ຈົມນ້ຳຕາຍ 170 ຄົນ! ຈາກຄວາມພະຍາຍາມຂອງກຸ່ມອົບພະຍົບຈາກອາຟຣິກາສູ່ທະວີບເອີຣົບ

228

ຜູ້ອົບພະຍົບເດີນທາງດ້ວຍເຮືອໄປທະວີບເອີຣົບ ປະມານ 170 ຄົນ ສູນຫາຍໄປໃນທະເລເມດິເຕີເຣນ້ຽນ ໃນ 2 ເຫດການ ຫຼັງເດີນທາງຈາກເມືອງຕິດທະເລລິເບຍ ແລະ ໂມຣັອກໂກ ຈາກການເປີດເຜີຍຂອງໜ່ວຍງານຜູ້ອົບພະຍົບສາກົນ ເມື່ອວັນເສົາ.

ສໍານັກຂ່າວຣອຍເຕີລາຍງານຈາກເມືອງມິລານ ປະເທດອິຕາລີ ເມື່ອວັນອາທິດ ທີ 20 ມັງກອນ ວ່າ ທ່ານ ຟລາວິໂອ ດິ ຈາໂຄໂມ ໂຄສົກອົງກອນລະຫວ່າງປະເທດເພື່ອການຍົກຍ້າຍຖິ່ນຖານ (IOM: International Organization for Migration) ເຜີຍວ່າ ຍົນເຮລີຄອບເຕີລາດຕະເວນຂອງກອງທັບເຮືອອິຕາລີ ສາມາດຊ່ວຍເຫຼືອຜູ້ອົບພະຍົບໄດ້ 3 ຄົນ ຢູ່ເທິງແພຢາງ ກາງທະເລເມດິເຕີເຣນ້ຽນ ນອກຊາຍຝັ່ງລີເບຍ ເມື່ອຕອນບ່າຍວັນສຸກ ກ່ອນຈະນຳຕົວຂຶ້ນຝັ່ງທີ່ເກາະລຳເປດູຊາ ທາງພາກໃຕ້ຂອງອິຕາລີ ແລະ ນຳຕົວສົ່ງໂຮງໝໍເພື່ອຮັກສາຮ່າງກາຍທີ່ອຸນຫະພູມຕ່ໍາເກີນໄປ ເນື່ອງຈາກແຊ່ໃນນ້ໍາເຢັນເປັນເວລາດົນ.

ในภาพอาจจะมี มหาสมุทร, สถานที่กลางแจ้ง, น้ำ และธรรมชาติ

ຜູ້ລອດຊີວິດທັງ 3 ຄົນ ເຜີຍວ່າ ພວກຕົນເປັນສ່ວນໜຶ່ງໃນກຸ່ມຜູ້ອົບພະຍົບຈາກຫຼາຍປະເທດ ໃນອາຟຣິກາລວມ 120 ຄົນ ອອກເດີນທາງດ້ວຍເຮືອຈາກແຄມຝັ່ງເມືອງກາສ ກາຣາບັນລີ ທາງພາກເໜືອຂອງລິເບຍ ເມື່ອຄືນວັນພະຫັດ ເພື່ອຂ້າມທະເລເມດິເຕີເຣນ້ຽນໄປທະວີບເອີຣົບ ແຕ່ເຮືອໄດ້ຫຼົ້ມກາງທະເລ ຫຼັງອອກເດີນທາງໄປໄດ້ບໍ່ເທົ່າໃດຊົ່ວໂມງ ຜູ້ອົບພະຍົບຈໍານວນຫຼາຍທະຍອຍຈົມຫາຍລົງໄປໃນທະເລ ຫຼັງເກາະຢູ່ແພລອຍຄໍຫຼາຍຊົ່ວໂມງ.

ສ່ວນອີກເຫດການຜູ້ອົບພະຍົບ 53 ຄົນ ທີ່ອອກເດີນທາງຈາກໂມຣັອກໂກສູ່ທະວີບເອີຣົບດ້ວຍເຮືອແພຢາງສູນຫາຍໄປໃນທະເລເມດິເຕີເຣນ້ຽນທາງຟາກຕາເວັນຕົກ ຫຼັງຈາກເຮືອຫຼົ້ມທີ່ເກີດຈາກການກະທົບ ມີຜູ້ລອດຊີວິດພຽງແຄ່ຄົນດຽວ.

ในภาพอาจจะมี มหาสมุทร, น้ำ และสถานที่กลางแจ้ง

ທ່ານ ມັດເຕໂອ ຊັລວິນີ ລັດມົນຖະຕີມະຫາດໄທອິຕາລີ ເຜີຍເມື່ອວັນເສົາ ວ່າ ນັບຕັ້ງແຕ່ວັນທີ 1 ມັງກອນ ປີນີ້ ມີຜູ້ອົບພະຍົບເດີນທາງດ້ວຍເຮືອເຖິງແຄມຝັ່ງອິຕາລີແລ້ວ 100 ຄົນ ທຽບກັບປະມານ 2.000 ຄົນ ໃນໄລຍະເວລາດຽວກັນຂອງປີທີ່ຜ່ານມາ ສ່ວນຂໍ້ມູນຂອງໄອໂອເອັມ ລະບຸວ່າ ຜູ້ອົບພະຍົບເດີນທາງເຂົ້າສູ່ທະວີບເອີຣົບ ໃນໄລຍະ 16 ວັນທໍາອິດ ຂອງປີ 2019 ມີທັງໝົດ 4.449 ຄົນ ເກືອບທັງໝົດເດີນທາງດ້ວຍເຮືອຂ້າມທະເລເມດິເຕີເຣນຽນ ທຽບກັບ 2.964 ຄົນ ໃນໄລຍະເວລາດຽວກັນຂອງປີ 2018.