ເງິນໂດລາແຂງຄ່າ ນັກທຸລະກິດແຫ່ຊື້

247

ເງິນໂດລາແຂງຄ່າຂຶ້ນເມື່ອປຽບທຽບກັບສະກຸນເງິນສໍາຄັນຂອງໂລກ ໃນການຊື້ – ຂາຍຕະຫຼາດເງິນ ນິວຢອກ ສະຫະລັດອາເມຣິກາ ເມື່ອທ້າຍອາທິດທີ່ຜ່ານມາ ເນື່ອງຈາກນັກທຸລະກິດເຫັນວ່າເປັນຊັບສິນທີ່ປອດໄພ, ຫຼັງຈາກ ທ່ານ ເຈີໂຣມ ພາວເວວ ຜູ້ວ່່າການທະນາຄານກາງ ອາເມຣິກາ ຫຼື ເຟດ ເຕືອນວ່າ: ຄວາມຍືດເຍື້ອຂອງສະຖານະການປິດໜ່ວຍງານລັດຖະບານ ອາດຈະສົ່ງຜົນກະທົບຕໍ່ທ່າອ່ຽງເສດຖະກິດຂອງອາເມຣິກາ.

ທ່ານ ພາວເວວ ກ່າວວ່າ: ເຟດ ຈະຍັງປັບຫຼຸດງົບດຸນລົງຈາກລະດັບປັດຈຸບັນ ເຊິ່ງຈະເຮັດໃຫ້ຈໍານວນເງິນທີ່ໄຫຼເຂົ້າສູ່ຕະຫຼາດມີປະລິມານຫຼຸດລົງ ໂດຍຄວາມເຄື່ອນໄຫວດັ່ງກ່າວຖືເປັນການສົ່ງສັນຍານວ່າ ເຟດ ຍັງມີເປົ້າໝາຍທີ່ຈະເຂັ້ມງວດນະໂຍບາຍການເງິນຕໍ່ໄປ.

ในภาพอาจจะมี 2 คน, คนที่ยิ้ม

ທັງນີ້, ໂດລາແຂງຄ່າຂຶ້ນເມື່ອປຽບທຽບກັບເງິນເຢນ ທີ່ລະດັບ 108,42 ເຢນ ຈາກລະດັບ 108,26 ເຢນ ແລະ ແຂງຄ່າຂຶ້ນ ເມື່ອປຽບທຽບກັບເງິນຟຣັງສະວິດ ທີ່ລະດັບ 0,98 ຟຣັງ ຈາກລະດັບ 0,97 ຟຣັງ. ນອກຈາກນີ້, ໂດລາຍັງແຂງຄ່າຂຶ້ນເມື່ອປຽບທຽບກັບເງິນໂດລາການາດາ ທີ່ລະດັບ 1,3227 ໂດລາການາດາ ຈາກລະດັບ 1,3221 ໂດລາການາດາ.

ຂະນະທີ່ເງິນເອີໂຣອ່ອນຄ່າຂຶ້ນເມື່ອປຽບທຽບກັບໂດລາສະຫະລັດ ທີ່ລະດັບ 1,14 ໂດລາ ຈາກລະດັບ 1,15 ໂດລາ, ສ່ວນເງິນປອນອ່ອນຄ່າລົງຈຸລະດັບ 1,2744 ໂດລາ ຈາກລະດັບ 1,2794 ໂດລາ, ຂະນະດຽວກັນເງິນໂດລາອົດສະຕຣາລີແຂງຄ່າຂຶ້ນສູ່ລະດັບ 0,7182 ໂດລາສະຫະລັດ ຈາກລະດັບ 0,7180 ໂດລາສະຫະລັດ.