ລາຍງານອາກາດ ປະຈຳວັນພຸດ ທີ 23 ມັງກອນ 2019

366

ກົມອຸຕຸນິຍົມ ແລະ ອຸທົກກະສາດໃຫ້ຮູ້ວ່າ: ພະຍາກອນອາກາດປະຈໍາວັນພຸດ ທີ 23 ມັງກອນ 2019 ໂດຍລວມຄວາມກົດດັນສູງຂອງອາກາດເຢັນທີ່ປະເທດຈີນ ຍັງສືບຕໍ່ແຜ່ລົງມາປົກຄຸມ ຢູ່ທົ່ວທຸກພາກຂອງປະເທດລາວ ດ້ວຍກຳລັງປານກາງ, ສົມທົບກັບລົມຕາເວັນອອກສ່ງເໜືອພັດປົກຄຸມ. ເຊິ່ງຈະເຮັດໃຫ້ອຸນຫະພູມອາກາດສືບຕໍ່ເຢັນລົງ ພ້ອມມີໝອກບາງປົກຫຸ້ມໃນຕອນກາງຄືນ ຫາ ຕອນເຊົ້າຢູ່ໃນແຕ່ລະພາກ ແລະ ອາກາດຍັງຈະໜາວເຢັນຢູ່ແຂວງພາກເໜືອ, ແຂວງໄຊສົມບູນ ແລະ ເຂດພູພຽບໍລະເວນ ພ້ອມມີໝອກໜາປົກຫຸ້ມໃນຕອນເຊົ້າ.

ພາກເໜຶອດ້ານຕາເວັນອອກ: ອາກາດເຢັນ ພ້ອມມີໝອກໜາປົກຫຸ້ມໃນຕອນເຊົ້າມີລົມພັດແຮງຢູ່ບາງທ້ອງຖິ່ນແຂວງຊຽງຂວາງ. ອຸນຫະພູມ ຢູ່ລະຫວ່າງ 09–17 ອົງສາ.

ไม่มีคำอธิบายรูปภาพ

ພາກເໜຶອດ້ານຕາເວັນຕົກ: ອາກາດເຢັນ ຫາ ໜາວເຢັນ ພ້ອມມີໝອກບາງປົກຫຸ້ມໃນຕອນເຊົ້າ ແລະ ໝອກໜາປົກຫຸ້ມຢູ່ບາງທ້ອງຖິ່ນ ເຂດພູສູງ ແລະ ຮ່ອມພູ. ອຸນຫະພູມຢູ່ລະຫວ່າງ 12-29 ອົງສາ.

ไม่มีคำอธิบายรูปภาพ

ພາກກາງ: ອາກາດເຢັນພ້ອມມີໝອກໜາປົກຫຸ້ມໃນຕອນເຊົ້າ ແລະ ຈະມີລົມພັດແຮງເປັນບາງໂອກາດຢູ່ບາງທ້ອງຖິ່ນທາງທິດຕາເວັນອອກ. ອຸນຫະພູມຢູ່ລະຫວ່າງ 14-30 ອົງສາ.

ไม่มีคำอธิบายรูปภาพ

ພາກໃຕ້ ອາກາດເຢັນ ພ້ອມມີໝອກບາງປົກຫຸ້ມໃນຕອນເຊົ້າ. ອຸນຫະພູມຢູ່ລະຫວ່າງ 17-32  ອົງສາ.

ไม่มีคำอธิบายรูปภาพ

Picture: ກົມອຸຕຸນິຍົມ ແລະ ອຸທົກກະສາດ