ຫຼຽນ 1 ເຊັນ ໃນກະເປົ໋າຂອງເດັກຄົນໜຶ່ງ ເຄີຍຖືກນໍາມາປະມູນໄດ້ເຖິງ 14 ຕື້ກີບ

248

ໃນປີ 1947 ມີເດັກນ້ອຍໄວລຸ້ນຄົນໜຶ່ງ ອາຍຸປະມານ 16 ປີ ຊື່ທ້າວ Don Lutes Jr ພົບເຫັນຫຼຽນ 1 ເຊັນ ເຊິ່ງລວມຢູ່ກັບເງິນຄ່າໃຊ້ຈ່າຍທົ່ວໄປທີ່ຕົນໄດ້ມາ ມັນມີຫຼຽນບາງອັນທີ່ຕ່າງຈາກຈາກຫຼຽນທົ່ວໆໄປ ດັ່ງນັ້ນ ແທນທີ່ຕົນຈະນຳມັນໃຊ້ຈ່າຍ ແຕ່ເດັກຄົນນີ້ເລືອກທີ່ຈະເກັບຫຼຽນນີ້ໄວ້ມາດົນກວ່າ 70 ປີ ຈົນຕົນເອງໄດ້ເສຍຊີວິດລົງ.

ไม่มีคำอธิบายรูปภาพ

ແລ້ວໃຜຈະໄປເຊື່ອວ່າຫຼຽນຄ່າຊື້ເຂົ້າໜົມ ຊື້ນັ້ນ ຊື້ນີ້ ໃນໄວເດັກຫຼຽນນັ້ນ ໃນປັດຈຸບັນຈະເຄີຍຖືກນໍາໄປປະມູນຂາຍ ດ້ວຍມູນຄ່າທີ່ອາດຈະສູງໄດ້ເຖິງຫຼາຍຕື້ກີບ.

ຍ້ອນວ່າຫຼຽນທີ່ Don Lutes Jr ມີນັ້ນ ແທ້ຈິງແລ້ວເປັນໜຶ່ງໃນຫຼຽນທອງແດງຫາຍາກທີ່ຖືກຜະລິດຂຶ້ນໂດຍບັງເອີນ ໃນປີ 1943 ແລະ ມີພຽງ 20 ຫຼຽນ ເທົ່ານັ້ນ.

ໃນໄລຍະປີ 1940 ທອງແດງ ໃນອາເມຣິກາຈະຖືກເກັບໄວ້ເຮັດສາຍໄຟ ຫຼື ອຸປະກອນທາງການທະຫານ ເນື່ອງຈາກປະເທດກໍາລັງຕົກຢູ່ໃນພາວະສົງຄາມ.

ไม่มีคำอธิบายรูปภาพ

ດັ່ງນັ້ນ ຫຼຽນໃນສະໄຫມນີ້ ຈຶ່ງມັກເຮັດຈາກເຫຼັກເຄືອບສັງກະສີ ແລະ ຫຼຽນທີ່ເຮັດຈາກທອງແດງ (ດົນໆເທື່ອ ກໍ່ຖືກຜະລິດຂຶ້ນຈາກຄວາມຜິດພາດ) ແລະ ຈະບໍ່ໄດ້ຮັບການຍອມຮັບຈາກລັດຖະບານປານໃດ.

ຈາກການບອກເລົ່າຂອງ Don Lutes Jr ນັ້ນ ກ່ອນທີ່ຕົນຈະເສຍຊີວິດ ລາວເຄີຍເອົາຫຼຽນນີ້ໄປສອບຖາມກັບທາງທະນາຄານມາກ່ອນແລ້ວ ແຕ່ຍ້ອນທາງລັດຖະບານບໍ່ຍອມຮັບວ່າມີການຜະລິດຫຼຽນນີ້ຂຶ້ນດ້ວຍຄວາມຜິດພາດ ແລະ ທາງທະນາຄານຈຶ່ງບອກວ່າຫຼຽນທີ່ຕົນມີເປັນຂອງປອມ.

ไม่มีคำอธิบายรูปภาพ

ແຕ່ເອົາແທ້ໆແລ້ວ ຫຼຽນໃນລັກສະນະນີ້ ເຄີຍຖືກນໍາມາວາງປະມູນມາແລ້ວຄັ້ງໜຶ່ງ ເມື່ອປີ 2010 ແລະ ໄດ້ມີການປິດປະມູນໄປໃນລາຄາສູງ ປະມານ 14.473.138.000 ກີບ ດັ່ງນັ້ນ ທາງສະຖານທີ່ປະມູນເອງກໍ່ເຊື່ອວ່າ ການປະມູນໃນຄັ້ງນີ້ກໍ່ອາດຈະມີລາຍໄດ້ຈາກການປະມູນສູງ ໃນລະດັບໜຶ່ງເຊັ່ນກັນ.

CR: allthatsinteresting