ຢ້ອນຮອຍອະດີດ “ປຶ້ມທີ່ເຮັດດ້ວຍໜັງຄົນ” ທີ່ບໍ່ໄດ້ມີຢູ່ໃນໂລກພຽງເຫຼັ້ມດຽວ

406

ເມື່ອເວົ້າເຖິງປຶ້ມທີ່ເຮັດຈາກຜິວໜັງຄົນເຊື່ອວ່າ ພຽງຄິດເຫັນເປັນພາບ ກໍ່ເຮັດໃຫ້ຫຼາຍໆຄົນກໍ່ຂົນລຸກແລ້ວ ແຕ່ທ່ານເຊື່ອ ຫຼື ບໍ່ ວ່າປຶ້ມທີ່ເຮັດຈາກຜິວໜັງຄົນທີ່ກ່າວມານີ້ ມັນພັດປະກົດຂຶ້ນມາໃນປະວັດສາດຢ່າງຫຼວງຫຼາຍເຕັມໄປໝົດ.

ເປັນເລື່ອງລາວທີ່ຮູ້ກັນວ່າຄົນເຮົາຮູ້ຈັກການຫຼົກໜັງຄົນດ້ວຍກັນເອງ ມາຕັ້ງແຕ່ສະໄໝຈັກກະພັດອັສຊີເຣຍແລ້ວ ແລະ ມີຄວາມເປັນໄປໄດ້ສູງ ວ່າ ໃນສະໄໝກ່ອນ ອາດຈະມີຄົນບໍ່ໜ້ອຍເລີຍທີ່ຄິດຈະເອົາໜັງຄົນໄປເຮັດສິ່ງຂອງຕ່າງໆ.

ไม่มีคำอธิบายรูปภาพ
Recueil des secrets (ຊ້າຍ) ແລະ Les nouvelles découvertes sur toutes les principales parties de l’homme, et de la femme (ຂວາ) ແມ່ນປຶ້ມອີກສອງເຫຼັ້ມທີ່ໄດ້ຮັບການຢືນຢັນແລ້ວ

ເຖິງວ່າຈະເປັນເຊັ່ນນັ້ນກໍ່ຕາມ ປຶ້ມທີ່ມີຫຼັກຖານ ວ່າ ເຮັດຈາກໜັງຄົນທີ່ເກົ່າແກ່ທີ່ສຸດ ທີ່ຫາກໍ່ປະກົດອອກມາໃນປະວັດສາດ ເມື່ອໄລຍະສັດຕະວັດ ທີ 16-17 ເທົ່ານັ້ນ ແຖມຍັງມາພ້ອມກັບປຶ້ມປອມເປັນຈໍານວນຫຼາຍ.

ເອົາຕາມຕົງ ແມ້ແຕ່ປຶ້ມເຫຼັ້ມທໍາອິດ ທີ່ອ້າງວ່າເຮັດຈາກໜັງຄົນ ແລະ ຍັງຫຼົງເຫຼືອຢູ່ໃນປັດຈຸບັນນັ້ນ ກໍ່ຍັງເປັນປຶ້ມທີ່ບໍ່ໄດ້ເຮັດຈາກໜັງຄົນແທ້ໆເລີຍ.

ແຕ່ປຶ້ມເຫຼັ້ມທີ່ວ່າ ຄື ປຶ້ມກົດໝາຍຂອງປະເທດສະເປນ ທີ່ມີຊື່ “Practicarum passestionum circa leges regias” ເຊິ່ງມີການບອກຊື່ຜູ້ເປັນຂອງເຈົ້າຂອງຜິວໜັງນັ້ນໄວ້ໃນປຶ້ມດ້ວຍ.

ในภาพอาจจะมี อาหาร
Practicarum passestionum circa leges regias ຈາກໄລຍະ 1605-1606

ເປັນເລື່ອງທີ່ໜ້າແປກໃຈ ຈາກການກວດສອບໃນປັດຈຸບັນ ນັກວິທະຍາສາດກໍ່ພົບວ່າ ປຶ້ມທີ່ຖືກອ້າງວ່າເຮັດມາຈາກໜັງຄົນ ພັດມີສະພາບເປັນພຽງໜັງແກະເທົ່ານັ້ນ.

ເປັນໄປໄດ້ວ່າ ນີ້ອາດຈະເກີດຈາກໄດ້ມີການສັບປ່ຽນປຶ້ມຕາມການເວລາ ຫຼື ບໍ່ກໍ່ເປັນພຽງການຂຽນຂໍ້ຄວາມຕົວະຊື່ເຈົ້າຂອງຜິວໜັງຂຶ້ນມາອ້າງໃນປຶ້ມເຫຼັ້ມດັ່ງກ່າວກໍ່ເປັນໄດ້.

ในภาพอาจจะมี หนึ่งคนขึ้นไป, ผู้คนกำลังนั่ง และสถานที่ในร่ม

ເຖິງວ່າປຶ້ມກົດໝາຍເຫຼັ້ມດັ່ງກ່າວ ຈະບໍ່ໄດ້ມີໜັງຄົນຢູ່ຈິງ ມັນກໍ່ບໍ່ໄດ້ໝາຍຄວາມວ່າ ປຶ້ມເຮັດຈາກໜັງຄົນຈະເປັນຂອງປອມທັງໝົດ.

ເພາະປຶ້ມ “De humani corporis fabrica” ​​ທີ່ຕີພິມອອກ ໃນປີ 1568 ນັ້ນ ໄດ້ຮັບການກວດສອບ ແລະ ຢືນຢັນເປັນທີ່ຮຽບຮ້ອຍແລ້ວວ່າ ມີສ່ວນປະກອບຂອງໜັງຄົນຢູ່ແທ້ໆ.

ไม่มีคำอธิบายรูปภาพ

De humani corporis fabrica ສະບັບພິມຄັ້ງທໍາອິດ ໂດຍ Andreas Vesalius
(ເປັນສະບັບທີ່ບໍ່ໄດ້ຖືກນໍາໄປກວດສອບ)

ເທົ່ານັ້ນຍັງບໍ່ພໍ ເພາະໄລຍະທ້າຍ ສະຕະວັດທີ 18 ກໍ່ພັດມີກະແສຂ່າວເລື່ອງການເຮັດປຶ້ມຈາກໜັງຄົນ ຂຶ້ນມາ ອາດຈະເປັນຍ້ອນຂ່າວລືທີ່ວ່າ ໄດ້ມີຄົນເອົາໜັງຄົນໄປຕາກເຮັດສິນຄ້າໄລຍະການປະຕິວັດຝຣັ່ງ ໄດ້ຮັບຄວາມນິຍົມໃນສັງຄົມກໍ່ເປັນໄດ້ ເຮັດໃຫ້ໃນໄລຍະນັ້ນມີກະແສການເຮັດປຶ້ມຈາກໜັງຄົນຂຶ້ນມາເປັນຈໍານວນຫຼາຍ.

ຕົວຢ່າງປຶ້ມເຫຼົ່ານີ້ ທີ່ໄດ້ຮັບການພິສູດແລ້ວ ເຊັ່ນ ” Speculations on the mode and appearances of impregnation in the human female ” ໃນປີ 1789 ແລະ “The Dance of death” ໃນປີ 1816

ในภาพอาจจะมี อาหาร
Des destines de l’ame ຈາກປີ 1880 ເປັນປຶ້ມອີກເຫຼັ້ມທີ່ພິສູດແລ້ວວ່າ ເຮັດຈາກໜັງຄົນ

ຈຳນວນຂອງປຶ້ມທີ່ອອກມາໃນໄລຍະນີ້ ມັນກໍ່ເລີຍບໍ່ແມ່ນເລື່ອງແປກ ທີ່ເລື່ອງລາວກ່ຽວກັບປຶ້ມຈາກໜັງຄົນຈະແຜ່ກະຈາຍໄປທົ່ວທຸກມຸມໂລກ. ແລະ ເຖິງວ່າ ປຶ້ມສ່ວນຫຼາຍ ຈະເປັນຂອງປອມທີ່ເຮັດຈາກໜັງສັດອື່ນໆ ທີ່ບໍ່ແມ່ນໜັງຄົນກໍ່ຕາມ ແຕ່ຢ່າງໜ້ອຍ ໃນປີ 2017 ໃນໂລກຂອງເຮົາກໍ່ມີປຶ້ມທີ່ໄດ້ຮັບການພິສູດແລ້ວວ່າ ເຮັດຈາກໜັງຄົນແທ້ໆ ທີ່ມີຢູ່ຢ່າງໜ້ອຍ ເຖິງ 18 ເຫຼັ້ມເລີຍ ແລະ ມີແນວໂນ້ມວ່າຈະຄົ້ນພົບເພິ່ມຂຶ້ນອີກໃນອະນາຄົດດ້ວຍ.

ไม่มีคำอธิบายรูปภาพ

ແລ່ງຂ່າວ: thestar | independent | wikipedia