜາດນ້ອຍ ແລະ ກາງ ແລະ ຈຸນລະວິສາຫະກິດ ໃຫ້ເຂົາເຈົ້າມີການຖືບັນຊີຕາມກົດໝາຍ ແລະ ລະບຽບການ, ມີແຜນທຸລະກິດທີ່ເໝາະສົມ, ມີຖານະການເງິນທີ່ຄ່ອງຕົວ ແລະ ມີການປະກອບສ່ວນເສຍພັນທະໃຫ້ລັດຕາມລະບຽບກົດໝາຍຢ່າງຖືກຕ້ອງ ແລະ ທັນເວລາ ເພື່ອປະກອບສ່ວນເຂົ້າໃນການພັດທະນາເສດຖະກິດໃຫ້ມີ ຄວາມເຂັ້ມແຂງ.

CR:Laoedaily