ເໝືອງຖ່ານຫິນ ຈີນເຈື່ອນລົງມາທັບຖົມ ກຳມະກອນເສຍຊີວິດ 21 ຄົນ

237

ແຮງງານເໝືອງຖ່ານຫິນ ເສຍຊີວິດ 21 ຄົນ ຈາກເຫດເໝືອງເຈື່ອນລົງມາທັບ ທາງພາກເໜືອຂອງປະເທດຈີນ.

ສໍານັກຂ່າວເອພີລາຍງານຈາກນະຄອນຫຼວງປັກກິ່ງ ປະເທດຈີນ ເມື່ອວັນອາທິດ ທີ 13 ມັງກອນ ວ່າ ສໍານັກຂ່າວຊິນຫົວຂອງທາງການຈີນ ແລະ ໂທລະທັດທາງການຈີນ ລາຍງານ ວ່າ ເກີດເຫດເໝືອງຖ່ານຫິນເຈື່ອນລົງມາທັບກຳມະກອນ ໃນເມືອງເສີນມູນ ມົນທົນສ່ານຊີ ທາງພາກເໜືອ ຂອງປະເທດຈີນ ເມື່ອວັນເສົາ ທີ 12 ມັງກອນ ທີ່ຜ່ານມາ ພົບຜູ້ເສຍຊີວິດແລ້ວ 21 ຄົນ ແຕ່ກໍ່ສາມາດຊ່ວຍເຫຼືອກຳມະກອນໃນເໝືອງຂຶ້ນມາໄດ້ 66 ຄົນ ຕາມລາຍງານຂອງລັດຖະບານທ້ອງຖິ່ນຂອງເມືອງເສີນມູ.

ในภาพอาจจะมี สถานที่กลางแจ้ง

ຈໍານວນຜູ້ເສຍຊີວິດ ແລະ ບາດເຈັບຈາກເຫດເໝືອງເຈື່ອນລົງມາທັບຖົມ, ການລະເບີດ ແລະ ຈາກໄພອື່ນໆ ຂອງເໝືອງ ໃນປະເທດຈີນ ຫຼຸດລົງຫຼາຍ ໃນໄລຍະສິບປີທີ່ຜ່ານມາ ແຕ່ອຸດສາຫະກໍາເໝືອງໃນປະເທດຈີນກໍ່ຖືວ່າເປັນອຸດສາຫະກໍາທີ່ອັນຕະລາຍທີ່ສຸດໃນໂລກ.