ຕາຍກວ່າ 70 ຄົນ ຈາກເຫດທໍ່ສົ່ງນ້ໍາມັນລະເບີດໃນເມັກຊິໂກ

326

ຈໍານວນຜູ້ເສຍຊີວິດຈາກເຫດລະເບີດຂອງທໍ່ສົ່ງນ້ໍາມັນທີ່ຮົ່ວໄຫຼ ຍ້ອນສາເຫດທີ່ອາດຈະມາຈາກຄວາມພະຍາຍາມລັກນ້ໍາມັນ ໃນລັດທາງພາກກາງຂອງປະເທດເມັກຊິໂກ ເມື່ອແລງວັນສຸກ ທີ່ຜ່ານມາ ເພິ່ມຂຶ້ນຫຼາຍກວ່າ 70 ຄົນ.

ສໍານັກຂ່າວຕ່າງປະເທດລາຍງານຈາກນະຄອນຫຼວງເມັກຊິໂກ ຊິຕີ້ ປະເທດເມັກຊິໂກ ເມື່ອວັນເສົາ ທີ 19 ມັງກອນ ກ່ຽວກັບຄວາມຄືບໜ້າຫຼັງເກີດເຫດລະເບີດຢ່າງຮຸນແຮງທີ່ທໍ່ສົ່ງນ້ໍາມັນເສັ້ນໜຶ່ງ ໃນເຂດຕລາຮົວລີປັນ ຂອງລັດອີດັລໂກ ທາງພາກກາງຂອງເມັກຊິໂກ ແລະ ຕັ້ງຢູ່ທາງພາກເໜືອຂອງນະຄອນຫຼວງເມັກຊິໂກ ຊິຕີ້ ເມື່ອຕອນແລງຂອງວັນສຸກ ຕາມເວລາທ້ອງຖິ່ນ ວ່າ ຈໍານວນຜູ້ເສຍຊີວິດເພິ່ມຂຶ້ນຢ່າງໜ້ອຍ 71 ຄົນ ແລະ ຜູ້ໄດ້ຮັບບາດເຈັບ 75 ຄົນ ປະທານາທິບໍດີອັນເດຣສ ມານູເອລ ໂລເປຊ ໂອບຣາດໍ ເດີນທາງລົງພື້ນທີ່ ເພື່ອສໍາຫຼວດຄວາມເສຍຫາຍ ແລະ ຢ້ຽມຢາມຜູ້ໄດ້ຮັບບາດເຈັບ ເມື່ອວັນເສົາ ພ້ອມທັງກ່າວປົກປ້ອງການເຮັດວຽກຂອງເຈົ້າໜ້າ ທັງທະຫານ ແລະ ຕໍາຫຼວດ ຕະຫຼອດຈົນເຈົ້າໜ້າທີ່ດັບເພີງ ຫຼັງມີສຽງວິຈານວ່າລົງພື້ນທີ່ຊ່ວຍເຫຼືອຊ້າເກີນໄປ.

ในภาพอาจจะมี หนึ่งคนขึ้นไป, ผู้คนกำลังยืน, พื้นหญ้า, ต้นพืช, ต้นไม้, เด็ก, สถานที่กลางแจ้ง และธรรมชาติ
ในภาพอาจจะมี ต้นไม้, สถานที่กลางแจ้ง และธรรมชาติ

ທັງນີ້ ຜູ້ນໍາຝ່າຍຊ້າຍ ອາຍຸ 65 ປີ ກ່າວວ່າ ເຈົ້າໜ້າທີ່ເຊິ່ງປະຈໍາການຢູ່ບໍລິເວນນັ້ນ ປະມານ 25 ຄົນສັງເກດເຫັນປະຊາຊົນກຸ່ມໃຫຍ່ພາກັນເຂົ້າໄປຕັກນ້ໍາມັນທີ່ຮົ່ວໄຫຼຈາກທໍ່ ເຊິ່ງທາງເຈົ້າໜ້າທີ່ກໍ່ໃຊ້ວິທີການທີ່ປະນີປະນອມ ເພື່ອຫຼີກລ່ຽງການປະທະໃຫ້ໄດ້ຫຼາຍທີ່ສຸດ ແລະ ເມື່ອມັນເກີດເຫດໄຟໄໝ້ຂຶ້ນ ເຊິ່ງເປັນເລື່ອງທີ່ເໜືອຄວາມຄາດໝາຍ ຜູ້ນຳເມັກຊິໂກກໍ່ຢືນຢັນວ່າໜ່ວຍງານທຸກແຫ່ງທີ່ກ່ຽວຂ້ອງພະຍາຍາມຢ່າງສຸດຄວາມສາມາດ ໃນການຄວບຄຸມສະຖານະການ.

ในภาพอาจจะมี หนึ่งคนขึ้นไป และสถานที่กลางแจ้ง

ຂະນະດຽວກັນ ທ່ານ ໂລເປຊ ໂອບຣາດໍ ກ່າວດ້ວຍວ່າ ຕົນຈະເພີ່ມກໍາລັງທະຫານ ແລະ ຕໍາຫຼວດ ທັງໃນ ແລະ ນອກເຄື່ອງແບບໃຫ້ຫຼາຍຂຶ້ນອີກ ໃນການປ້ອງກັນລະບົບໂຄງສ້າງພື້ນຖານດ້ານພະລັງງານຂອງປະເທດທີ່ຕົກເປັນເປົ້າໝາຍຂອງກຸ່ມອາດຊາຍາກໍາມາດົນຫຼາຍປີ ທີ່ລັກລອບເຈາະທໍ່ເພື່ອສູບນ້ໍາມັນໄປຂາຍໃນຕະຫຼາດມືດ ແລະ ຂໍໃຫ້ປະຊາຊົນອົດທົນອີກໄລຍະໜຶ່ງກັບ “ມາດຕະການຫັກດິບ” ຂອງລັດຖະບານໃນຄັ້ງນີ້ ທາງດ້ານບໍລິສັດເປໂຕຣເລໂອສ ເມັກຊິການອສ ຫຼື ເປເມກ ເຊິ່ງເປັນລັດວິສາຫະກິດດ້ານພະລັງງານຂອງເມັກຊິໂກ ລາຍງານການກວດພົບຄວາມພະຍາຍາມເຈາະທໍ່ສົ່ງນ້ໍາມັນຢ່າງໜ້ອຍ 10 ແຫ່ງ ໃນໄລຍະ 90 ວັນ ທີ່ຜ່ານມາ ແລະ ເມື່ອວັນທີ 18 ທັນວາ ປີທີ່ຜ່ານມາ ເກີດການລະເບີດກັບທໍ່ສົ່ງນ້ໍາມັນທີ່ເພເສຍຫາຍເສັ້ນໜຶ່ງ ແລະ ເຈົ້າໜ້າທີ່ໃຊ້ເວລາດົນກວ່າ 12 ຊົ່ວໂມງ ໃນການຄວບຄຸມໄຟໃນຄັ້ງນັ້ນ.

ອີກປະການໜຶ່ງ ລັດຖະບານເມັກຊິໂກຊຸດປັດຈຸບັນ ໃຫ້ຄວາມສໍາຄັນເປັນຢ່າງໜັກກັບການລັກນ້ໍາມັນຈາກທໍ່ສົ່ງຂອງພາກລັດທີ່ສົ່ງຜົນໃຫ້ລັດຖະບານຕ້ອງສູງເສຍລາຍໄດ້ມະຫາສານໂດຍບໍ່ຈໍາເປັນມາດົນຫຼາຍປີ ໂດຍມູນຄ່າຄວາມເສຍຫາຍຈາກການລັກນ້ໍາມັນ ສູງເຖິງ 3.000 ລ້ານໂດລາ (ກວ່າ 25.660 ຕື້ກີບ) ສະເພາະເມື່ອປີທີ່ຜ່ານມາເທົ່ານັ້ນ ແຕ່ການປິດທໍ່ສົ່ງນ້ໍາມັນສາຍຫຼັກ 2 ແຫ່ງ ໃນນະຄອນຫຼວງເມັກຊິໂກ ຊິຕີ້ ເປັນການຊົ່ວຄາວຕັ້ງແຕ່ເດືອນທີ່ຜ່ານມາ ສົ່ງໃຫ້ເກີພາວະຂາດແຄນເຊື້ອໄຟຢ່າງໜັກພາຍໃນປະເທດ ແລະ ຫຼາຍຝ່າຍເຕືອນລັດຖະບານເມັກຊິໂກ ບໍ່ຄວນປ່ອຍໃຫ້ສະຖານະການນີ້ລາກຍາວຫຼາຍເກີນໄປ ເພາະຈະສົ່ງຜົນການທົບຕໍ່ເສດຖະກິດຂອງປະເທດ.

ในภาพอาจจะมี ท้องฟ้า และสถานที่กลางแจ้ง
ในภาพอาจจะมี หนึ่งคนขึ้นไป และสถานที่กลางแจ้ง